Коучинг: "Оқудағы кедергілерді анықтау. Оқудың аффектік теориясы"

Коучинг тақырыбы:

Оқудағы кедергілерді анықтау. Оқудың аффектік теориясы

Жалпы мақсаты: Мұғалімдер оқушының оқуында туындауы мүмкін кедергілерді анықтайды және олардың оқуға деген ынтасын сақтап қалу мақсатында оқушыларға қолдау көрсету әдістеріне талдау жасайды.

Түйінді идеялар: Өздерінің оқуға қабілетті екендігіне сенімді оқушылар материалды тез әрі жақсы игереді. Олар ойларын оңай жинақтайды, терең ойланады, оқудан ләззат алады, ішкі бақылау жұмыстары мен сыртқы тексерістерде жоғары нәтижеге қол жеткізеді. Оларға оқу оңай, олар оқу үдерісінен рахат алады.

Оқушылардың ынтасын басқара алатын мұғалімдер оларды дамыту жолдарын белгілеуде негізгі рөл атқарады. Болашақты болжауға болмайды, бірақ оның қалыптасу белсенділігі қазірден басталады және қазіргі кезде не істеліп жатса да, жастардың қабілеттерін дамытуға ықпал етеді.

Топқа бөлу: «Коучинг кассасы»

Мұғалімдерді коучинг кассасынан билеттер алуға шақырады.

Оқу нәтижесі: Мұғалімдер оқудағы кедергілердің алуан түрлі сипаттамаларын (зияткерлік, әлеуметтік және эмоциялық), оқытудың ынталандыру теорияларын,

«қиын» оқушылармен жұмыс істеу әдістерін талдайды. Сонымен қатар оқушылардан кеңес алу рәсіміне қатысты тәсілдерді әзірлейді.

Ой шақыру:

• «Кедергі» деген сөзді естігенде сіздердің ойларыңызға бірден не келеді?(ассоциация)

• Бүгін біз не жайлы айтамыз деп ойлайсыздар?

Негізгі бөлім:

Постермен жұмыс

1 топ. Білім сапасын арттыруда оқушылар тарапынан кездесетін кедергілер мен олардан шығу жолдарын постерге жазу. Әр кедергіге екі шығу жолын жазу керек.
2 топ. Ата - аналар тарапынан қандай кедергілер бар оларды қалай жоюға болады? Постерге жазу
3 топ. Мұғалім тарапынан кездесетін кедергілермен олардан шығу жолдарын постерге жазып көрсету.

Жаттығу "Кездескенше" (Барлық қатысушылар шеңбер жасап түргеп тұрады)
- Менің қолымда кішкентай ғана сиқырлы күн бар. Ол сіздерге жылу, қуаныш, табыс, бақыт, сүйіспеншілік сыйлады. Оны сіздер бір - біріңізге бере отырып, коучинг туралы өз әсерлеріңізді, қалай болғаны жайлы айтып, пікірлеріңізді білдіресіздер, әрине, осымен бірге әріптестеріңіздің атына өз тілектеріңізді жолдайсыздар.