Көркем әдебиет пәнінен конспект. Тақырыбы: "Көктем сәні"ертегі.

Білім беру саласы: "Қатынас"

Пән: "Көркем әдебиет"

Тақырыбы: «Көктем сәні» ертегі

Мақсаты:

1.Тәрбиелік: Табиғатты аялай білуге, қамқор болуға тәрбиелеу.

2.Дамытушылық: Өз түсініктерін әңгімелей білу қабілеттерін дамыту..

3.Оқыту: Ертегіні түсіндіре отырып, балаларды көктем мезгілінің ерекшелігін сезіне білуге үйрету

Педагогикалық технологиялар: сұрақ-жауап,түсіндіру, әңгімелесу;

Ресурстармен қамтамасыз ету: жабайы аңдардың суреттері, слайдтар.

Билингвалдық компонент: көктем-весна, жабайы аңдар-дикие животные;

Ұйымдастырылған оқу қызметінің барысы:

I.Ұйымдастырушылық кезеңі  (2мин)

Табиғатқа қамқор боп,

Байлығын біз қорғайық.

Әдепті де, тәртіпті боп,

Жақсылығын қолдайық.

Табиғатты аялап, қорғасақ, өз денсаулығымызды қорғағанымыз.

II. Негізгі бөлімі.

1.Әңгімелесу

Қазір жылдың қай мезгілі? (Көктем).

Көктем мезгілінде неше ай бар? (Үш ай).

Айлардың атын атаңдаршы. (Наурыз, сәір, мамыр).

Балалар, көктем келгенде бүкіл тіршілік жан-жануарлар, адамдар неге қуанады?

Жер бетіндегі қар еріп, күн жылына бастайды. Гүл шығады, жеміс ағаштары гүлдейді, мал төлдейді. Әрбір жыл мезгілі өз сәнімен ерекшеленеді. Жазда ыстық, күзде суық, қыста қар, көктемде жасыл болады.

Бүгін оқу қызметінде «Көктем сәні»деген ертегіні оқимыз.

Таң атты.Барлық жан-жануар ұйқыдан оянды. Қартайғандікі ме, аң патшасы Арыстан кешеуілдеп тұрды. Айнала көз салды.

-Жар салдыр,-дейді Жолбарысқа. Аң біткен жиналсын...

Шалқыған көңіл-ұйымшыл, досы көп болады.

Жасыл желек-ну орман, өсімдік, табиғат сәні. Гүл -өмірдің сыйы, ауа тазарады, жердің сәні.

Күлкі-көңіл ажары. Ашық аспан.

Жаңбыр-табиғатқа сән береді, егін өседі. Адамдардың еңбектенуі.

Жылылық-қоршаған орта, өседі, өнеді, көбейеді. Хош иіс-раханаттасың, демаласың.

Балалар, сендер көктем сәні не деп ойлайсыңдар? (балалардың жауаптары).

2.Сергіту сәті:

Бұғының үлкен үйі бар,

Терезеден қарайды ол

Қоян жүгіріп келеді,

Бұғының үйін көреді

Тық-тық, досым, есік аш,

Ана орманда аңшы қаш,

Қоян, қоян келе ғой,

Қолыңды маған бере ғой.

3.Дидактикалық ойын: «Кім тез құрастырады?».

Мақсаты: ойлауды, бөлшектерден тұтасты құрай алу іскерлігін дамыту.

Ойын шарты: Әрбір балаға конверт. Конверттің ішінде аңдардың, жануарлардың қиылған денелері, сол бөлшектерден тұтас сурет құрау.

4.Аңдар туралы жұмбақтар жасыру.

Қыс бойына жатады,

Тәтті ұйқыға батады. Аю

Қаймықпайды күшті аңнан,

Қорқады тек тышқаннан. Піл

Қалдырмай баласын бір елі,

Қалтаға салып ап жүреді. Кенгуру

Қуы екен аңдардың,

Бір сәтте алдандым. Түлкі

Денесі жолақ-жолақ,

Есекке ұқсайды. Ол қандай жануар? Зебр

Киім киген инеден,

Қорқып ешкім тимеген. Кірпі

III.Қорытынды:

Көктем сәнің қалай түсінесіңдер?

Қандай ертегімен таныстыңдар?