Л арипи мен дыбысы

Тақырыбы: Л дыбысы және әріпі
Мақсаты: Л дыбысымен таныстыру;
Білімділік: Құрамында Л дыбысы бар сөздерді талдау.Л дыбысын дұрыс дыбыстап,оның таңбасын,әріпін таныстыру.Л дыбысы бар сөз,сөйлем құрату.
Дамытушылық: Ойын арқылы тілдерін,ой-өрістерін,сөздік қорларын,есте сақтау қабілеттерін дамыту.
Тәрбиелік:Өз ойларын еркін жеткізе білуге тәрбиелеу.
Оқу іс-әрекетінің көрнекіліктері: Суреттер,текшелер
Әдіс-тәсілдері: сұрақ-жауап,көрнекілік
Оқу іс-әрекетінің түрі: ойын сабақ
Оқу іс-әрекетінің барысы:

І.Ұйымдастыру кезеңі.
-Балалар,қәнекей бүгінгі оқу іс-әрекетімізді бастамас бұрын бір-бірімізге жылы лебізімізді
білдіріп, көтеріңкі күй сыйлайықшы.
Аспанымыз ашық болсын,
Еліміз аман болсын,
Деніміз сау болсын,
Ақшамыз көп болсын.

-Балалар, бүгінгі оқу іс-әрекетімізге келген қонақтарымен сәлемдесейік.
-Балалар, бүгін бізде сауат ашу оқу іс-әрекеті.Біз өткен оқу іс-әрекетінде қандай дыбыстармен танысып едік есімізге түсірейікші.

ІІ.Өткен сабақты пысықтау.
Ол үшін біз сендермен қәзір «Дауысты, дауыссыз дыбыстар» ойынын ойнайық.Мен сендерге дыбыстарды айтамын,ал сендер қолдарыңдағы көк,қызыл түсті дөңгелек- текшелермен дыбыстарды ажыратып айтып көрсетесіңдер. (Тәрбиеші өткен дыбыстарды айтады).

Негізгі бөлім.
-Балалар,бүгін бізге қонаққа Алдар көсе келіпті,ол бізге бір жаңа әріпті өзімен бірге ала келіпті. Бірақ ол бізге қандай әріп әкелгенін «айтпаймын» дейді,ол әріпті табу үшін біз мынадай тапсыр- маларды орындауымыз керек.
-Тапсырмаларды орындаймыз ба? (Балалардың жауаптары).

1-тапсырма.
-Мынау не? (Лақ)
-Лақ қай малдың төлі және ол қалай дыбыстайды? Лақ ешкінің төлі,ол мә-мә-мә деп дауыстайды
-Лақ сөзінде неше дыбыс бар? (3 дыбыс)
-Лақ сөзін буынға бөліп көрейік? (Буынға бөледі)
-Неше буын бар? (1 буын)
-Сөздің басында қандай дыбысты естіп отырсыңдар? (хормен айтқызу)
-Л қандай дыбыс? (дауыссыз)
-Дауыссыз дыбысты қандай түспен белгілейміз? (көк)

2-тапсырма. «Кім жылдам?» дидактикалық ойынын ойнау.
Балаларға ойын ойнату арқылы тақтаға ілінген суреттегі заттардың атауларын атату.
Оларды буынға бөлгізу.Дыбыстың сөз басында,ортасында,аяғында келетінін баланың өзіне байқатып атату.Сөйлем құрату.


Тақтадағы суреттер:

Піл Ли-мон Лақ Түл-кі А-пель-син.


3-тапсырма: Дәптермен жұмыс.
Жазбаша жұмыс орындату.Дәптердегі Л әріпінің кіші және бас әріптерін үлгі бойынша жазады. ІV.Сергіту сәті.
Қарлығаш болып ұшамыз,
Лақ болып қашамыз.
Аю болып қорбаңдап,
Орнымызды табамыз.
тапсырма. Дидактикалық ойын: «Кім тапқыр?».
1-ші себетке Л дыбысы бар суреттерді саламыз.
2-ші себетке Л дыбысы кездеспейтін суреттерді саламыз.



V.Қорытындылау.
-Балалар,бүгін бізге кім қонаққа келді?
-Алдар көсенің тапсырмаларын орындадық па?
-Сонымен, ол бізге қандай жаңа әріпті алып келіпті?
-Л дыбысы дауысты ма,дауыссыз ба?
-Жарайсыңдар,балалар,сендерге Алдар көсе де ризашылықтарын білдіріп жатыр.
-Ал,енді балалар,осымен бүгінгі оқу іс-әрекетімізді аяқтап Алдар көсе және бүгінгі оқу іс-әрекетімізге қатысып отырған қонақтарымызбен қоштасайық.

Біз ақылды баламыз,
Айтқан тілді аламыз.
Бүгін келген қонаққа,
Сау болыңыздар деп айтамыз.