Көркем еңбек пәнінің берері көп

Көркем еңбек пәнінің берері көп.

Еңбек - адамды қалыптастырушы фактор.

Адамды қоғамдағы орны еңбегімен анықталады. Демек, адамды адам еткен – еңбек.

Қазақтың ұлы ақыны Абай айтқандай «Егер мал керек болса, қолөнер үйренбек керек, мал жұтайды, өнер жұтамайды». Бұл сөзден еңбек қолөнерді еш уақытта ескімей, адамның өмірлік жолында пайдасы зор екнің байқаймыз.

Қазіргі көркем еңбек сабағының кілтті сөзі ол еңбек. Бұл сабақта балаға қарапайым «Еңбек құралдары мен өсімдік өсіру мен күтіп баптауды» үйрететін болса, бүгінгі таңда ғылым мен техниканың қарыштап дамыған заманы. Ғылым мен озық ойлы технологияның заманы. Адамзат баласының ақыл ойының дамыған заманында «Еңбек» сабағы «Технология.Көркем еңбек» болып өзгеруде .

Қазақ елі еңбекті ерекше бағалап құметтеген. Мысалға: «Жалқаудың жаны тәтті, Еңбектің наны тәтті»- деген сияқты мақал- мәтелдерінен, және тағы басқа қанатты сөздерінен байқауға болады.

«Көркем еңбек» Технология» сабақтары балалардың шығармашылық жігерін ашуға көмектеседі. Шеберлік деңгейінің өсуіне, әр жұмысты соңына дейін жеткізудегі шыдамдылық төзімділік сияқты қасиеттерін қалыптастырады. Оқушы бала орасан зор еңбегінің жетістігін көргеннен кейін сол затты қайта жасауға қызығады, және соны үйренуге талпынады.

«Технология. Көркем еңбек» пәндерінің балаға берер білімі өте көп және күрделі пән ретінде қарауымыз керек. Еңбекке немқұрайлы қарау нағыз білімсіздік. Ата-аналармен бірлесе отырып, балаларды отбасылық құндылықтарға,еңбекқорлыққа баулу,ұлттық құндылықтарға деген қызығушылықтарын ояту мақсатында отбасымен «Шебер әке,өнерлі ана,еңбекқор бала » қолдан жасалған бұйымдар республикалық байқауына қатыстыру жұмыстары жүргізілуде.