Абай облысы, Семей қаласы Білім бөлімінің КМҚК № 12 «Ажар» бөбекжайы

«Аяла» ортаңғы тәрбиеленушілермен ұйымдастырылған шебер сынып

Жиенбаева С.С.

Тақырыбы: "Күзгі орманға саяхат"

Мақсаты: Қоршаған ортаға деген көзқарасын кеңейтіп, табиғатты сүйюге, қамқор бола білуге , табиғат байлығын ,сұлулығын сезіне білуге сурет көрінісін әңгімелеп, бейнелей білуге үйрету. Күз мезгілінің ерекшеліктері туралы айту.

Көрнекіліктер: Табиғатқа байланысты суреттер, жылдың төрт мезгілі, проектор,теледидар.

Әдіс-тәсілдер: Күтпеген сәт, дидакикалық ойындар, сұрақ-жауап, түсіндіру,оқу , әңгімелеу.

Барысы:

Жылулық шеңберіне тұрып, жылы сөздер айту.

Тәрбиеші: -Балалар, қуанышымызды бір-бірімізге жеткізейік.

Біз қандаймыз, қандаймыз,

Шұғылалы таңдаймыз.

К үлімдеген күндейміз,

Ренжуді білмейміз.

Қуанамын менде,

Қуанасын сенде.

Қуанайық достарым,

Арайлап атқан күнге.

Тәрбиеші: - Жарайсыңдар балалар, енді бәріміз күнге қарайықшы.

-Күн бізге не береді?

Олай болса күнмен амандасып алайық.

Сәндетіп даламыз,

Сәулетті қаламыз,

Сәлем күн анамыз!

Тәрбиеші: --Балалар қазір жылдың қай мезгілі?

-Дұрыс айтасыңдар. Қараңдаршы, мына экранда берілген суреттен күздің қандай белгілерін байқадыңдар?

Балалар: - Күз мезгілі. Жапырақтар сарғаяды.Құстар жылы жаққа ұшып кетеді, жаңбыр жауады,күн салқындайды.

Тәрбиеші:

- Балалар, бүгін біз сендермен күзгі орманға саяхатқа барамыз. Саяхатқа немен барсақ болады екен.

Балалар жауабы

Т әрбиеші:

Қимылды ойын: «Поезд»
Қатар, қатар тұрайық,
Кәне, кәне сұрайық
Кімнің болса бойы ұзын-
Паравозы ол поездың.
Ал,паравоз, баста алға
Бәрімізді басқара
Пыш-пыш, пыш-пыш біз кеттік,
Жүрісті біз үдеттік.
Ал, кәне, балалар, тоқтайық,
Пыш – ш-ш-ш-ш,
Енді поездан түсейік.

Тәрбиеші:- Міне балалар орманға да келдік. Қараңдаршы айнала бәрі сап-сары.

Мына белгілерге қараңдаршы. Бұл белгілер нені білдіреді екен?

Балалар суретте көрсетілген белгілер бойынша: орманда жәндктер мен аңдардың үйлеріне тисуге, саңырауқұлақтарды жұлуға және от жағуға т.б болмайтынын айтады)

(Дауыс естіліп балалар дауыс шыққан жаққа қарайды)

Тәрбиеші:- Балалар қараңдаршы, мына ағаштың түбіне жасырынған не болды екен?

Балалар: - Ағаштың түбінде кірпі екен.

Тәрбиеші:- Дұрыс айтасыңдар, бірақ кірпі көңілсіз сияқты. Сұрайықшы кірпі неге көңілсіз.

Кірпі: - Сәлеметсіңдерме, балалар. Балалар жан-жақтарыңа қараңдаршы, орманға демалуға келген адамдар орманды ластап, қоқыстарын шашып кетті. Мен сол үшін көңілсіз болып отырмын.

Балалар: - Кірпі біз саған көмектесеміз.

(Барлығы орманда шашылған қоқыстарды жинап өз ыдыстарына салады (жасыл-тамақ қалдығы, сары – пластик ыдыстар, көк ыдысқа-қағаздар)).

Кірпі:- Рахмет балалар, жарайсыңдар.

Тәрбиеші:- Балалар, кірпіге көмектестік енді демалып, орманның таза ауасында тыныс алу жаттығуын жасайық.

Тыныс алу жаттығуын жасау

Барлығы кірпімен қоштасып орманға саяхатын ары қарай жалғастырады, жолда

Қоянды кездестіреді.

Тәрбиеші:- Сәлеметсің бе, қоян. Сен неге көңілсізсің?

Қоян: - Мен орманға келип едім, мында саңырауқұлақтан басқа ештеме таппадым. Маған сәбіз, достарыма алма т.б жеміс-жидектер керек еді.

Тәрбиеші: - Қоян сен оған бола көңіл – күйіңді түсірмей, оданда бізбен бірге балабақшаға бар. Бізде дүкен бар . Дүкеннен керек заттарыңды өзің сатып ала аласың.

(Қоян қуана келіседі, барлығы бақша жолға шығады)

Д\ойын: «Дауыстарын ажырат»

Шарты: Аудиожазбадан (Тоқылдақ, қарға,сауысқан,торғай) құстардың дауысы естіледі. Балалар ажырату керек.

Тәрбиеші: - Қане балалар, поезға отырып бақшамызға оралайық.

Қ имылды ойын: «Поезд»
Қатар, қатар тұрайық,
Кәне, кәне сұрайық
Кімнің болса бойы ұзын-
Паравозы ол поездың.
Ал,паравоз, баста алға
Бәрімізді басқара
Пыш-пыш, пыш-пыш біз кеттік,
Жүрісті біз үдеттік.
Ал, кәне, балалар, тоқтайық,
Пыш – ш-ш-ш-ш,
Енді поездан түсейік.

С\рөлдік ойын: «Дүкенші»

Шарты: бір бала сатушы, бір бала сатып алушы болып дүкенші ойынын ойнайды. Ойын жалғаса береді.

Тәрбиеші: - Қоян, міне дүкенге келдік. Сен ормандағы достарыңа керекті жеміс-жидек, көкөністерді ала аласың. Біздің балалар саған көмектеседі.

Балалар: -Иә, біз қоянға көмектесеміз.

Балалар қоянға дүкеннен жеміс-жидек,көкөністерді сатып алып береді. Қоян мәз болып,балаларға алғыс айтып орманға қайтады.

Қортындылау:

Тәрбиеші: - Міне, балалар біз бүгін күзгі орманға саяхатқа бардық.

• біз орманға саяхатқа барғанда нені көрдік?

• Кімге қандай көмек көрсеттік.

Балалар бағытталған сұрақтарға жауап береді.