Күз кереметі

ШҚО, Семей қаласы «Семей қаласының №37 гимназиясы» КММ

7«А» - сынып оқушысы Қайроллаева Камила Сәбитқызы

Күз кереметі

Міне, жаңбырлы күз келді. Күн қысқарып, түн ұзарды. Жерге сары кілем төсеп қойғандай жұп-жұмсақ болып тұр. Күз мезгілінде айнала сары түске боялады. Жасыл, сары, қызыл түстердің бірлесуі арқылы табиғат әсемдене түседі. Күз – молшылықтың, байлықтың, берекенің айы. Күзде бақтағы жеміс-жидек пен көкөністер пісіп бау-бақша жиналады. Ең пайдалы дәрумендерге бай тағамдармен қоректенетін сәт те осы кезде туады.

Інім екеуіміз терезе алдында отырмыз. Сыртқа шыға алмаймыз. Кешеден бері аспанды суық бұлт торлап алды. Түс уақыты болса да, аспан түнеріп тұр. Сәлден соң күн шықты. Күңіренген бұлттар тарқап, айнала құлпырып, әсем күйге енді. Інім екеуіміз сыртқа шықтық. Біз бақ ішіне кірдік. Бақ іші сары бояуға малынып тұр, тып-тыныш. Жаздағыдай құстардың әсем үні естілмейді. Тек табан астындағы тапталған жапырақтардың сылдырлаған дыбысы бақтың тыныштығын бұзғандай. Ауа- райы бұзыла түсті. Көгілдір аспанға шыға келген бұлттар бірте-бірте қоюланып, жаңбырдың лебі есті. Жаңбыр тамшылары есікті, терезені, шатырды, қаға жөнелді. Көше іші суға толып, ойық жерлерде көлшік пайда болды. Үстіміз малмандай су болып, үйге кіре бергенде, жаңбыр да сап тиылды. Күздің бүгінгі күні бізді расымен де таң қалдырды. Біз үшін күз – ең керемет мезгіл. Бүгінгі күздің көрінісі көз алдымда қашанда сақталады. Бұл мезгіл мен үшін таңғажайып табиғатымен, құбылысымен ерекше.