Уақыты:

Білім саласы: дефектология

Сыныбы: 1

Сабақтың тақырыбы: Күз кереметі

Оқу іс-әрекетінің мақсаты:. Балалардың күз туралы түсінігін кеңейту.Алтын күздің ерекшеліктері туралы әңгімелеу.

Білімділік: Күз мезгілінде табиғатта болатын өзгерістер туралы және күз мезгілінің астық, жеміс - жидек, көкөністерді жинау мезгілі екенін күздегі ауылшаруашылық еңбек түрлері жөнінен білім беру.

Тәрбиелік: Табиғатты тани білуге, табиғатты сүюге бағалай білуге тәрбиелеу.Еңбекті сүюге ,табиғатты қорғай білуге тәрбиелеу.

Коррекциялық: Оқушылардың ойлау қабілеттерін дамыту, сөздік қорларын молайту, танымдық белсенділігін арттыру, өздіктерінен жұмыс істеп қорытынды шығаруға

машықтандыру.

Әдіс-тәсілдер: түсіндіру, әңгімелеу, дидактикалық ойын, сұрақ- жауап.

Оқу іс-әрекетінің көрнекіліктері: күз көрінісі бейнеленген суреттер, геометриялық пішіндер, жеміс-көкөністер,үнтаспа.

Оқу іс-әрекетінің барысы:

Ұйымдастыру кезеңі.

Психологиялық дайындық

Табиғат күлімсіреп күніменен,

Ән айтар бұлбұл сайрап түніменен.

Көркіне көз тоймайды табиғаттың,

Сұлулықты сүйе біл шыныменен.

1. Қазір жылдың қай мезгілі?

2. Күз айларын ата?

3. Күз айларында қандай мерекелер бар?

4. Күз айларында табиғатта қандай өзгерістер болады?

5. Күзде нелер пісіп жетіледі?

6. Адамдар күз мезгілінде қандай жұмыстар атқарады?

7. Жануарлар тіршілігі туралы не білеміз?

Дидактикалық ойын: «Көкөністер мен жемістерді жина» Ойынның шарты: араласып кеткен көкөністер мен жемістерді айырып, екі себетке бөліп салу, аттарын атау.

Жұмбақ шешу

Аспай піскен

Қайнамай түскен.

Шешуі: Жеміс

Қалың киім ұнатады

Шешіндірсең жылатады.

Шешуі: Пияз

Жаздай інге тығылып,

Жатқан қызыл түлкіні.

Құйрығынан суырып,

Әкелді әкем бір күні.

Шешуі: Сәбіз

Алтын сары тоны бар

Қойында дәні бар

Не екенін тауып ал (бидай)

Қызыл, сары кемелер,

Су бетінде қалқиды,

Соқса егер салқын жел

Ырғалады толғиды. /Жапырақ /

Қорытынды:

Сұрақтарға жауап беру, күз мезгілін бейнелейтін сурет құрастыру.

1. Халық күзді не себепті «Жомарт күз» деп атаған?

2. «Алтын күз» деп ше?

3. Қара күзде табиғат қандай болады?

Бағалау.Балаларды мадақтау.