Күн нұрландырар әлемді

ЖШС «Бес-Тау ХХІ» №40 « Балдәурен» МДҰ

_{Тақырыбы: «} Күнге саяхат»

Тәрбиеші: Байчеркесова Ж.А

Ақтөбе қаласы

2022-2023 оқу жылы

Тақырыбы: « Күнге саяхат»

Білім беру саласы: « Таным»

Мақсаты: Түрлі іс-әрекеттерде қолдың ұсақ моторикасын дамыту.

Балалардың табиғат қүбылыстарына қызығушылығын арттыру.

Барысы:

Тәрбиеші: Балалар қараңдаршы, сыртта жылдың қай мезгілі? (Көктем)

Бүгін қандай бұлтты күн. Күн болмаса көңіл күй болмайды. Қане, балалар

күннің қандай екенін еске түсірейікші.

Оның түсі қандай?

Балалар: Күннің түсі - сары, дөңгелек, мейірімді, көнілді, әдемі.

Тәрбиеші: Енді біз күнді іздеп жолға шығайықшы.

Қараңдаршы мында не отыр?

Балалар: Әтеш

Тәрбиеші: Балалар әтештің де көңіл - күйі жоқ екен, маған сыбырлап көмек

сұрап тұр. Әтеш күн болмағансын ештеңе көре алмай дәндерді жинай алмай отыр екен. Балалар шашылып жатқан дәндерді ажыратып жинап әтешке

көмек берейік.

Дидактикалық ойын « Дәндерді ажырату»

Тәрбиеші: Жарайсыңдар балалар! Әтеш риза болды, рахмет айтты.

Балалар әтешке көңіл - күйі көтерілсін тақпақ айтып сергітіп алайық.

Әтеш жемге тояды,

Қарнын сипап қояды.

Жүрісі оның ширақ,

Айқалайды бірақ

Ку – ка - ре – ку.

Әтешпен қош айтысып, әрі қарай жүреміз.

Тәрбиеші: Жолда балалар не отыр екен?

Балалар: Кірпі

Тәрбиеші: Балалар кірпіге де көмек керек, күн жасырынып тұрғансын, саңырауқұлақтарын жинай алмай отыр екен.

Дидактикалық ойын « Саңырауқұлақтарды жинау»

Балалар саңырауқұлақтарды жіпке жинап береді.

Кірпі балаларға алғысын білдіріп, әрі қарай жол жүреміз. Жолда келе жатып

Күнді табады.

Тәрбиеші: Қараңдаршы, күнді таптық, бірақ күн мұңды екен. Неліктен екен?

Балалар: Күнді бұлт басып қалған

Тәрбиеші: Балалар онда бұлтты үрлейік, ол ұшып кетеді.

Бұлтты тыныс алу жаттығуларымен ұшырады.

Тәрбиеші: Міне, алақай күн ашылды, бірақ күнге не жетіспей тұр?

Балалар: Сәулесі

Тәрбиеші: Балалар ендеше күнге сәуле жасайық.

Балалар күнге киім қыстырғыштардан күн сәулесін жасайды.

Тәрбиеші: Жарайсыңдар балалар! Күн сәулесі шашылып жарқырап тұр, өте көңілді болды.

Қорытынды:

Балалардың күн іздеуде қандай жануарларға кездестірдік және қалай көмек бергенімізді сұрақ жауап арқылы балалардың ой өрісі мен түсінігін байқаймыз және бүгінгі сабағымызды қорытындылаймыз.