Критериалды бағалау жүйесінің тарихы

Ежелгі уақыттарда үлгерімі төмен оқушыларды әр түрлі жазалау түрлері қолданылған. Ежелгі Грекияда балаларды жазалау дәстүрлі тәрбие процесінің бір бөлігі ретінде қарастырылған. 16-17 ғасырларда Германия мектептерде білімді балдық жүйеде бағалау пайда болды. Оның негізгі мақсаты үлгерімі төмен оқушыларға жазалаудың орынына оның алдын алу шараларын жүргізу болды. Білім алушылар келесіндей санаттарға бөлінді: өте жақсы, орташа, нашар. Әр санат санмен белгіленіп отырған. «Бір» ең жоғарғы көрсеткіш болып табылған. Білім алушылардың басым бөлігі «орташа» деген көрсеткішті көрсеткен. Сол себепті оларды өз ішінде бірнеше санатшаларға бөлген. Осыдан барып білім алушылардың білімін көпсатылы бағалау қалыптасқан.