Коучинг Нәтижелі оқытуға бағытталған жеті модуль.

№1

Коучинг тақырыбы: Нәтижелі оқытуға бағытталған жеті модуль.

Мақсаты: Мұғалімдерді ҚР педагог қызметкерлерінің біліктілік арттыру

курстарының бағдарламасымен таныстыру. Оқыту мен оқу

тәжірибесіне жаңа тәсілдерді енгізу.

Күтілетін нәтиже:

• Мұғалімдер Кембридж тәсілінің теориялық негіздерімен танысады.

• Оқыту мен оқудағы әдістерді не үшін өзгерту қажет? деген сұраққа өз мүмкіндігіне қарай жауап береді.

• І деңгей бағдарламасының міндетін біліп, мақсатын айқындайды.

І. Сергіту сәті

ІІ. Мұғалімдер 3 топқа бөлініп отырады. Олардың әрқайсысына жеке-жеке «Өзгеріс», «Әлем», «Білім» деген сөздер таратылып беріледі «Өзгеріс» - 1 топқа, «Әлем» 2 топқа , «Білім» 3 топқа орналасады. Әр топ өзеріне берілген сөздің мағынасын ашып, тереңірек қорғап қорғап шығады.

ІІІ. Содан соң интерактивті тақтадан мынадай сұрақтарға жауаптар алынады.

1. Оқушының білім сапасын көтеруде сіз өз әдіс-тәсілдеріңізге көңіліңіз тола ма?

2. Өзгеріс не үшін қажет деп ойлайсыз?

3. Әдіс-тәсілдеріңіздің сіз үшін тиімді , тиімсіз тұстары болды ма?

4. Өзіңізді осы заманға сай мұғаліммін деп есептейсіз бе?

(Осы сұрақтар бойынша жұп болып, топ болып талқылап, әр топтан бір –бір мұғалім өз ойын ортаға салады.

ІV. Мұғалімдерге білім сапасын жоғары көтеру үшін қандай нәрселер кедергі келтіреді? Осы жайында өз ойларыңды схемамен немесе сурет салып көрсетіңіздер деп, әр топқа бір-бір плакат пен маркерлер таратылып беріледі. Олар үлгермейтін оқушының білім сапасын көтеру үшін алда тұрған кедергілерді өз көзқарасы мен танымы бойынша тізіп шығады. Өз ойларын ашық айтып, дәлелдейді. Керек жерінде ЖАДА әдісін қолданады.

Коучер: Осы кедергілерді жою үшін не істеуіміз керек? Топ мүшелері өз ойларын ашық айта бастайды.

• Бірлесіп жұмыс істеуіміз керек

• Белгілі бір шешімге келуіміз керек т.б.

V. Сауалнама.

1. Сіз шын мәнінде үлгерімі төмен оқушылармен жұмыс істеуге құлшына кірісесіз бе?

2. Оқушылар оқытуда нәтижеге жету үшін сіз өз әдіс-тәсіліңізді өзгертер ме едіңіз?

3. Ол үшін қандай кедергілер кездесуі мүмкін?

4. Ол кедергілерді қалай жеңуге болады?

5. Сіз алаңсыз дұрыс жұмыс істеуіңіз үшін қандай ресурстарды қажет деп есептейсіз?

• «Екі жұлдыз, бір тілек арқылы бағалау»

Коучер: Біздің бүгінгі тақырыбымыз – «Нәтижелі оқытуға бағытталған жеті модуль» деп аталады. Келесі коучингте «Оқыту үшін бағалау және оқуды бағалау» деген тақырыпта ой қозғайтын боламыз.

Хош. сау болыңыздар. Келесі кездескенше.

Коучинг №1