"Көңілді түстер"

«Көңілді түстер»

(ашық ұйымдастырылған іс-әрекет)

Бөлімі: сурет салу, мүсіндеу, жапсыру, құрастыру

Міндеттері: «Көңілді түстер» ойыны арқылы жаңа түстер (күлгін) және реңктерді (көк, қызғылт, қою жасыл) бояуды араластыру арқылы шығару (гуашпен сурет салу кезінде); мүсіндеудің әртүрлі әдістерін қолдану: құрылымдық (жеке бөліктерден) және мүсіндік (негізгі бөліктерді тұтас кесектен жасау); қайшы мен желімді дұрыс қолдану дағдыларын жетілдіру; шығармашылық ойлауды және қиялды дамыту; әдеби шығармаларды эмоционалды қабылдауына ықпал ету; зерттеу жүргізу үшін өз әрекетінің алгоритмін жасауға баулу; танымдық қызығушылықтарын, білуге құмарлықты, оқу әрекетіне қызығушылықты дамыту (қарым-қатынас іс-әрекеті, шығармашылық іс-әрекет, бейнелеу іс-әрекеті, танымдық іс-әрекет, қазақ тілі, музыка, дене шынықтыру)

Барысы: Музыка әуенімен сәлемдесу

Аяқ іздерімен 10-ға дейін санап, кілем үстіне отыру

«Бояулар туралы ертегі» (интерактивті тақтады көрсету арқылы, ертегіні мазмұндап беру)

Ерте,ерте ертеде, ешкі жүні бөртеде ҚЫЗЫЛ, САРЫ, КӨК бояулар өмір сүріпті. Олар өте тату-тәтті болыпты. Бір күндері олар қызықты оқиларға тап болады. Әр түс бізге нені еске түсіреді?

Бір күні қызыл сары бояуға қонаққа келеді.Бір мезетте үй ішіндегі шам сөніп қалады. Бояулар бір-бірімен соқтығысып жүрген кезде тағы бір түсті бояу пайда болады. Шам жанған кезде, қандай түс пайда болған екен?

Жаңбыр жауған кезде болған оқиға Көк бояу мен кіші қарындасы Сары бояу жаңбырдан қорқып, емен ағашының астына тығылады. Жаңбыр қатты жауғаннан бояулары езіле бастайды, олардың бояулары араласқан кезде Жасыл бояу пайда болады.

Ары қарай мынандай жағдай болды Көк бояу өзінің жаңа досына қуанады, осы қуанышымен Қызыл бояумен бөліспек болып, Қызыл бояуды қушақтап алғанда Күлгін түс пайда болады.

Солай осы өмірге жаңадан Қызысары, Жасыл, Күлгін түстер пайда болған екен. Барлық бояулар қол ұстасып, үлкен шеңбер жасайды. Осыдан Кемпірқосақ пайда болады. Осы шеңберде әр түстің өз орны болады. Түстер тату-тәтті өмір сүруде. Қызыл Қызылсары Сары Жасыл Көкшіл Көк Күлгін Түстер тату-тәтті өмір сүріп жатыр.

- Кемпірқосақ түстерін санайық.

- Жеті түс: қызыл, қызыл сары, сары, жасыл, көкшіл, көк, күлгін.

- Балалар, кемпірқосақ неге ұқсайды? (доға, сырғанақ, жарты шар).

Балалардың өз бетінше жұмысы

- Сендердің алдарыңдағы көгілдір қағаз аспан әлеміндегі бір бөлігі деп есептеңдер. Олай болса, біз қазір аспан денесіндегі кемпірқосақты суретін салайық. Оңнан солға қарай доға жүргізіп боямыз, осылай жеті түсті қайталаймыз.

1. Зерттеу орталығында балалар үш түсті пайдалану арқылы, басқа түстерді де шығарады.

Қызыл және сары түсті араластыру арқылы қызыл сары түсті шығару.

Көк және сары түсті араластырып, жасыл түсті шығару. Қызыл, көк, ақ түсті араластырып күлгін түсті шығару.

2. Ылғалды сүрткіш, сабын көпіршігі және бояуларды пайдаланып, көбікті кемпірқосақты жасау.

3. Бояулы суға қант қосу арқылы кемпірқосақты жасау.

Шығармашылық орталықта балалар өз қалауларымен жұмыс жасайды.

Губкамен, тарақпен кемпірқосақтың суретін салады, ермексазбен кемпірқосақты мүсіндейді, қағаздан қиып кемпірқосақты жапсырады және құрастырады.

Қорытындылау.

Мадақтау. Бағалау.