"Күз әуені"

Тақырыбы: Күз әуені.

Мақсаты:

Білімділік: Күз мезгілі туралы түсініктерін бекіту. Түстерді ажыратуға, пішіндерді атауға үйрету.

Дамытушылық: Балалардың сөздік қорын молайту, есте сақтау қабілеті мен тілін жетілдіру. Ұсақ және жалпы моторикасын дамыту. Музыка ырғағымен зейіндерін арттыру.

Тәриелік: татулыққа, достыққа, табиғатты аялауға тәрбиелеу

Көрнекілік: слайд, жапырақтар, жеміс муляждары, орман ағаштары, баян аспабы, үн таспа.

Әдіс-тәсілі: түсіндіру, сұрақ-жауап, көрсету, қимылды-дидактикалық ойын, музыка жаттығулар.

Кіріспе бөлім:

Балалармен амандасу. (баян арқылы)

Музыкалы дыбыс жаттығулары.

Негізгі бөлім:

• Қараңдаршы, бізге кім келді?

• Күз ханшайымы келіпті.

• Қане балалар күз ханшайымымен амандасайық.

• Күз ханшайымы сендерге өзінің сыйын ала келіпті. Қане, себетіне қарайықшы, қандай жемістер көріп тұрмыз: алма, алмұрт, банан, құлпынай, қарбыз.

• Пішіні қандай, түсі қандай?

• Ой, жақсы балалар, сендер бәрін жақсы біледі екенсіңдер.

• Балалар тағы күз туралы не білесіңдер?

• Күзде күн суытады.

• Адамдар жылы киінеді.

• Тоңамыз.

• Жаңбыр жауады.

• Құстар жылы жаққа ұшып кетеді.

• Жапырақтар сарғаяды.

• Жемістер піседі.

• Балалар, өте жақсы сендер күз туралы бәрін біледі екенсіңдер.

• Енді біз күз ханшайымымен бірге орманға саяхат жасайық.

• Қараңдаршы, балалар не көріп тұрмыз?

• Өсіп тұрған ағаштар мен жерге түскен жапырақтар.

Қимылды дидактикалық ойын: «Жапырақтар».

Ойын барысы:

• Қане балалар, сендермен бірге бір ойын ойнайық. Кім жылдам екен? Мына жерде шашылып жатқан жапыратарды жинаймыз. Кім көп жапырақ жинайды екен?

• Қане енді балалар қолымыздағы жапырақтарды санап, түсін ажыратайық.

• Жапырақтардың түсі қандай?

• Сары, қызыл.

• Енді санайық.

• Күз ханшайымы, сен балалардың біліміне ризасың ба?

Күз ханшайымы (Балжан):

• Ия.

• Балалар ойын ойнап шаршадық. Енді бәріміз бойымызды сергітіп алайық (ырғақты жаттығу).

• Балалар бойымызды сергітіп алдық, енді орнымызға отырайық.

• Күз ханшайымы, балалармен бірге саған бір ән арнап орындап берейік. «Күз әуені» (баянмен).

• Ой, балалар сендер әнді де жақсы айтады екенсіңдер, өнерлерің өрге жүзсін.

• Бізге қонаққа кім келді?

• Күз ханшайымы.

• Күз ханшайымы бізге қандай сый әкелді?

• Жемістер.

• Олар қандай жемістер?

• Алма, алмұрт, банан, құлпынай.

• Сендер сабаққа өте жақсы қатыстыңдар. Біз күз ханшайымы екеуіміз сендерге ризамыз. Осымен музыка сабағымыз аяқталды.

• Енді бәріміз бірге «Балдырған» тобының орындауында «Қырманшылар» биін тамашалайық.

• Бишілерімізге көп рахмет. Енді апайларымыздың орындауында тамаша ән.