Алғы сөз

Бұл әдістемелік құралдағы менің – мақсатым қазақтың ою-өрнек өнерінің тарихы, сыры мен оны дамытушы шеберлердің еңбектерінің маңызын аша түсу.

Білім сапасын көтеру мақсатында түрлі жаңалықтарды мектеп өміріне енгізіп жүрміз. Жаңа заманның білімді ұрпақтарын тәрбиелеп оқытуда түрлі қиындықтар кездеседі. Соның жолдарын іздеуде көптеген іс- тәжірибелер жасаудамыз. Сапалы білім беру – оқыту мен тәрбиелеудің үздіксіз үдерісі. Қазіргі кезде білім берудегі мақсат жан-жақты білімді, өмір сүруге бейім өзіндік ой- талғамы бар, адамгершілігі жоғары, қабілетті жеке тұлғаны қалыптастыру.

Қазір бүкіл әлемде интерактивті қатынас жасауға оны жүзеге асыратын техникалық мүмкіндіктерді дамытып отыра алатын ақпараттық қоғамға көштік. Бүгінгі күні инновациялық әдістермен ақпараттық технологияларды қолдану арқылы оқушының ойлау қабілетін арттырып, ізденушілігін дамытып, қызығушылығын тудыру, белсенділігін арттыру ең негізгі мақсат болып айқындалады. Технология сабағында оқушылармен жұптық және топтық жұмыс жасаудағдысын қалыптастыру

Бүгінгі күнгі өнерде оның алдыңғы қатарлы түрлері қолөнерінің арақатынасын анықтау оңай жұмыс болмауы әбден мүмкін. Қай кезеңде болсын адамзат алдында тұратын міндеттердің ең бастысы – өзінің ісін, салт-дәстүрін жалғастыратын салауатты, саналы ұрпақ тәрбиелеу болып табылады. Білімді, өнерлі, жан-жақты тәрбиелі жастар – ұлтымыздың баға жетпес қазынасы, сондықтан жастарды жан-жақты қабілетті азамат етіп өсірудегі халық қолөнерінің тәлім-тәрбиелік, білім-танымдық рөлі орасан зор.