"Күзгі кеш" сценарийі

«Күзгі кеш» 8-сыныптар арасында сыныптан тыс іс-шара

1-жүргізуші: Қош келдіңіз көрермен,
«Күзгі балдың» кешіне.
Отырыңыз қол соғып,
Шат күлкіге бөлене.

2-жүргізуші: Көбейді құт - береке,
Астық толы қоймамыз.
Құтты болсын мереке,
«Алтын күзді» тойлаймыз.

Құрметті ұстаздар,оқушылар бүгінгі 8-сыныптар арасында өткелі отырған Күзгі кешке қош келдіңіздер!

1-жүргізуші: Кешіміздің шымылдығын ашу үшін әдемі вальспен оқушыларды ортаға шақырамыз!

1-жүргізуші: Күз мейрамы құтты болсын баршаға,
Күздің сәні келіп қапты ортаға.
Әділқазы алқасымен таныстырып,
Кетейінші осы отырған баршаңа.
Бүгінгі сайысымыздың сарапшылары:

2-жүргізуші: Бүгінгі сайысымыздың ережелерімен таныстырып өтейік:
1. Кел,танысайық (Бұл сайыста қатысушы Ханзада мен Ханшайым өздерін таныстырады)
2. Күз сыйы (Әр сыныптан таңдалған оқушы өзінің жасаған киім үлгісін көрсетеді)

3.Өнерлі өрендер (Ханзада мен Ханшайым өз өнерін көрсетеді)

1-жүргізуші: Ендеше, дайын болсақ бірінші сайысымыз таныстыруды бастаймыз.

2-жүргізуші: Арулар неткен сымбатты,
Ғажайып нұрға бөленген.
Алтын күзге үн қатты
Сәнді киім түрімен,-дей келе сайысымыздың 2-кезеңіне кезек береміз. Бұл кезеңде әр сыныптан таңдалған оқушы өзінің жасаған киім үлгісін көрсетеді

1-жүргізуші:Асыл тастан, өнер жастан,
Шығады деп дарынды.
Халық айтса, қалт айтпас,
Әрқашанда нанымды
Сол шындықты күнделікті,
Көріп жүрміз өмірден
Өнерімен танысайық,
Тілекші боп көңілден.
Ендігі кезекте сайыскерлеріміздің өнерін тамашалайық.

2-жүргізуші: Білім - теңіз, мектепті кеме дейміз,
Білім мен тәрбие егіз неге дейміз,
Әдемі мен тәлімі үндесетін,
Жастарды болашаққа жетелейміз.
Жеңістер мен жеңілістен тұратын
Өмір - күрес, жеткізе ме мұратын.
Жеңбедім деп, жеңілдім деп ренжімегің,
Қатысу да бір жеңіс, жан болсаң сен ұғатын,-дей келе бүгінгі сайысымызды қорытындылап, жеңімпаздарды анықтау үшін сөз кезегі әділқазыларға беріледі!

1-жүргізуші:Қош демейміз, әлі талай сайыстар бар
Өнерлерің өрлей берсін, қайыспаңдар,
Ойлы орта кеңейсін күннен - күнге
Өскен елдің жұртынан қалыспаңдар.

2-жүргізуші: Құрметті ұстаздар, оқушылар. Бүгінгі Күзгі бал кешіміз осымен аяқталды.
Жеңісті күндерде кездескенше, сау - саламатта болыңыздар!