Күймен жұмыс жүргізу.

Күймен жұмыс жүргізу.

Сабақтың мақсаты. Оқушыларды күймен жұмыс істей білуге, музыкалық шығармалар арқылы ой- өрісін дамыту, күйді дауысқа бөліп ойнауға үйрету.

Тәрбиелік мақсаты: Оқушыларды қазақ халқының күйлеріне деген сүйіспеншілігін арттыра отырып, шығармаларды жатқа ойнай білуге тәрбиелеу.

Көрнекілік құралдары: Домбыра аспабы, ноталар, суреттер, үнтаспа,пупитр

Ұйымдастыру кезеңі: Оқушыларды сабаққа дайындықтарын тексеру. Үйге берген тапсырмаларды тыңдау, тексеру. Өткен күйлерді қайталау.

1. М. Глинка. «Полька»

2. Ә. Алпысбаев. «Әке арманы»

3. А. Жұбанов. «Қарлығаш».

Жаңа сабақ: Күй үйрену - Ә. Желдібаев. «Ерке сылқым»

1. Оқушыларға қысқаша күй туралы мағлұмат беру.

Күйші – композитор Әбдімомын Желдібаев 1934 жылы Жамбыл облысының Шу ауданына қарасты Жамбыл ауылында туған. Құрманғазы атындағы Қазақ ұлттық консерваториясын бітіріп, өзі туып өскен өңірде мәдени салаларда қызмет кетіп, қазақтың дәстүрлі музыкалық өнерінің бүгінгі өмірімен сабақтасуына атсалысқан Әбдімомынды халық күйші – композитор ретінде жақсы біледі. Оның дәстүрлі үлгіде дүниеге келген шығармалары ел арасына кең таралған. Әбдімомын Желдібаевтың «Толғау», «Ерке сылқым», «Боз жігіт»,» «Жесір сазы», «Ыдырыс», «Аққу» сияқты он шақты күйі белгілі.

«Ерке сылқым»- бұл шығарма табиғатта кездесетін жан сұлулығын, тән сұлулығын асқақ лириканы суреттеп, күйшінің ішкі сырын, тебіренісін, өзінің ішкі сырын, өзіндік қол таңбасын айқын сездіреді.

2. Күйдің өлшемдерін 2/4 түсіндіру. Ритмдік топтарын, қағыстардың ерекшеліктерін нотадан қарап, ауызша талдап аламыз. №№№№–қағыстардың бүкіл шығармада жүріп отыратындығын түсіндіру.

3. Күйлерді бөлімдерге бөліп жұмыс жасау.

4. Аспапта ерекше жерлерін көрсетіп, жаттығу есебінде қайталап ойнап көрсету.

5. 1-сағаға дейін нотаны көзбен оқу арқылы баяу екпінде мұғаліммен қосылып орындау.

6. 2-сағаны нотамен. І сағамен ІІ екінші сағаның айырмашылықтарына мән беру.

7. Үнтаспадан оркестрдің орындауындағы «Ерке сылқым «күйін тыңдау.

8. Сабақты қорытындылау: Күйді басынан аяғына дейін нотамен ойнап шығу.

Үйге тапсырма:

1. «Ерке сылқым» күйін нотамен қарау қағыстармен жұмыс жасау.

2. Күйді жаттау.