Конституция күніне арналған «Ата заңым айбыным» атты сценарий.

Балалар музыкалық залға «Елім менің» әнімен балалар залға кіреді.

Жүр: Бүгін біз Конституция күнін атап өтеміз! Бұл үлкен мереке. Қазақстан Республикасының Конституциясы 1995 жылы 30 тамызда бүкілхалықтық референдумда қабылданды.

Қастерлемес даңқын кім

Қадірлемес салтын кім

Әнұраны елімнің

Үні, тілі халқымның

(ҚР әнұраны орындалады)

Жүр:Еркін елдің Ата Заңы ардақты

Әрбір сөзі, әрбір бабы салмақты

Адам құқы, бостандығы, теңдігі,

Барлығын да қарастырған жан- жақты.

Балалар, біздің мерекеміз қызықты болу үшін мен сендерді кітапханамызға қысқаша саяхат жасауды ұсынамын. (Шағын кітап көрмесі)

Кітапханашы шығады.

Қайырлы күн балалар, сәлем құрметті қонақтар. Сізді мерекемен құттықтаймын. Бүгін сендерге басты кітабымыз туралы мәлімет айтқым келеді.

(Кітапханашы балаларға слайд арқылы кітаптарды көрсетеді)

Конституция – мемлекеттің негізгі заңы.

Біздің ата-бабаларымыздың өз заңдары болған. Слайдқа назар аударайық.

«Қасымханның қасқа жолы»

«Есім ханның ескі жолы».

«Жеті ыстық»

Қазақ КСР Конституциясы

Қазақстан Республикасының Конституциясы

Кітапханашы: Мен сендермен ойын ойнағым келеді.

Слайд. Ойын: «Не жақсы, не жаман?»

Слайдта «жақсы» және «жаман» 2 сурет бар. Балаларға не істеуге болатынын және не істеуге болмайтынын көрсету керек.

Кітапханашы: Балалар жарайсындар! Мен барып басқа балаларға Қазақстан Республикасының конституциясы туралы айтып берейін.Сендерге сыйлығым бар, бұл сендерге ертегілер кітабы. Топта бірге оқып, білімді балалар болып өсе беріндер.

Жүр: Біздің балалар өте ақылды. Бүгін мерекеге орай олар саған ән айтқысы келеді:

Ән___________________

Жүр: Біз бәріміз де бір елде, бір шаңырақ астында өмір сүріп жатырмыз. Осылай тату-тәтті өмір сүріп , өміріміз ойын күлкіге толы болсын. Сендермен ойын ойнағым келеді.

Ойын: «Шаңырақ»

Жүр: (сұрақ-жауап)

1. Балалар, біздің Отанымыз қалай аталады?

2. Қазақстан қандай мемлекет?

3. Отанымыздың астанасы қай қала?

4. Еліміздің президенті кім?

5. Қазақстан Республикасының рәміздері қандай?

Рәміздер туралы тақпақтар.

Айнымайды аспаннан
Біздің тудың бояуы,
Оны халық қашанда
Биікке іліп қояды

Елтанбасы елімнің
Неткен әйбат, әдемі.
Тұнығындай көңілдің
Ортада аспан әлемі!

Әнұраны елімнің
Шақырады бірлікке.
Егеменді халқымның
Болашағы бірлікте.

Конституция күні – Қазақстанның барлық тұрғындарына ортақ мереке.

Бәрімізге ашық аспан тілеп, барлығымызды бірге билеуге шақырамын.

Флэшмоб.

Жүр: Осымен Конституция күніне арналған мерекеміз аяқталды. Сізге бақыт пен тыныштық тілеймін.