Коучинг «Өзін-өзі тану әлемі-дәйексөздің мәйегі»

Мақсаты: Педагогтардың сабақ кезінде дәйексөзді пайдаланудың жолын түсіндіру.

Күтілетін нәтиже: Дәйексөзді сабақта үнемі пайдаланып дәріптеуге дағдыланды.

Кіріспе. Адамзаттың рухани ұлы ұстаздарының даналық сөздері ұлылардың ұлағатты ой-пікірлері, ғұламалардың ақыл-нақыл сөздері, халықтың мақал-мәтелдері ұрпаққа рухани азық, шабыт береді, өмірлік ұстаным ретінде жадында жүреді, есінде сақталады.

Ұйымдастыру.

(психологиялық көңіл күй орнату, сәттілік тілеу, топқа бөлу)

Топқа бөлу. Түрлі түсті көбелектер арқылы бөліну.

1. «Жақсы мінез- бүкіл өміріңнің сарқылмас байлығы» (мінез).

2. «Екпей егін шықпас, Үйренбей білім жұқпас». (білім)

3. «Мырза болмасаң да мейірімді бол.» (мейірім)

4. «Адамның ұяты бетінде, адамгершілігі ниетінде» (адамгершілік)

5. «Жаманға шөп батады, жақсыға сөз батады» (Жақсылық)

Тыныштық сәті. Су асты патшалығына ойша саяхат.

Мұғалім: Көзіңізді жұмыңыз және бірнеше рет терең тыныстаңыз; денеңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

1.Қандай сезімде болдыңыздар?

Шығармашылық іс-әрекет.

1.Тапсырма Дәйексөзді аяқтап тауып жазу.

1 топ. «Мінез» «Жер-ырыстың кіндігі, ........ ырыстың кіндігі» (білім)

2 топ. «Білім» ..........үй-панасыз, атасыз үй батасыз. (анасыз)

3 топ «Мейірім» Асыңа тойғызбасаң да ............ниетің тойғыз (ақ)

4 топ «Адамгершілік» ........................................кісінің көркі (кішпейілділік)

5 топ «Жақсылық» «Сыртқы сымбат ішкі ............... сай болуы керек» (тереңдікке)

2. Тапсырма. Осы дәйексөзге бір шуамақ өлеңге құрастыру.

1 топ «Мінез» «Жер-ырыстың кіндігі, білім ырыстың кіндігі»

2 топ «Білім» «Анасыз үй-панасыз, атасыз үй батасыз».

3 топ «Мейірім» «Асыңа тойғызбасаң да, ақ ниетің тойғыз»

4 топ «Адамгершілік» «Кішпейілділік кісінің көркі»

5 топ «Жақсылық» «Сыртқы сымбат ішкі тереңдікке сай болуы керек»

3. Тапсырма «Азбука морзе» әдісі бойынша жасырылған сөздерді тауып мақал құрастыру.

1 топ. (Сабыр)

2 топ. (Береке)

3 топ. (Балалы)

4 топ ( Жердей)

5 топ. (Сыпайы)

4.Тапсырма. «Азбука морзе» әдісі бойынша жасырылған сөздерге, құрастырылған мақал-мәтелге өмірмен байланыстырып сурет салу.

( әр топ салған суреттерін қорғап шығады)

Қорытынды: Дәйексөздер адамды жақсы ойларға шабыттандырады, жанға нәр береді,өзіне сенімділікті арттырады, ұстанымын нығайтуға көмектеседі, рухани білім береді. Дәйексөздерді өз тәжірибемізде үнемі күнделікте қолдану балалардың ой өрістерін кеңейтеді, тілдерін байыта түседі.