Минск орта мектебінде өткізілген «Компьютерлік ғылымдар апталығы» аясында «Қазақстан Код сағаты» акциясы

2018 – 2019 оқу жылы

6.12.18ж. күні мектебіміздің 5-7 - сынып оқушыларына арналған информатика сабағы шеңберінде «Қазақстан Код сағаты» атты тақырыпта сабақ өткізілді.

Қатысқан оқушылар саны: 9.

Қатысқан мұғалімдер саны: 5.

Сабақтың мақсаты: оқушылардың ақпараттық технологияға, атап айтқанда қолданбалы бағдарламалауға қызығушылығын арттыру.

Сабақ барысы: қатысып отырған оқушыларға сабақтың негізгі мақсаты нақты түсіндірілді. Оқушылар 2 топқа бөлініп, арнайы дайындалған материалдар мен құрал–жабдықтар таратылып берілді. Атап айтар болсақ, пластик/ қағаз стақандар (1 топқа 6 стақаннан), таза қағаз парақтар (А4 форматта), қаламдар.

Сонымен қатар, оқушыларға негізгі терминдердің мағыналарын кеңінен баяндап берілді. Әр топқа бір уақытта стақандар конструкциясы бар карточка беріліп, тапсырмалар орындалды. Одан кейін, топ басшыларына жеке – жеке тапсырмалар берілді. Стақандар конструкциясы сызбалар жиынтығы арқылы алгоритмдерді пайдаланып әртүрлі өнім құрастырды.

Сабақ барысында бұл тапсырмалар оқушыларға қызықты болып, қызығушылықтары басым болды.

Оқушылардан роботтар жайлы әңгіме әңгімелесу жүргізілді. Робот туралы өздерінің білетін білімдерімен бөлісті.

Қорытындылай келе, «Компьютерлік ғылымдар апталығы» аясында «Қазақстан Код сағаты» акциясының оқушыларға тиімді жақтары көп болды. «Робототехниканың» бір қырын тануда бұл сабақтың маңызы зор. Оқушылар белсенділікпен және қызығушылықпен қытысып, өз білімдерін жетілдіре түсті.

Информатика пәнінің мұғалімі: Ауел Б.