Коучинг "Табысты оқушы -мұғалім шеберлігі"

Коучинг сессия тақырыбы

Табысты оқушы-мұғалім шеберлігі

Жалпы мақсаты:

"Табысты мұғалім","табысты оқушының" бесекеге қабілетті тұлға ретіндегі сәйкес келетін қасиеттерді талқылау.Табысты мұғалім мен табысты оқушы моделін құрастыру;

Оқыту нәтижесі:

Мұғалімдер табысты мұғалім мен табысты оқушы туралы өз көзқарастарын топтық талқылауға сала отырып,тұжырымды ой қорытады.

Түйінді идея

ХХ ғасырдың мұғалімі ХХІ ғасырдың оқушысын оқыту үшін ұстанымын өзгерту қажет!

Ресурстар:

интербелсенді тақта, плакат, маркер, стикер,тақырыптық үлестермелі материалдар, видеожазба

Коучинг-сессияның өту барысы

Коучинг сабағының өтілу кезеңдері

Коуч пен коучингке қатысушылардың іс-әрекеті.

Сәлемдесу

Коуч амандасып,тақырып пен мақсатты хабарлайды

«Миға шабуыл»

• Cәлеметсіздер ме?

• Маған берілген тақырып «Табысты оқушы-мұғалім шеберлігі» . Елбасымыз Н.Ә.Назарбаев «ХХІ ғасыр идеялардың, ақпараттық технологиялардың бәсекелері ғасырына айналуда, ал біздің алға басуымыз да, басқалардан артта қалуымыз да мектептеріміздегі оқыту деңгейіне байланысты.

• Ендеше мектебімізде оқыту деңгейін көтеретін кімдер?

• Олай болса, сапалы білім, табысты оқушыға қол жеткізу үшін мұғаліміміз қандай болу керек. Ол үшін ортаға жас мұғалімдерді шаттық шеңберіне шақырамын. Өйткені ертеңгі біздің мектебіміздің болашағын жарқын ететін ұстаздарымыз, осы жас мұғалімдер деп ойлаймын.

• Бүгінгі коучингім жүрісіне Пажерстің «Оқыту сызбаларын» қолданбақшымын .

Мұғалімдер шаттық шеңберіне тұрады.

• Сіздерге сұрақ . «Мұғалім шеберлігі» дегенді бір сөзбен сипаттаңыздар. Немесе сіздің ұстанымыңыз бойынша «Шебер мұғалім» қандай қасиеттерге ие болуы мүмкін.

• 

• Олай болса, осы айтылған барлық қасиеттер сіздің бойыңызда бар ма? Немесе өздеріңізді мұғалімнің шеберлік шыңына жеттік деп ойлайсыз ба?

• Ендеше осы , мұғалім шеберлігін арттыру үшін біз не істеуіміз керек? Осы сұраққа жауап алумыз үшін , сіздер жасырын сөздердің бірін таңдап аласыздар. Берілген сөздердің «мұғалім шеберлігін арттыру» ұғымына қандай байланыс бар екенін анықтап түсініп алу үшін, өзіңіздің жаныңызға орта буын өкілдерінен бір-бір мұғалімді алып келіңіздер. Ол мұғалім сізге берілген сөздерге өз көзқарасы арқылы түсіндерді.

Жас мұғалімдерге берілетін сөздер:

Теориялық білім, біліктілікті көтеру курстары, әдістемелік тақырып

кәсіби шеберлік сайыстары , әдістемелік білім,,әдіс алмасу ,семинарлар, ақпараттық технологиялар, АКТ ,қабілетті оқушылармен жұмыс,пәндік білім,өз сабағына талдау жасау,озық тәжіриебе жинақтау,тарату

------------------------------------------------------------------------------------------------------------------------

педагогикалық этика қалыптастыру ,жаңа білім тұжырымдамасымен бағдарламаларымен танысу

• Өзіңіз алған ұғымды сіздер топқа түсіндіріп, ортақ шешім шығарасыздар.

Жас мұғалімдердің шешімі.

• Мұғалім шеберлігі туралы не ой түйдіңіздер? Мұғалім шеберлігін шыңдау арқылы неге қол жеткіземіз екен?

• Ендеше, қазіргі таңда өздерінің іс-әрекеті нәтижесінде мұғалім шеберлігінің білім шыңына жетіп, табыс оқушыға қол жеткізіп отырған мұғалімдер мектебімізде бар. Күні кеше аудандық, облыстық олимпиададан оқушылары орын алып келген ұстаздарымызды ортаға шақырып, мұғалімдеріміздің табысты оқушыға қалай қол жеткізгені туралы бізбен ой бөлісуге шақырамыз.

• Олай болса, құрметті ұстаздар жас мұғалімдерге сіздердің жолыңызды берсін, сіздер сияқты табысты оқушыға қол жеткізсін, әрқашан ұстаздық жолында жұлдыздары жарқырай берсін деген тілекпен , өз тілектеріңізді айта отырып, мұғалімінің өңіріне қолдарыңыздағы жұлдыздарыңызды тағып берсеңіздер екен.

Кері байланыс

Бүгінгі пікір алмасудан қандай ой түйдіңіз? Сонымен "Жаңа мазмұндағы табысты мұғалім" тақырыбына "синквейн" әдісін қолдана отырып,тұжырымдап постерде бейнелеп шығайық.

Қорытынды рефлексия

Бүгінгі пікір алмасудан қандай ой түйдіңіз? Коучинг сессиядан алған әсерлеріңіз? Сізге не ұнады немесе ұнамады?

Қатысушылар "Екі жұлдыз,бір тілек" әдісі бойынша стикерлерге ұсыныс-тілектерін жазып,сәйкес суретке жапсырады.