Күнделікті өмірдегі түстердің маңызы

Күнделікті сабақ жоспары

Сабақ: дефектологтың түзету сабағы

Тақырыбы: Күнделікті өмірдегі түстердің маңызы.

Мақсаты:

а) Білімділік: Күнделікті өмірдегі түстердің маңыздылығы жайлы

мағлұмат беру, оқушылардың білімдерін қалыптастыру.

ә) Дамытушылық: Оқушылардың ойлау қабілеттері мен танымын, оның өз

бетінше жұмыс істей алуын қамтамасыз ету.

б) Тәрбиелілік: Оқушыларды кішіпейілдікке, жекелеп жұмыс жасауға,

ұйымшылдыққа, сабақта өзін-өзі басқаруға тәрбиелеу.

Сабақтың көрнекілігі: Бояу түрлері, түрлі қарындаштар, көркем суретті альбомдар, дидактикалық құралдар.

Сабақ барысы

Ұйымдастыру кезеңі:

Үйге берілген тапсырманы тексеру.

Жаңа тақырыпты түсіндіру.

Тапсырмаларды орындау.

Сабақты бекіту.

Негізгі бөлім

Жаңа тақырыпты түсіндіру: Алтын күз келді. Ол қызыл, сары, көк бояуларға толы шелектерін көтеріп орманға барды. Күз қызыл бояумен шетен, жабайы алмұрт, долана жапырақтарын бояй бастады. Сары бояумен қайың мен көктерек жапырақтарын, ал көкпен аспанды бояды.

Ойланып көр, Күз бұл бояулармен орманда тағы нені бояр еді?

Күз қай бояуды көбірек жұмсады?

Күз күні бойы еңбектенсе де, ормандағы барлық ағаштар мен өсімдіктерді бояп тауыса алмайды.

Бір күнде бүкіл орманды бояп шығу мүмкін бе?

Күз бояу толы шелектері мен қылқаламдарын үлкен емен ағашының түбіне қалдырып, өзі түнде демалуға сарайына ұшып кетті.

Ал түнде орманда аласұрған Жел пайда болды.

Ол құйындатып орман ішін шарлап жүріп бояу толы шелектерді төңкеріп кетті.

Төгілген бояулар түрлі түсті жылғалар болып аға жөнелді.

Өзінің бүлдірген ісін көріп, қорыққан Жел алды-артына қарамай қашып кетті.

Таңертең орманға оралған Күз төгілген бояуларын көрді. «Енді не істеймін! Сары, қызыл, көк бояуларым араласып кетті ғой», — деп жылағанда көз жасы жауын болып төгілді. Міне, ғажап, суға еріген сары бояу қызылмен қосылып алтын түске енді де,
бір жері қызғылт реңкті, бір жері сарғыш реңкті бұлақ болып аға жөнелді. Ал оған көк бұлақ қосылып қоңыр түске айналды.

Қызыл бұлақ көкпен қосылып күлгін реңкке, көк бұлақтар сары түспен қосылып сарғая бастаған күзгі жапырақтың түсіне енді

Сергіту сәті

Қар үстінде қар, қар,
Шырша үсті қар, қар,
Ағаш түбінде ақ аю,
Ұйықтап қапты.
Тыныш, тыныш балақай.
Шуламаймыз біз бұлай!

Жаңа сабақты қорытындылау. Бағалау, мадақтау.