Коучинг "Бастауыш сынып сабақтарында ұлттық ойын элементтерін қолдану арқылы функционалдық сауаттылықты қалыптастыру"

Тақырыбы:

"Бастауыш сынып сабақтарында ұлттық ойын элементтерін қолдану арқылы функционалдық сауаттылықты қалыптастыру"

Коучердің аты жөні:

Жубанканова Акбота Ершатовна

Мақсаты:

Бастауыш сынып мұғалімдеріне ұлттық ойын элементтерін сабаққа енгізу арқылы оқушылардың функционалдық сауаттылығын арттыру жолдарын көрсету және тәжірибелік дағдылар қалыптастыру:

• Ұлттық ойындардың оқу үдерісіндегі рөлін көрсету.

• Функционалдық сауаттылықты арттырудың әдістерін талқылау.

• Мұғалімдердің практикалық дағдыларын дамыту.

Күтілетін нәтиже:

• Қатысушылардың сабақтағы әдіс-тәсілдері жаңарады.

• Бастауыш сынып оқушыларының функционалдық сауаттылығы артатын жаңа тәсілдер қолданысқа енеді.

• Ұлттық құндылықтарды сақтау мен насихаттау бағытындағы белсенділік күшейеді.

Жұмыс түрі:

Топтық, жұптық, жеке.

Қолданылатын тәсілдер:

"Бәйге"ойыны», «Class Dojo» платформасы, «Talkingco.de» голограмма жасау платформасы, «Асық ату» ойыны , «Тоғызқұмалақ» ойыны, «Арқан тартыс» ойыны, әуенмен суретті бояу терапиясы

Керекті құрал-жабдықтар:

Интерактивті тақта, флипчарттар, маркерлер, А5, А1 форматындағы парақтар, түрлі – түсті стикерлер, ағаш тұлпарлар

Коучтің жазбалары:

№

Коучинг кезеңдері

Уақыты

Коучингке қатысушылардың әрекеті

1

Топқа бөлу, ымыраластық орта құру.

"Бәйге"ойынын ойнату арқылы ұстаздардың көңіл-күйлерін көтеру, психологиялық жағдай жасау, топтастыру

5 минут

Үстел үстіне бірдей тұлпарлар қойылады. Қатысушылар бір-бірден келіп, өздері қалаған тұлпарды таңдайды.Таңдағаннан кейін, олар тұлпардың үстіндегі сыйлықты алып, қысқаша танысып, бір-бірінің есімдерін айтып, «Асықпен топқа бөлу» арқылы тобын таңдайды.

3 топқа біріктіріледі.

І топ «Кеней»,

ІІ топ «Сақа»,

ІІІ топ «Шүкейт».

2

Миға шабуыл.

Қатысушыларға сұрақ: "Балалық шағыңызда қандай ұлттық ойындарды ойнадыңыз?"

«Ақсүйек» ойыны.

Шарты: Жасырылған ақсүйектерде берілген тапсырманы «QR» кодты сканерлеу арқылы оқып, орындайды.

10 минут

Жауаптарын тыңдап, қысқаша талқылау.

Жасырылған ақсүйектерді тауып, берілген тапсырманы «QR» кодты сканерлеу арқылы оқып, орындап ұпай алады.

3

Кіріспе

Мақсаты: Тақырыптың маңыздылығын түсіндіру.

5 минут

Тақырыптың теориялық жағын түсіндіру.

Ұлттық ойындардың білім берудегі рөлі:

Танымдық қабілетті дамыту.

Коммуникативті дағдыларды жетілдіру.

Құндылықтарды сіңіру.

Функционалдық сауаттылық:

Оқу сауаттылығы.

Математикалық сауаттылық.

Коммуникативтік дағдылар.

Мультимедиа: Ұлттық ойындар мен функционалдық сауаттылық арасындағы байланысты көрсететін қысқа бейнеролик немесе слайд.

4

Негізгі бөлім

Мақсаты: Ұлттық ойындарды сабақта қолданудың практикалық жолдарын ұсыну.

15 минут

А) Топтық жұмыс (10 минут)

Әр топқа ұлттық ойынға негізделген тапсырма беріледі:

І топ «Кеней»

«Асық ату» ойыны: Оқу сауаттылығын дамытуға арналған тапсырма ойластырыңыз.

ІІ топ «Сақа»

«Орамал тастамақ» ойыны: Математикалық сауаттылықты дамытуға арналған тапсырма жасаңыз.

ІІІ топ «Шүкейт»

«Арқан тартыс» ойыны: Командалық жұмыс пен коммуникативтік дағдыларды дамытуға арналған тапсырма құрастырыңыз.

Әр топ өз ойларын постерде немесе слайдта көрсетеді.

Ә) Тапсырмаларды талдау (5 минут)

Әр топ өз тапсырмасын таныстырады.

Қалған қатысушылар өз пікірлерін қосады.

Мұғалімдердің практикалық қолдануға болатыны туралы ойлары талқыланады.

Сергіту: «Қос қолым өрнектеген қошқармүйіз»

5 минут

Берілген ою-өрнектерді бір уақытта екі қолмен бояйды. (Әуенмен суретті бояу терапиясы)

Екі қолмен сурет салу мидың екі жарты шарын бір мезетте іске жұмылдырады, ми талшықтарын оятады.

5

Қорытынды

Мақсаты: Сабақта ұлттық ойын элементтерін қолданудың артықшылықтарын айқындау.

2 минут

Қатысушыларға сұрақ: “Бүгінгі коучингте қандай жаңа идея алдыңыз?”

«Бүгін анықталған мәселелердің қайсысын шешу оңай?»

«Ұсынылған шешімдерден өз сабақтарыңызға не алғыңыз келеді?»

6

Рефлексия «Ұлттық мұра қазынасы»

2 мин

Қатысушыларға ұлттық нақышта жасалған қобдиша беріледі.

Әр қобдишаның сыртындағы «QR» кодты сканерлеу арқылы кері байланыс парақшасына өту ұсынылады.

7

Қорытынды мотивация: «Болашаққа ұлттық көзқарас»

Мақсаты: Қатысушыларды ұлттық ойындардың құндылығын түсініп, оны сабақта қолдануға шабыттандыру.

1 минут

Коуч мотиватор ретінде мынадай ой айтады

«Ұлттық ойын – тек қана ойын емес, ол тәрбие, білім, ұлттық болмыстың негізі. Әрқайсымыз осы құндылықтарды оқушыларымызға жеткізе алсақ, олардың жан-жақты дамуына үлкен үлес қосамыз. Ұлттық мұрамызды сақтай отырып, білім берудің жаңа көкжиектеріне қадам басайық!»