Көшбасшылық стильдері

«КӨШБАСШЫЛЫҚ СТИЛЬДЕРІ» АНЫҚТАМАЛАРЫ

Көшбасшылық стильдері / Стиль лидерства / Leadership styles –көшбасшыға тән, оның топ мүшелеріне әсер ететін әдіс-тәсілдерінің белгілі

бір жүйесі.

• Автократтық стиль / Автократический стиль / Аutocratic style – бұл көшбасшылық стилі көшбасшылар өз қарамағындағыларға не істеу және қалай істеу керектігін айтатын жағдайларда қолданылады. Оларды өздерінің қарамағындағылардың кеңестері қызықтырмайды. Көшбасшылықтың бұл стилі сізде барлық қажетті ақпарат қолда болып, уақытыңыз шектеулі, ал қызметкерлеріңіздің уәжі мықты болған жағдайда орынды.

• Патерналистік стиль / Патерналистский стиль / Рaternalistic style - қарамағындағылармен өз «балалары» сияқты қарым-қатынас жасап,олардың еңбекке деген уәжін басшыға тәуелді болумен байланыстырудыкөздейтінкөшбасшылық стилі. Қызметтік ақпарат басшының «ілтипатына» қарай жоғарыдан төменге қарай таралады, іс-әрекетті бақылау таңдаулы түрде, басшылықтың қалауы мен ішкі түйсігі бойынша жүзеге асырылады. Билік ешкімге бөлінбей, тек басшының қолында ғана болады.

• Демократиялық стиль / Демократичный стиль / Democratic style - орындаушыларды басқару функцияларыніске асыруға жұмылдырумен, оларды ұйымның мақсаттары мен жоспарларын әзірлеуге байланысты негізгі міндеттерді шешуге, оларды жүзеге асыру жолдарын іздестіруге қатыстырумен сипатталатын стиль.

• Делегаттық стиль / Делегативный стиль / Delegative style - көшбасшы өз қарамағындағыларға өздігінен шешім қабылдауға мүмкіндік беретін көшбасшылық стилі. Дегенмен қызметкерлерге әрекет етуде еркіндік берілгенімен, қабылданатын шешімдер үшін көшбасшы жауап береді. Бұл стиль қызметкерлер өздігінен жағдайды сараптап,не істеу және қалай істеу керектігін анықтай алған уақытта қолданылады.

• Либералды стиль / Либеральный стиль / Liberal style - көшбасшы топ мүшелеріне ешқандай талап қоймайтын, ештеңені талап етпейтін, топ мүшелерінің барлық ұсыныстарын қабыл алатын, қақтығыспайтын және жалпы алғанда көшбасшы тарапынан жетекшіліктің болмауымен сипатталатын стиль. Бұл жағдайда көшбасшының мүддесі топтық әрекеттен тыс жатады. Көшбасшылықтың бұл стилі қолданылған жағдайда, еркін басқару орын алып, соның нәтижесінде топтың ахуалы тұрақсыз болады, бұл әдетте топтың ыдырауымен немесе автократты көшбасшының келуімен аяқталады.