Тақырыбы: «Көркем сөз шебері» атты көркем шығарманы оқу сайысы

Мақсаты: Оқушылардың екпінді дұрыс қоя білу, оқу мәнерін меңгеру, шығарманың ой - мазмұнына сай дауысты баяу, жігерлі оқу немесе тілек, сұрақ, көңіл күйді көтеріңкі үнде оқи білу машықтарын байқау, шығармашылық және тұлғалық әлеуетін дамыту.

Cлайд1
Сабаққа қажет құрал - жабдықтар, көрнекіліктер: балалар ақын – жазушыларының кітаптарынан көрме, портреттер, нақыл сөздерді слайд арқылы демонстрациялау.

Сайыстың барысы:

Дамира: Армысыздар, оқушылар мен мұғалімдер! Бастауыш 3 сыныптар арасындағы «Көркем сөз шебері» атты көркем шығарманы мәнерлеп оқу сайысына қош келіпсіздер. 

Тынар: Алдымен бүгінгі мәнерлеп оқу сайысының басты ережелеріне тоқталып өтсек:

Жоғарғы ұпай -3

1- кезең. Оқушылардың өздерін таныстыруы;

2- кезең. Сұрақ - жауап әдісі. Қойылған сұрақтарға нақты, әрі дәлелді жауап беруі;

3- кезең. Көркем шығарманы мәнерлеп оқу.

4- кезең. Абай Құнанбаевтың өлеңін мәнерлеп оқу.

-Олай болса, сайыстың аты сайыс демекші, қатысушыларға әділ бағасын беретін қазылар алқасымен таныстырып қойғанымыз жөн болар:

1. Бастауыш сынып мұғалімі :Садыбаева Индира Серікбайқызы

2. Бастауыш сынып мұғалімі : Ералиева Гүлмира Айтқұлқызы

Дамира:
Ал келіңдер, келіңдер,
Бір - біріңе еріңдер.
Көркем сөзбен көмкеріп
Сайысқа қатысып көріңдер, - деп қатысушы оқушыларымызды қарсы алайық! Оқушылар өздеріңізді таныстырып өтсеңіздер.

3 - сынып оқушылары

Тынар: 2- кезең cұрақ- жауап әдісіне көшеміз. Мұнда қойылған сұрақтарға нақты, әрі дәлелді жауап берулерің керек:

1.«Кел, балалар, оқылық» өлеңінің авторы кім? (Ы.Алтынсарин)

2. «Әсемпаз болма, әр неге,
Өнерпаз болсаң, арқалан
Сен де бір кірпіш дүниеге
Кетігін тап та бар қалан» өлеңінің авторы кім? (А. Құнанбаев)

3. Қазақстанның астанасы қай қала? (Астана қаласы)

4. Қазақстан Республикасының Тәуелсіздік күні? (16 желтоқсан)

5. Қазақ әліпбиінің негізін кім? (А. Байтұрсынұлы)

6. Мемлекеттік рәміздері? (ту, елтаңба, әнұран)

7. Н. Ә. Назарбаев қашан президент болып сайланды?(1 желтоқсан 1991 жылы.)

8. Биыл Әбу Насыр әл-Фарабидің неше жылдығы? (1150 жылдығы)

9. Жүсіп Баласағұнның неше жылдығы ? (1000 жылдығы)

10. Абай Құнанбайұлының неше жылдығы ? (175 жылдығы)

Жарайсыңдар балалар! Енді, биылғы жылдың атаулы күндерін бір есімізге түсіріп алайық. Ол үшін слайдқа назар аударайық.

Слайд 2

Дамира: Келесі 3-кезеңде көркем шығарманы мәнерлеп оқу. Мұнда екпінді дұрыс қоя білу, оқу мәнерін меңгеру, шығарманың ой - мазмұнына сай дауыс ырғағы, мәнері, дикциясы, рөлді сомдай алуы шарт.

Тынар: 4- кезең.

Асыл сөзді іздесең,
Абайды оқы, ерінбе.
Даналықты көздесең,
Тоқып ал ақ көңілге, - деп С. Торайғыров бабамыз жырлағандай, Абай атамыздың кез-келген өлеңін бір оқушы бастаса, қалған оқушылар ары қарай жалғастырып отырады. (Оқушылар кезектесіп өлеңді оқып шығады)

Өте жақсы балалар! Әділ қазылар өз шешімдерін шығарғанға дейін, мәнерлеп оқу шеберлерінің бір шығармасына назар аударайық.

Слайд 3 /видео/

Дамира:

Жеңістер мен жеңілістен тұратын,
Өмір – күрес, жеткізе ме мұратын?
Жеңбедім, жеңілдім деп ренжімеген,
Қатысу да бір жеңіс, жан болсаң сен ұғатын.
Енді ортаға әділқазылар алқасын шақырайық, сайыстың шешімін оқиды.
Әділ қазылар, сөз кезегі өздеріңізде.

Марапаттау.
Осымен «Көркем сөз шебері» атты сайысымыз өз мәресіне жетті.

Қымбатты балалар, қонақтар! Талапты оқушыларымыздың болашағы жарқын, атар таңы арайлы болсын!