«Күз бояуы»

Тақырыбы: «Күз бояуы»

Білім беру саласы: Шығармашылық, Әлеуметтік орта

Ұйымдастырылған оқу қызметі: Сурет, көркем әдебиет

Мақсаты: Балалардың сөздік қорларын молайту, логикалық ойлау қабілеттерін арттыру, күзгі табиғат ерекшеліктерін тани білуге, оларды ажыратып табиғатқа қамқор болуға тәрбиелеу.

Көрнекіліктері: Күз суреттері, әртүрлі дидактикалық ойындар, пішіндер.

Сабақ барысы:

Тәрбиеші : - Балалар бүгін біздің топта ерекше күн. Бізге бүгін қонақтар келді. Қане келіңдер біз оларға өзіміздің әдепті жақсы білімді балалар екенімізді көрсетейік.

Шаттық шеңбері:

Армысың, Әлем!

Армысың, Жарық күн! (Қолдарын жайып, көкке көтереді.)

Армысың, абзал Адам! (Қолдарын алға созады.)

Армысың, менің досым!

-Қайырлы күн құрметті қонақтар. Қош келдіңіздер! Төрлетіңіздер!

Тәрбиеші:

- Балалар айтыңдаршы қазір жылдың қай мезгілі?

-Күз мезгілінде неше ай бар?

-Күз мезгілінде қандай табиғат өзгерістері болады?

(балалардың жауаптары)

Күз мезгілі туралы тақпақтар:

1.Алтын, сары, қызыл, көк

Алуан – алуан жапырақ

Күзгі бақта күлімдеп,

Көз тартады атырап

2. Сарғайды тоғай

Сап – сары маңай

Соңғы әнін айтып,

Құс кетті қайтып.

Осы кезде топқа сиқыршы келеді. Ол өзінің қара бояуларын шаша бастайды.\

Тәрбиеші: - Тоқтаңыз сіз не істеп жатырсыз?сіз кімсіз?

Сиқыршы: -Сәлеметсіздер ме балалар! Мен сиқыршымын. Мен әдемі сары түстерді суық түске өзгертіп жатырмын.

Тәрбиеші: -Тоқтаңыз қүздің өз түстері өзінде қалсын.

Сиқыршы: - олай болса сендер менің тапсырмамды орындаңдар. Сонда ғана мен күздің өз бояуларын күз мезгілінде қалдырамын.

Тәрбиеші: - Балалар сиқыршының тапсырмасын бірге орындаймыз ба?

Сиқыршы: -Менің бояу салған құтымда тапсырмаларым бар.

Тәрбиеші құтыны алып тапсырманы оқиды.

Үй жануарлары және олардың төлдерін атаңдар.

Д/о «Кім нені жақсы көреді?»

Көкөністер мен жемістерді ажырату.

Сергіту сәті:

Торғай торғай торғайсың

Жақын келіп қонғайсың

Жем шашайын тойып ал

Сонда торғай тоңбайсың

4.Д/ о «Не артық?»

Сиқыршы: - Балалар сендер тапсырманы жақсы орындадыңдар. Енді мен сендерге күздің сары алтын түсті бояуларын қайтарамын. Бірақ мен жапырақтарды бояп үлгере алмай жатырмын. Маған көмектесіп жіберіңдерші.

Ұжымдық жұмыс:

«Жапырақтарды бояу»

Сиқыршы: - Балалар сендер өте өнерлі және ақылды балалар екенсіңдер. Міне мен сендерге күздің сары алтын түсті бояуларын қайтардым. Қош сау болыңдар! Мен енді күз бояуларына тиіспеймін.

Қорытынды: Сұрақ – жауап алмасу арқылы сабақты қорытындылайды.

Балаларды мақтап, мадақтау.

Тексерілді

№5 «Балбөбек» балабақшасы

МКҚК әдіскері

___________ Досанова М .Т.

№4 «Балдырған» II кіші сәбилер тобы

«Күз бояуы»

Шығармашылық оқу қызметі

Тәрбиеші:Кетебаева.М

2017– 2018оқу жылы