«Әдемі жазу – өнер»

Мақсаты: Оқушыларды сауатты, мәнерлі, көркем жазуға машықтандыру.

Өнерге құштарлықтарын, эстетикалық талғамдарын нығайтып,

ұқыптылыққа, еңбексүйгіштікке баулиды.

Көрнекілігі: интербелсенді тақта
Түрі: байқау
Қатысатын сыныптар: 1 сыныптар

Жүру барысы:

- Құрметті ұстаздар мен қонақтар, оқушылар! 1 сыныптар арасында өтетін "Әдемі жазу - өнер" байқауына қош келдіңіздер.

І. Ұйымдастыру кезеңі. Таныстыру.

«Мен күннің шуағы» әдісі арқылы психологиялық ахуал туғызу.

Күннің суреті арқылы өздерін таныстырып, бір-біріне тілек тілейді.

ІІ. Негізгі бөлім.

• Байқауға оқушылардың дәптерлерінің жүргізілу деңгейі, тазалығы, көркем жазулары басшылыққа алына отырып іріктеліп алынды. Әр сыныптан 3 оқушыдан, барлығы 15 сайыскер қатысады.

• Байқау 3 кезеңнен тұрады.

1-кезең: «Суретті бастыру және бояу».

Бұл бөлімде сайыскерлер суретті қаламмен бастырып сызып, түрлі түсті қарындашпен бояйды.
Бөлімінің критерийлері: (5 ұпай)
- Суретті сызық бойымен бастыру;
- Бояуды дұрыс таңдай білуі;
- Жұмыстың ұқыптылығы.

2-кезең: «Суретті диктант»

Бұл бөлімде сайыскерлер суреттегі заттардың атауын жазады.

Бөлімінің критерийлері: (әр сөзге 2 ұпайдан барлығы 12 ұпай)
- сөздің суретке сәйкестігі;
- сөздің қатесіз жазылуы;

- каллиграфия нормасын сақтай отырып жазуы.

Өшіргіш, қарындаш, кітап, қалам, сызғыш, дәптер.

Сергіту сәті. «Балдаурен» әні. Қайрат Інжу

3-кезең: «Мәтінді көшіру».

«Аңдар мекені» мәтіні көшіріліп жазылады.
Бөлімінің критерийлері: (10 ұпай)
- сауаттылығы;
- әріп элементтерін дұрыс қосып жазуы;
- каллиграфия нормасын сақтай отырып жазуы;
- тазалығы.

Қорытынды

• Әдемі жазу – өнер. Таза, анық, әдемі жазуды оқуда жеңіл, ондай жазумен берілген ойды түсіну де оңай. Әріп таңбаларын әдемі, көркем етіп салуға жаттықтыру мақсатында жүргізілетін жұмыстардың оқушы бойында жақсы қасиеттердің қалыптасуына ықпалы бар. Әдемі, анық жазу арқылы сендер еңбексүйгіштікке, ұқыптылыққа, әдемілікке тәрбиеленесіндер.

«Әдемі жазу - өнер» байқауы

Бағалау парағы

«Оралхан Бөкей атындағы № 44 лицейі» КММ

«Әдемі жазу – өнер»

(1 сыныптар арасында көркем жазу байқауы)

2023-2024 оқу жылы

Жауапты: Мухаметрахимова А. Е

Наккажина Д. К