"Күн дидарлы Қазақстан" (мерекелік ертеңгілік)

Күні: 13.12.2018
Тақырыбы: «Күн дидарлы Қазақстан!»
Мақсаты: Балалардың Отаны, Рәміздері, Елбасы, Тәуелсіздік күні туралы түсініктерін молайту. Мәнерлеп тақпақ айтуға, сахналық көріністерді көрсетулер арқылы еліне, Отанына деген сүйіспеншіліктерін арттыру. Отанын, елін сүюге тәрбиелеу. 

Барысы:
Жүргізуші: Сәлеметсіздер ме,балалар, әріптестер! Бүгінгі 16-желтоқсан Тәуелсіздік күніне арналған ІІ кіші «Көбелек» тобының мерекелік ертеңгілігіне қош келдіңіздер.
Құтты болсын тәуелсіздік мерекесі,

Мықты болсын елімнің керегесі.

Татту-тәтті боп халқымыз әрқашан,

Кетпесін туған жердің берекесі.

Әнұран:

Жүргізуші: Балалар, біздің Отанымыз қалай аталады?
Балалар: Қазақстан.
Жүргізуші: Қазақстан қандай мемлекет?
Балалар: Қазақстан тәуелсіз, егеменді мемлекет.
Жүргізуші: Балалар, бүгін міне осы Тәуелсіздік мерекесі күні. Еліміздің президенті кім?
Балалар: Нұрсұлтан Әбішұлы Назарбаев.
Жүргізуші: Еліміздің елордасы қай қала?
Балалар: Астана.
Жүргізуші: Астана қандай қала?
Балалар: Астана-бас қала, әдемі, үлкен қала.
Жүргізуші: Дұрыс айтасыңдар, балалар. Ендеше тақпақтарымызды айтайық.

/балалардың тақпақтары тыңдалады/

Айзере: Астана – арман қала

Бағы бір жанған қала.

Тұрады жап-жас болып

Мен үлкен болғанда да.

Айару: Әуелейді асқақ ән,

Болашаққа бастаған.

Мәртебемсің сен менің

Айналайын Астанам.

Нұрайым: Жаса-жаса Астанам

Өркен жол бастаған.

Болашақтың есігін

Өз қолыңмен аш маған.

Алихан: Барша әлемге әйгілі

Елбасымыз Нұр аға

Мақтанышы елімнің

Нұрын шашқан Нұр қала

Нұрәлі: Шырқап көкке асқақ ән,

Болашаққа бас қадам.

Қазақ рухын биіктет

Ей, бас қалам, Астанам.

Рукайя : Отанымның төрінде,

Сарыарқаның өрінде.

Ту ұстаған Астанам

Әсем қалам бас қалам.

Жүргізуші: Біз бүгін тәуелсіздік алған күнімізді мерекелеудеміз. Біздің еліміз тәуелсіз болғандықтан өз мемлекеттік Әнұраны, Елтаңбасы және өзінің мемлекеттік туы бар. Балалар, мемлекеттік туымыздың түсі қандай екен?
Балалар: Туымыздың түсі – көк.
Жүргізуші: Иә, өте жақсы. 

«Қара жорға» биі

/Айару, Алихан, Зере, Саят, Еркеназ, Нұрбек, Нұрайым, Рахман/

Інжу: Елордасы елімнің,

Қазағымның жүрегі.

Астанамды бүгінде

Күллі әлем біледі.

Ислам: Көк байрағы бабамның,

Бүгінгі ұрпақ алауы,

Тірегі әке-баланың,

Қазақстан жалауы.

Нұрдәулет: Он алтыншы – желтоқсан,

Тәуелсіздің алған күн.

Ерекше боп мәңгілік

Ел жадында қалған күн.

Нұрәлі: Өзімдікі Туымда,

От пен ауа, суымда.

Жаса, Қазақстаным

Белді бекем буын да.

Жантас: Айнымайды аспаннан,

Біздің тудың бояуы.

Оны халық қашанда

Биікке іліп қояды.

Меруерт: Он алтыншы желтоқсан,

Ел мерейі тасыған,

Қазақ деген қалың жұрт

Бәрін кешті басынан.

«Теңге алу» ойыны

Хор: «Тәуелсіз елдің ұланы»

Жүргізуші:

Отаным менің мекенім асыл ардағым,

Көк майса шалғын,айдынды сулар жан – жағың.

Жасампаз жолда дамушы елім мәңгілік,

Самғай бер көкте,қазағым менің талмағын.

Осымен Тәуелсіздік мерекесіне арналған ІІ кіші «Көбелек» тобының ертеңгілігі аяқталды. Мереке құтты болсын. Назар қойып тыңдағандарыңызға рахмет.