Тақырып:

Бетон және темірбетон элементтерінжобада қолдану. Металлконструкцияларының артықшылыұтары мен кемшіліктері

Оқыту нәтижесі:

ОН 1.1 Құрылымдар мен материалдар таңдау кезінде ең оңтайлы шешімдерді таңдау

Бағалау критерийлері:

Бағалау критерийлері:

• Материалдардың қасиеттерін дұрыс атайды;

• Салыстыру кестесін толтырады;

• Өз ойын дәлелді қорғайды.

Ойлау дағдыларының деңгейлері

Білу, түсіну, қолдану, талдау, бағалау.

Пәні: Арнайы пәндер
Сабақтың тақырыбы матер: Құрылыс конструкциялары мен материалдарын таңдау принцптері

Ұзақтығы: 45 минут

Сабақтың мақсаты:

1. Бетон және темірбетон элементтерін жобада пайдалану салаларын түсіндіру.

2. Металл конструкцияларының артықшылықтары мен кемшіліктерін салыстыру.

3. Құрылыс конструкцияларын таңдауда дұрыс шешім қабылдауға үйрету.

Сабақтың барысы

I. Ұйымдастыру кезеңі (3 мин)

• Сәлемдесу, білімгерлерді түгендеу

• Сабақтың тақырыбымен, мақсаты және күтілетін нәтижелермен таныстыру

• Қызығушылық ояту: « Егер үй салар болсаңыз, бірінші қандай материал таңдар едіңіз?» деген сұрақ қою.

II. Жаңа сабақ (10 мин)

1. Кіріспе

Қазіргі замандағы құрылыс өндірісінде негізгі материалдардың ішінде бетон, темірбетон және металл конструкциялары ерекше орын алады. Әрбір материалдың өзіндік қасиеті, тиімді және тиімсіз жақтары бар. Жобада қолданылатын конструкция түрін дұрыс таңдау ғимараттың беріктігіне, ұзақ мерзімділігіне, экономикалық тиімділігіне және қауіпсіздігіне тікелей әсер етеді.

2. Бетон және темірбетон элементтері

2.1 Бетон

Бетон – цемент, құм, қиыршықтас және судан тұратын жасанды тас тәріздес материал.

Негізгі қасиеттері:

• Қысымға жақсы шыдайды, беріктігі жоғары.

• Арзан әрі қолжетімді.

• Әртүрлі пішін беруге ыңғайлы.

• Жылу және дыбыс оқшаулағыш қасиеті бар.

Қолданылуы:

• Іргетастар

• Қабырғалар

• Қабатаралық жабындар

• Тротуар плиталары

2.2 Темірбетон

Темірбетон – бетонның созылуға төзімділігін арттыру үшін ішіне арматура енгізіліп жасалатын композициялық материал.

Артықшылығы:

• Қысым мен созылуға бірдей төзімді.

• Өте берік және ұзақ уақыт қызмет етеді.

• Үлкен массаны көтере алады.

• Өртке төзімділігі жоғары.

Қолданылуы:

• Бағаналар мен арқалықтар

• Құрылыс плиталары

• Көпірлер

• Стадиондар, өнеркәсіп ғимараттары

3. Металл конструкциялары

3.1 Артықшылықтары

• Жоғары беріктік – салмағы жеңіл бола тұра, үлкен жүктемелерді көтере алады.

• Жылдам монтаж – зауытта дайындалып, құрылыс алаңында тез құрастырылады.

• Үлкен аралықтарды жабу мүмкіндігі – спорт сарайлары, ангарлар, көпірлер салуға ыңғайлы.

• Қайта қолдануға жарамды – бөлшектеп қайта құрастыруға болады.

3.2 Кемшіліктері

• Коррозияға бейімділігі – ылғал мен ауа әсерінен тез тот басады, сондықтан қосымша қорғаныс шаралары қажет.

• Өртке төзімсіздігі – жоғары температурада беріктігін тез жоғалтады.

• Қымбаттылығы – бетонға қарағанда бағасы жоғары.

• Жылу өткізгіштігі жоғары – ғимарат ішінде қосымша жылу оқшаулау шараларын қажет етеді

III. Практикалық бөлім (20 мин)

IV. Топтық жұмыс (7 мин)

– Әр топ өз жағдайына:

• Қандай конструкцияны таңдайтынын

• Қандай материал қолданатынын

• Таңдаудың себебін жазады

– Әр топ өз шешімін қорғайды

V. Қорытынды (3 мин)

- Әр топтың шешімін талқылау, толықтыру

- Тақырып бойыншв қысқаша қайталау сұрақтары:

1. Құрылыс материалдарын таңдауда қандай негізгі факторларды ескеру керек?

2. Ағаш қандай жағдайларда тиімді?

3. Монолитті бетонның артықшылығы неде?

- Рефлексия: «Мен бүгін білдім...», «Маған қызық болғаны...», «Білгім келеді...»

Бағалау критерийлері:

• Құрылыс материалдарының түрлерін дұрыс жіктей алды;

• Материалдардың артықшылықтары мен кемшіліктерін көрсете алды;

• Белгілі бір жағдайға сәйкес тиімді материал таңдады;

• Өз ой-пікірін негіздеп, мысалдармен дәлелдеді

Қажетті ресурстар:

Оқу-әдістемелік әдебиеттер: құрылыс материалдары, құрылыс конструкциялары. Стандарттар мен нормативтік құжаттар: МемСТ, ҚНжЕ талаптары.

Материал үлгілері: кірпіш, бетон, ағаш, метал, шыны

Көрнекі материалдар: плакат, слайд-плакат Электронды ресурстар: онлайн оқулықтар мен әдістемелік материалдар,құрылыс материалдары туралы бейнесабақтар, оқу порталдары.

Үй тапсырмасы:

1. «Менің болашақ үйім үшін қандай материал таңдар едім?» тақырыбында 7–10 сөйлемдік эссе жазу.

2. Құрылыс материалдарының 2 түрін (мысалы: кірпіш пен газоблок) таңдап, олардың артықшылықтары мен кемшіліктерін салыстырмалы кесте жасау.