Л. Брайль өмірбаяны жайлы түсінік

Пәні: Түзету- дамыту

Мерзімі:10-14.09.2018ж

Сыныбы:МАД. 1А. 2А

Пән мұғалімі:Илиясова Ж

Сабақтың тақырыбы:

 Танысу. Мен және менің отбасым.

Мақсаты:

 Тақырыптың мазмұнын өз түсінігі бойынша аша білуге үйрету.

 Баланың қызығатын заттары арман қиялдарын іске асыруға деген оқушының мүмкіндігі өз бетінше ізденуге машықтандыру.

Барлық мамандықтардың қыр-сырына тоқтай келе, болашақта дұрыс жолға түсуге бағыт беру, ойнаса да, өмірге қойған мақсатына жете білуге тәрбиелеу.

Коррекциялық мақсаты: ойлау, есте сақтау, көру қабілеттерін дамыту.

Көрнекілігі:  Мамандық иелерінің суреттері

Жүргізу әдісі: түсіндіру, әңгімелесу.

Сабақтың типі: аралас

Сабақтың барысы:

Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

Балалардың көңілін көтеріп алып сабақты бастау. Балаларға мамандық иелерінің суреттерін көрсете отырып оларға тоқталып өту.

Жаңа сабақ Сабақтын мақсатын айту. Танысу.Кім болам? Сұрағына жауап беру.Әңгімелесу.

«Көкемнің ақылы» өлеңін оқу.

Көп сөйлейді демеңдер,

Көкем менің кемеңгер.

Сыр айтады отырып:

-Ойна! Ойна!Ойнай бер!

Қызығыңды тойлай бер!

Ойна бірақ күйші бол

Ойна бірақ биші бол!

Ойна әйгілі ғалым бол,

Ойна ақылды аға боп.

Кіп-кішкентай дана боп

Жаста кім боп ойнайсың

Кім болам деп ойлайсың?

Өмірге қойған мақсатың бар ма?

Мамандықтар: Мұғалім, дәрігер, ғалым.

Жаттығу орындау.

Сырлаушы”

Мазмұны:

Езу тартып күліп, аузымызды ашамыз.

Тілдің жалпақ ұшымен таңдайды тістерден

таңдайға қарай сырлаған секілді жүргіземіз.

Астыңғы иек қозғалмау керек.

3.Сергіту жаттығуы

Тік ұста бойыңды.

Жоғары соз қолыңды.

Соз қолыңды тағыда.

Жеткіз жираф мойынына.

Орнымыздан тұрайық,

Алақанды ұрайық.

Ой қозғау.

Не үйрендік?

«Мен және менің қызығуым» тақырыбын қалай түсіндің?

Бекіту кезеңі: Өзіммен-өзім тәсілін өткізіп, баланың көз алдына елестеткен онымен арманына сурат салғызу.

Сабақты қортындылау. Болашақта дұрыс жолға түсуге бағыт беру.

Оқу тәрбие ісі жөніндегі орынбасары: Қ.Ә.Қиянбекова

Пәні: Түзету- дамыту

Мерзімі:17-21.09.2018ж

Сыныбы:МАД. 1А. 2А

Пән мұғалімі:Илиясова Ж.

Тақырыбы: «Жемістер мен көкөністер»
Мақсаты: Жемістер мен көкөністер түсінік беру. Оларды ажырата білуге үйрету. Ойын, есте сақтау қабілетін, дүние танымын дамыту. Балалардың жеміс ағаштарын қорғап, оларға қамқор болуына ықпал ету үшін тәрбиелік әңгімелер жүргізу.
Әдіс тәсілдері: Сұрақ - жауап, түсіндіру, көрсету, ойын.
Көрнекілігі: ойын, слайд, суреттер, үлестірмелі материал.

Коррекциялық мақсаты:

Балаларды түстерді ажырата білуге жемістерді ажырата білуге ұсақ қол моторикасын дамыту.

Ұйымдастыру кезеңі.
Амандасу сәті:

Балаларға көкөністер жайлы жұмбақ жасырамын

Қазір жылдың қай мезгілі?
Суретке қарап күзде қандай өзгерістер болады екен?
Жапырақтар сарғайды, күн суыта бастайды.
Жиі жиі не жауады?
Жаңбыр.
Мен сендерге жұмбақ жасырамын. Жұмбақтың шешуі бүгінгі оқу іс әрекетіміздің тақырыбы болмақ. Дайынсыңдар ма?
Бұтақта ілініп тұрамын,
Піскенде себетке құладым. \жеміс\
Үлкендігі алмадай,
Сырты жанған қызыл от.
Ішін ашып қарасаң,
Майда майда қызыл шоқ. \анар\
Сонымен, балалар бүгінгі оқу іс әрекетіміздің тақырыбы жемістер мен көкөністер жайлы әңгімелейміз.
Жемістер бақшада яғни ағашта, ал көкөністер бақта өседі. Жемістер мен көкөністерді қарайтын адамды бағбан дейміз.
Жемістерге: алма, алмұрт, жүзім, шабдалы, өрік, шие.
Көкөністерге: картоп, қызылша, пияз, сәбіз, қияр, қызанақ т. б. жатады.
Жемістер мен көкөністердің құрамында көптеген дәрумендер бар.
Көкөністерді тұқым себу арқылы өсіреміз көктем айында. Күз айында жинап аламыз.
Алманы көп жесеңдер түрлі ауруларға қарсы тұруға көмектеседі. Қараңғыда көруді жақсартады, шаштың, тырнақтың өсуіне әсер етеді. Ол жетіспегенде тері құрғап, жарылып, түсі күңгірттенеді.
Лимонды кесіп алып, шайға салып, ішіп жүрсе, қан жүрісі реттеледі, қан қысымының көтерілуі бәсеңдейді. Лимонмен шай ішкен адамның жүйкесі бірқалыпты болады.
Банан қан мөлшерінің бір қалыпты болуы мен қан қысымының өзгермеуіне ықпал етеді. Сүйек, тырнақ, шаш өсіміне оң әсерін тигізеді.
Жемістерден тосап және компот қайнатады.
Көкөністерді тағам ретінде салаттар жасаймыз.
Ал көкөністердің пайдасы мысалы;
Қызанақ ол біріншіден, тағам ретінде өте пайдалы. Екіншіден, қызанақта С дәрумені өте көп. Үшіншіден, жас қызанақ пен томат шырынының шипалық қасиеті жақсы. Асқазан
жарасы бар адамдар жас томат шырынын ішуге тиіс. Томат шырыны ағзадағы тастарды да ерітеді. Қызанақ бауыр ауыратындар үшін де өте пайдалы. Бақшада өсіп тұрған жемісті сабағынан үзіп алып, жумаған күйде жеудің өзі зиянды. Адамның іш ауруын да, басқа да сырқаттарды туғызатын микробтарды көреміз.
Жалпы жемістер мен көкөністер біріншіден дәрумен берсе, екіншіден тағам ретінде, ал үшіншіден дастарханға сән ретінде қоя аламыз.
Көкөністер. Сәбіз дің құрамында дәрумендер көп. Көп жесеңдер бойларың өседі.
Балалар енді «Сиқырлы қапшық деген ойын ойнайық.
Шарты: Қолына алады, пішінін, дәмін, түсін, қолдануын айтады.
Көкөністер мен жемістер туралы тақпақтарын айту.
Жемістер бізге мол өнім беру үшін, біз олардың топырағын қопсытуымыз керек, арам шөбін жұлу және суғару керек. Жер ана мейірімді, өйткені көкөністерді өсіреді, күн де мейірімді шуығын төгеді. Көкөністер жылу сүйгіш, суыққа төзімді болып бөлінеді.
Шикідей жейтін көкөністерді атайықшы; қызанақ, қызылша, сәбіз. баклажан, картоп.
Тағы да ойынға кезек берейік. «Салат» Қимылды ойын.
Жарайсыңдар балалар салаттарымыз өз жұптарын тапты.
Бүгінгі оқу іс әрекетімізді қорыта келе жемістер мен көкөністерді бөлек алып қоюмыз керек.

Қорытынды:
Сонымен бүгін біз не туралы өттік?
Жемістер мен көкөністер туралы.
Олардың бізге пайдасы бар ма?
Дұрыс айтасыңдар.
Алманы жеміске ме, әлде көкөніске жатқызамыз ба?
Қауынды ше?
Жарайсыңдар балалар барлықтарың дұрыс жауап бердіңдер, ойынды да жақсы ойнадыңдар.
Балаларды мақтап мадақтау

Оқу тәрбие ісі жөніндегі орынбасары: Қ.Ә. Қиянбекова

Пәні: Түзету- дамыту

Мерзімі:

Сыныбы:

Пән мұғалімі:

Сабақтың тақырыбы:Жанұям және мен.

Мақсаты: 1. Отбасы және отбасы мүшелері жайлы түсінігін қалыптастыру.

2. Отбасы мүшелері және отбасындағы сыйластық туралы әңгімелету арқылы есте сақтау қабілетін дамыту.

3. Үлкенге ізеттілік көрсетуге, кішіге қамқор болуға тәрбиелеу.

Көрнекілігі: отбасы мүшелерінің сюжеттік суреттері.

Жүргізу әдісі: түсіндіру, әңгімелесу.

Сабақтың типі: аралас

Сабақтың барысы:

1 Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2.Жаңа сабақ Сабақтын мақсатын айту. Кіріспе әңгіме.

- Балақай екеуміз тұрып, шаттық шеңберін құрайық. Бір - бірімізбен амандасып, жылы тілектер айтайық.

- Сәлеметсіз бе! Қайырлы таң! Қайырлы күн!

- Сізді көргеніме қуаныштымын.

- Енді бір - бірімізге мақтау сөздер айтайық.

- Сен әдемісің, мейірімдісің, денің сау болсын, сен ақылдысың.

- Ал сенің үйіңде бір - бірлеріңе қандай жақсы сөздер айтасыңдар?

- Қайырлы таң, әкетайым, анашым!

- Қайырлы күн, асыл әжем, аташым!

- Мені үйдегі үлкендер «құлыншағым», «ақылдым менің» деп еркелетеді.

- Бір үйде қандай адамдар тұрады?

- Бір үйде бір - біріне жақын адамдар тұрады.

- Оларды ата.

- Атасы, әжесі, әкесі, анасы және олардың балалары.

- Дұрыс айтасың, осы адамдар отбасын құрайды. Олар - отбасы мүшелері. Сен де отбасыңның бір мүшесісің.

2.Негізгі бөлім.

а) Отбасы мүшелері бейнеленген суретпен жұмыс. Мұғалім сұрақтар арқылы жаңа тақырыптың мазмұны ашылады.

- Отбасы мүшелері қайда тұрады?

- Отбасы мүшелері бірге, бір үйде тұрады.

- Олар қалай тұрады?

- Отбасы мүшелері тату - тәтті тұрады.

ә) Сөздік жұмысын жүргізу.

Нағашы ата - анасының әкесі.

Нағашы әже - анасының анасы.

Немере - ұл - қыздарынан туған бала.

б) «Ойлан, тап» тапсырмасын орындау.

- Балақай, менің айтқандарымды мұқият тыңдап, кім туралы айтып тұрғанымды ойланып тап.

Қатал көрінгенімен өте мейірімді. Кітапты көп оқиды, бау - бақшаны баптайды. Немерелерін жақсы көреді. Ол кім?

- Ата.

- Өзіңнің атаң туралы әңгімеле.

- Өзі мейірімді, әрқашанда қатық - майы, ірімшігі, қант - кәмпиті дайын. Ол кім?

- Әже.

- Ал сеннің әжең қандай?

Бірінші бағанға әкенің, ананың, баланың суреттері, екінші бағанға биік таудың, таудың етегіндегі бұлақтың, өсіп тұрған құрақтың суреттері ілінеді. Педагогтің көмегімен төмендегідей мақал құрастырады, мақалдың мағынасы ашылады.

Әке - асқар тау,

Ана - етегіндегі бұлақ,

Бала - жағасындағы құрақ.

Әке, ана, бала сөздерін қатыстырып, сөз тіркестерін құрастыру. Мысалы: ардақты әке, асыл ана, әдепті бала, т.б.

3. Сергіту жаттығуын орындау.

Атам жылқы бағады. (Бір орында тұрып, шоқырақтап шабу).

Ағам пішен шабады. (Шалғымен шөп шапқан сияқты қимыл жасау).

Жеңгем сиыр сауады. (Отырып, сиыр сауғандай қимыл жасау).

Әжем киіз қағады. (Киіз қаққандай қимыл жасау).

в)Өзіндік жұмыс

1. Шытырман арқылы әжесінің үйіне апаратын жолды бояу.

2. «Сыңарын тап» ойыны.

3. Сабақты қорытындылау.

- Отбасы мүшелерін ата.

- Отбасы мүшелері бір - бірімен қалай тұрады?

Пәні: Түзету- дамыту

Мерзімі:24-28.09.2018ж

Сыныбы:МАД. 1А.2А

Пән мұғалімі:

Сабақтың тақырыбы:Менің достарым

Мақсаты:

Менің достарым сөзінің маңыздылығын түсіндіру.

Достық,сыйластық туралы әңгімелету арқылы есте сақтау қабілеттерін және зейінін дамыту.

Сыйластық, татулық туралы түсінігін кеңейту қамқорлық жасауға үйрету.

Коррекциялық мақсаты: ойлау, есте сақтау, көру қабілеттерін дамыту

Көрнекілігі: ертегі суреттері,т.б

Жүргізу әдісі: түсіндіру, әңгімелесу.

Сабақтың типі: аралас

Сабақтың барысы:

1 Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2.Жаңа сабақ Сабақтын мақсатын айту. Кіріспе әңгіме.

1. «Достық көмек» дегенді қалай түсінесің?

2. Жүз теңгең болғанша –

Жүз досың болсын!- деген мақалдың мағынасы түсіндіріп берші?!

3.Достық туралы қандай ертегілер мен өлеңдер білесің?

Мысылы: Қарлығаш пен Дәуіт, Дос болайық бәріміз!,Біз өмірдің гүліміз.т.б

Оқушыға «Қарлығаш пен Дәуіт» ертегісі суреттер көрсету арқылы айтылады.

Жаңа түсінікті қалыптастыру: 1.Сабақтың құпиялылығы. Сөзжұмбақ шешу.

ДРУГ (ҚАЗ)  ʹ  ʹ ʹʹ

(ДОСТАР)

2. «Мағынаны тану»- Достық туралы мақалдарды оқу

Дос көпті дау алмайды.

Жүз сомың болғанша, жүз досың болсын

Аққуды атпайды , достықты сатпайды.

Сөздікпен танысу: бірге- вместе

Қалай?- как?

Достық- дружба

Суретші- Художник

А) сөздерді дұрыс айту

Ә) сөздік дәптерге жазып алу

Б) сөз тіркестерін, сөйлемдер құрау

2. Сөздікпен танысу:

А) сөздерді дұрыс айту

Ә) сөздік дәптерге жазып алу

Б) сөз тіркестерін, сөйлемдер құрау

3.Сергіту сәті: 

Әрқашан дос, біргеміз,

Ажырамас іргеміз.

Ілгері жүріңдер,

Достық жырын біліңдер.

Ту ғып ұстап бірлікті,

Еңбекті сүйіңдер!

Қайырмасы:

Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.

4. Өзіндік жұмыс.

«Менің достарым» тақырыбына әңгіме құрастыр. Оқушыға суреттер қөрсетіледі.

5. Сабақты қорытындылау.

Суреттегі кейіпкерлер бір-бірімен қайткенде достаса алады?

Оқу тәрбие ісі жөніндегі орынбасары: Қ.Ә. Қиянбекова

Пәні: Түзету- дамыту

Мерзімі:1-5.10.2018ж

Сыныбы:МАД.1А.2А

Пән мұғалімі:

Сабақтың тақырыбы:Мінез-құлық қалыптастыру.

Мақсаты:

Мінез құлық қалыптастыру сөзінің мағынасын ашу және маңыздылығын түсіндіру.

Өз мінезін дұрыс қалыптастыруға, жан-жақты жүйелі ойлай білуге дамыту.

Оқушыны ортасын дұрыс таңдауға, жақсы мен жаманды айыра білуге үйрету.

Коррекциялық мақсаты: Ойлау есте сақтау, қол моторикасын дамыту

Көрнекілігі: суреттері,т.б

Жүргізу әдісі: түсіндіру, әңгімелесу.

Сабақтың типі: аралас

Сабақтың барысы:

Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2.Жаңа сабақ Сабақтын мақсатын айту. Кіріспе әңгіме.

1. Мінез-құлық қалытастыруды қалай түсінесің?

2. Түсінісе білу- жақсы қасиет. (Халық даналығы)

Сөзінің мағынасын ашу.

3. Әтеш, Лақ және Күшік Ж.Мыңтұрғанова.

-Суретке қарап әңгіме құрастыр!

-Суретке қарап,осындай жағдайларда қалай тіл табысуға болады?

Балаларға мінез құлық жайлы айтып шығу мына суреттерде қандай суреттер бейнеленген балаларға өз ойларын айтқызу.

3.Тыныс алу жаттығулары

“Қар жауды”

Мазмұны:

Бұл жаттығу барысында мақтадан домалақтап немесе жұлып-жұлып “қар түйіршіктерін” жасаймыз. Баламен бірге үйде “қар” жаудырамыз. Бала “қар түйіршіктерін” дұрыс үрлеу керек.

Қар ұшқыны аспанда

Қиыршықтап ұшады

Қанатты аппақ құстардай

Жердің бетін құшады.

4. Сергіту сәті:

 Добым, добым домалақ,

Қайда кеттің домалап?

Үстел үстін бүлдірдің,

Тәрелкені сындырдың.

Тентек болып кеттің деп,

Тұрмын сені тепкім кеп.

5. Сабақты қорытындылау.

-Өз мінез- құлқыңды дұрыс қалыптастыру дегенімізді қалай түсіндің?

-Барлығымен тіл табысу не үшін қажет?

Бір-бірімізбен дос болу үшін....

Бір-бірімізді сыйлау үшін...

Бірге ойнау үшін... т.б

Оқу тәрбие ісі жөніндегі орынбасары: Қ.Ә. Қиянбекова

Пәні: Түзету- дамыту

Мерзімі:8-12.10.2018ж

Сыныбы:МАД.1А.2А

Пән мұғалімі:ИлиясоваЖ

Сабақтың тақырыбы:Заттық ойын «Сөз құрау».

Мақсаты:

Оқушыға әріптерден сөз құрай білуге үйрету;

Оқушының сөздік қорын, ойлау қабілетін дамыту;

Оқушыны адамгершілікке, ұқыптылыққа тәрбиелеу.

Коррекциялық мақсаты:

Сөз құрау арқылы баланың ойлау қабілеттерін дамыту

Көрнекілігі: Пазл әріптері.

Жүргізу әдісі: түсіндіру.

Сабақтың типі: аралас

Сабақтың барысы:

1 Ұйымдастыру кезеңі:

Балаларды отырғызып сабақты бастау. Даладағы ауа райына көңілдерін аудару Қәзір жылдың күз мезгілі сендер далаға жылы киімдеріңді киіп шыға бастадыңдар. Далада жаңбыр жауып күн бұлттанды.

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

б) Мінез-құлық қалытастыруды қалай түсінесің? Өткенді еске түсіру.

2.Жаңа сабақ

 Сабақтын мақсатын айту.

1.Асықтарды нөмері ретімен қойып, сөйлемді оқы.(Жақсы болғым келеді.)

ж1 а2 с4 о7 м11 е13 ғ9 д16 к12

е15 б6 қ3 ы5 л8 ы10 л14 і17

2.Көп нүктенің орнына тиісті сөздерді қойып, оқы.

Жақсылық адалдық.

.................

.......................

.........................

Керекті сөздер:

мейірімділік, қамқорлық, көмек, қайырымдылық.т.б

Жұмбақтың шешуін тап.

Мағанда, саған,

Жақұын туыс – бес адам.

Үш әріптен тұратын

Оңға оқы,. Солға оқы

Өзгермейді еш одан

Бәрі де өз жұратың

Айтады, қане кім атын?

3.Сергіту сәті:

 Тербеледі ағаштар,

Алдымнан жел еседі.

Кіп-кішкентай ағаштан

Үп-үлкен боп өседі.

4. Сөз құрастыру

Жақсылық жамандық

-Жақсылыққа қатысты өз ойын сұрау,

-Және жақсылықпен жамандықты салыстыра отырып сурет салғызу.

5. Сабақты қорытындылау

- Бүгінгі сабақта қандай тапсырма ұнады?

-Көңіл күйін қалай ?

-Қандай тапсырма қиын болды?

Балаларды отырғызып сабақты қорытындылау.

Оқу тәрбие ісі жөніндегі орынбасары: Қ.Ә. Қиянбекова

Пәні: Түзету- дамыту

Мерзімі:12-16.11.2018ж

Сыныбы:МАД.1А.2А

Пән мұғалімі:Илиясова Ж

Сабақтың тақырыбы: Қағаз бетіндегі қеңістік. Қағазбен жұмыс жасау.

Сабақтың мақсаты:

 1.Балаларды қағаздың түрлерімен таныстыру.

2.Қағазбен жұмыс жасау іскерлік-дағдыларын қалыптастыру.

3.Тік төртбұрышты пішіндерден әр түрлі ойыншықтар жасатып ой-қиялын дамыту, еңбекке тәрбиелеу.

Коррекциялық мақсаты:

Балаларға қағазбен жұмыс жасау кезінде ұсақ қол моторикасын көру есте сақтау қабілеттерін дамыту.

Керекті құралдар:

 түрлі-түсті қағаздар, қайшы, желім, үлгі суреттер. Картон және жазу жазатын жұқа қағаздар т.б.

Әдіс-тәсілдері:

 қағазбен жұмыс істеу: бүктеу, қию, желімдеу, қағазды теңестіру, көлемі, пішініне сәйкес тең етіп қию жолдарын түсіндіру. Үлгілерді талдау.

Алдын-ала жүргізілетін жұмыс: үй жануарлары мен жабайы жануарлар жайында ертегі оқу. Сурет бойынша әңгімелету. Ерекшеліктері жайында айтып, сипаттама беру.

Сабақтың барысы:

Балаға түрлі-түсті қағаздарды таныстыра отырып, қағаздың әр түрін көрсетіп, сапасына (қалың, жұқа, жұмсақ, қатты, бүктеуге болады) тоқталады. Мысалы: түрлі-түсті қағаздар, жұқа қағаздар оңай бүктеледі, тез қиылады. Қайшымен қиып көрсетемін. Жазу жазатын, сурет салатын қағаз, фольга, т.б. Ал картон қағаздарды бүктеу қиын әрі қиюға келмейді.

Ұйымдастыру кезеңі:

Балаларды отырғызып сабақты бастау

 "Мына түрлі-түсті қағаздарды қарашы, түстерін айтып бер", — деп сауал қояды (қызыл, жасыл, сары, көк, т.б.). Пішінін сұрайды (тік төртбұрыш). Бір парақты ортасынан бүктеп үлкен-кіші көлемдерін салыстырады. Осындай тік төртбұрыштардан түрлі ойыншықтар жасап үйренеді. Үлгіге талдау жасау үшін суреттерге назар аударады. Ойыншықты жасау үшін: парақ қағазды бұрыштарын, қабырғаларын теңестіріп ортасынан қос бүктейміз;

— үлкен тік төртбұрышымыз кіші тік төртбұрыш болды.

— оны ортасынан тағы қабаттап бүктейміз, бүктеу сызығын қолымен сипап сындырсақ, одан да кіші тік төртбұрыш болады;

— енді осы тік төртбұрышты сызық бойымен қиып аламыз, енді екі тең тік төртбұрыш болды;

— осы тік төртбұрыштан қоян немесе мысық жасауға болды;

— Қоянның құлағы, көздері қандай? Мысықтан ерекшелігін атап айту (Қоянның құлағы ұзын, көзі үлкен, т.б. Мысықтың көзі қысық, құлағы үшбұрышты). (Математикалық ұғымдармен байланыстыру).

— қағаз түстерін, дене бөліктерін бала өзі таңдап алған қағаз түсінен қиып жасайды;

— түсті қағазды қос бүктеп алып, ақ жағына — қоянның құлағы, аяғы, оны қию жолдары көрсетіледі, көзін, тұмсығын фломастермен жасату;

— үлгіге қарай отырып, дене бөліктерін орналастырып, желімдеу ұсынылады;

— балаға көмек көрсетіліп, бағыт беріледі;

— жұмысты аяқтай бастағанда өзі жасаған ойыншықтары туралы білетін өлең, тақпақ немесе жұмбақтарын айтып беруді сұрайды;

—өзі жасаған жұмыстарын бірлесіп талдау жасайды, жақсы жұмыстар мадақталады.

Сабақты қортындылау:

Қағазбен жұмыс жасау барысындағы баланың талабын ұштап, ұқыпты жұмыс істей білу іскерлігіне машықтандырып, болашақта қағаздан тағы алуан түрлі ойыншықтар жасайтындығын айтып, іс-әрекетке қызығушылығын арттыра түсіп, сабақты аяқтаймын.

Оқу тәрбие ісі жөніндегі орынбасары: Қ.Ә. Қиянбекова

Пәні: Түзету- дамыту

Мерзімі:19-23.11.2018ж

Сыныбы:МАД.1А.2А

Пән мұғалімі: Илиясова Ж

Сабақтың тақырыбы:

Танымдық жұмыс. «Бұл қай кезде болады?»

Сабақтың мақсаты:

1.Баланың табиғат туралы білімін кеңейту.

2. есте сақтау қабілеттерін дамыту, қоршаған ортадағы табиғат өзгерістері, күзгі адамдар еңбегі туралы тапсырмаларды орындату арқылы ойын грамматикалық формада жеткізіп және байланыстырып сөйлеуге төселдіру.

3. Табиғатты аялауға, әсемдікті көре білу, сезінуге тәрбиелеу

Коррекциялық мақсаты:

Балаларды табиғат құбылыстарымен таныстыра отырып танымдық есте сақтау, көру ойлау қабілеттерін дамыту

Көрнекіліктері:

 күзгі аула бағы бейнеленген сурет, мақал - мәтелдер жинағы, халық болжамдары жазылған жинақ.

Сабақтың барысы:

Ұйымдастыру кезеңі. Бүгін «Бұл қашан болады?» тақырыбын өтеміз.

- Балақай, бүгінгі күз мезгілі туралы. Көзімізді жұмып күз мезгілін көз алдымызға елестетіп көрейік.

Баланың жауаптары:

- Балалар мектепке, балабақшаға бара жатыр.

- Пісіп тұрған алма, жерге түсіп жатқан жаңғақтарды көруге болады.

- Ағаштардың жапырақтары сарғая бастаған. Күз туралы сурет бойынша әңгіме жүргізу.

Тірек сұрақтар:

1. Қазір қай мезгіл?

2. Күз екенін қайдан білдің?

3. Неліктен жомарт күз дейміз?

4. Күздегі адамдар еңбегінен не білесің?

5. Неліктен күзді жақсы көресің?

6. Күз туралы не білесіңдер?

7. Күз айларында ағаштарда қандай өзгерістер болады? «Ненің жапырағы?» дидактикалық ойыны. Бала серуен кезінде жинаған жапырақтарының қандай ағаштікі екенін ажыратады. Үлгі жауап:

- Мынау - қайыңның жапырағы. Түсі сары, пішіні сопақша болып келген.

Дәптермен жұмыс

а) Жаңа сөздермен сөздік жұмысын жүргізу.

Элеватор - мол астықты сақтайтын және оны желдетудің, салқындатудың, кептірудің, құрғатудың, сұрыптаудың көмегімен сапалық деңгейге жеткізетін ғимарат.

Егіс алқабы - бидай, тары, жүгері, арпа сияқты дәнді дақылдар өсетін дала.

Қырман - астық бастыратын, тазалайтын ашық алаң.

ә) Бидайдың сабағының суретін салу.

б) Жұмбақты шешу. Шешуі: бидай.

Сабақты қорытындылау.

Мұғалім:М. Әлімбайдың «Алтын күз» өлеңін оқиды, сөздік жұмысын жүргізеді, сұрақтар қояды.

Сарғайды тоғай,

Сап - сары маңай.

Соңғы әнін айтып,

Құс кетті қайтып.

- Маңай, айнала неге сап - сары? Тоғай неліктен сарғайып кеткен?

- Құстар қайда және не үшін қайтып кетті?

- Маңай деген сөзді тағы қалай айтуға болады? (Айнала).

- Құстар қайтып кетті дегенді ше?

- Құстар жылы жаққа ұшып кетті.

Сұрақтарға жауап беру.

1. Күзде жапырақтарда өсімдіктерде қандай өзгерістер болады?

2. Жапырақ түсуі қай кезде басталады?

3. Күзде бау - бақшада қандай жұмыстар жүргізіледі?

Сабаққа жақсы қатысқан оқушыларды мадақтап сабақты аяқтау.

Оқу тәрбие ісі жөніндегі орынбасары: Қ.Ә. Қиянбекова

Пәні: Түзету- дамыту

Мерзімі:26-30.11.2018ж

Сыныбы:МАД. 1А.2А

Пән мұғалімі: Илиясова Ж

Сабақтың тақырыбы:

Мен табиғатты сүйемін.

Сабақтың мақсаты:

1.Баланың табиғат туралы түсінігін кеңейтіп, жыл мезгілінің ерекшелігін айтуға, көргені мен аңғарғанын дұрыс баяндауға, байланыстырып сөйлеуге үйрету

2.Табиғатты аялауға, әсемдікті көре білуге, сезінуге тәрбиелеу.

Коррекциялық мақсаты:

Табиғатты аялауға әсемдікті көре білуге баланы тәрбиелей отырып ойлау есте сақтау қабілеттерін дамыту.

Көрнекілігі :

Табиғат туралы суреттер, өлеңдер

Жүргізу әдісі: түсіндіру.

Сабақтың типі: аралас

Сабақтың барысы:

1 Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

б)Ауа райына көңілдерін аудару.

2.Жаңа сабақ:

 Сабақтын мақсатын айту.

Балаға қойылатын жетекші сұрақтар:

1. Көктемде неше ай бар?

2. Қай айдан басталады?

3. Жерде, далада, ағаштарда қандай өзгерістер болады?

4. Айтшы көктемде алғаш қандай құстар ұшып келеді? (Ұзақ, қараторғай, су құстары).

а) Педагог баланың көктем мезгілі туралы айтқандарын қорытындылап, толықтырады.

- Қыстың күзден айырмашылығы неде?

- Қыста адамдар қалай киінеді?

- Қыстап қалған құстарға қалай көмектесеміз?

- Қыста балалар қандай ойындар ойнайды?

- Қысты неліктен көңілді деп айтады?

ә) Жұмбақтар шешу.

Қоймасын қыс ақтарып,

Жерді жапты ақ мамық.

(Қар)

3. Оқулықпен жұмыс 

Т. Молдағалиевтің «Көктем» өлеңін мәнерлеп оқиды.

4:Сөздік жұмысын жүргізу.

 Шартылдайды - сартылдайды, тарсылдайды. Қып - қызыл отпен белгі - бұл жерде найзағайдың көрінісі суреттеліп тұр.

Өпкен жел - бұл жерде желдің денеге жайлы әсер етуі.

-Өлеңнің мазмұны арқылы көктемгі өзгерістер, көктемгі еңбек туралы әңгіме өрбіту.

5. «Көктемгі гүлдер» дидактикалық ойыны.

 Шарты: себет - тегі гүлдердің ішінен көктемде гүлдейтін гүлдерді шығарып алып, сол,гүлді сипаттайды.

Мысалы: бәйшешек, қызғалдақ, сарғалдақ, т.б.

-Дәптердегі үлгіге қарап, бәйшешектің суретін салады.

6.Сабақты қорытындылау.

- «Өрік ағашы» әңгімесін оқу.

Сұрақ - жауап әдісі арқылы әңгіменің мазмұнын қалай түсінгенін сұрап сабақты қорытындылау.

Оқу тәрбие ісі жөніндегі орынбасары: Қ.Ә. Қиянбекова

Пәні: Түзету- дамыту

Мерзімі:

Сыныбы:3А 4А

Пән мұғалімі: Илиясова Ж

Сабақтың тақырыбы: Сиқырлы сөздер құпиясы.

Мақсаты:

1. Оқушыға сиқырлы сөздер таныстыру, сөздерге сөйлем құрай білуге үйреті

2. Оқушының сөздік қорын, ойлау қабілетін дамыту.

3. Адамгершілікке, үлкенді сыйлауға тәрбиелеу.

Сабақтың барысы:

1.Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2. Мақал мәтелдер.

а) Өтірікші алдымен өзін алдар

ә) Бір өзі өтіріктің бар сөзі өтірік.

б) Өтірік өрге баспайды.

в) Шындық бәрінен де күшті

3. «Сиқырлы сөздер»

Оқушыға сиқырлы сандықша беріледі. Сол сандықшада сиқырлы сөздерді оқып, оқушы ө ойынан сөйлем немесе әңгіме айтуы керек.

(Бақыт, сенімдік, шыншыл, т.б )

4. Сергіту сәті: Аю

Мен аю қорбаңдаймын,

Бал арадан қорғанбаймын.

Омартаны аралаймын,

Аяқ қолды жаралаймын.

4. «Сыншы бала» әңгімесін оқып беру.

• Әңгіәме кім туралы айтылған?

• Баланың сыншыл екенін қалай білуге болады?

• Сыншыл болу үшін не істеу керек?

5. Сабақты қортындылау.

-Бүгінгі сабақта қандай тапсырма ұнады?

-Көңіл күйің қалай?

Пәні: Түзету- дамыту №11

Мерзімі: Сыныбы:

Пән мұғалімі:

Сабақтың тақырыбы: Сиқырлы сөздер құпиясы.

Мақсаты:

1Теректің суретін салу арқылы оқушының өз суретін қайда орналастыруын түсіндіру:

2Оқушының сөздік қорын, ойлау қабілетін дамыту.

3Ұқыптылыққа, ізденпаздылыққа, ізеттілікке тәрбиелеу.

Сабақтың барысы:

1.Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2.»Терегім»

Оқушыға теректін суретін беріп, сол терекке отбасы мүшелерінің суретін терекке орналастыру.

3.Сергіту сәті:

Екі алақанды ашамыз.

Жұмсақ допты алақанда ұстаймыз.

Допты қатты қысып ұстаймыз, көзді жұмамыз.

Допты босатамыз, көзді ашамыз.

Мақал –мәтелді аяқта.

1 «Сіз» деген –әдеп,

«Біз» деген - ......

2.Ана алдыңда – құрмет

Ата алдында - .......

3.Көпті сыйлағаның .....

4.Ақыл –тозбайтын тон

Білім - ...........

5.Асыл тастан шығады.

Өнер жастан ....

4.Жаңылпаш жаттап алайық.

1. Бұлт – ау!

Соқтықпа.

Бұл -тау!

2. Жағажай, жағажайда Қамажай!

Жағажайды жағалай,Жүгіреді Қамажай.

3. Ұғымпаз бала.

Болар дана

Ұғымсыз бала

Қалар шала.

5.Сабақты қортындылау.

-Бүгінгі сабақта не үйрендік?

Қандай тапсырмалар ұнады.?

Пәні: Түзету- дамыту №12

Мерзімі: Сыныбы:

Пән мұғалімі:

Сабақтың тақырыбы: Дүниеде жоқ жануар.

Мақсаты:

1. Оқушыға өз қиялындағы жануардың суретін салуға көмектесу, үйрету.

2. Оқушының есте сақтау, ойлау қабілетін дамыту.

3. Ұқыптылыққа, ізденпаздылыққа тәрбиелеу.

Көрнекілігі: сурет салғызу

Сабақтың барысы:

1.Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2.Жаңа сабақ Оқушыға сабақтын мақсатын айту.

«Дүниеде жоқ жануар» тақырыбы бойынша сурет салғызу, бақылау ,әңгімелесу.

-Салған жануарыңның атын қой.

-Қандай түстерді қолдандың?

-Салған суретің өзіңе ұнады ма?

а) Мұғалім хрестоматияда берілген «Жануарлар әлемі» атты мәтінді оқып береді. Осы мәтін арқылы әлемдегі ең үлкен жануар - көк кит, ең ұзын жануар - керік туралы мәлімет беріледі.

ә) Сұрақ - жауап әдісі арқылы мәтіннің мазмұнын айтқызу. Балаға жануарлар әлемі туралы теледидардан, бейнетаспалар көруге болатындығы және көптеген кітаптар бар екені айтылады. Астана қаласындағы «Мұхит аралы», Алматы қаласындағы хайуанаттар паркінен көптеген жануарлардың түрін көруге болатындығы айтылып, олардың суреттері көрсетіледі.

3. Тыныштық сәтін өткізу.

а) Сөздік жұмысын жүргізу.

Хайуанат - жан - жануарлардың жалпы атауы.

Хайуанаттар бағы - жан - жануарларды бір араға жиып, көпшілікке көрсету шараларымен шұғылданатын мекеме.

б) Сурет бойынша әңгіме жүргізу.

Дәптердегі хайуанаттар бағы бейнеленген суретті пайдаланып, әңгіме құрастырады. Оқушы педагогтің көмегімен торда түрған қасқыр, аю, көжек туралы әңгімелейді.

Қасқыр - ит тұқымдас жануар. Түсі сұр. Оны жыртқыш дейді. Қасқырдың баласын бөлтірік деп атайды.

Қоян - ұзын құлақ жабайы жануар. Қоянды үйде де асырайды. Оның түсі аппақ, сұр болады. Ол - өте қорқақ аң. Қоянның баласын деп атайды.

Аю - ірі денелі, икемсіз жануар. Ол - жыртқыш аң. Ақ аю, қоңыр аю, қара аю болады. Аюдың баласын қонжық деп атайды.

Сондай - ақ піл, мүйізтұмсық, жолбарыс, т.б. аңдар және құстар, бауырымен жорғалаушылар (жылан, кесіртке, тасбақа, қолтырауын) туралы да қысқаша мағлұмат беріледі, суреттерін не солар туралы түсірілген фильм көрсетуге болады.

в) Қоян, аю, қасқыр сөздерін қатыстырып, бірнеше сөз тіркестерін құрастыру. Мысалы, қорқақ қоян, сұр қоян, аппақ қоян, аң аю, қорбаңдаған аю, сұр қасқыр, т.б.

г) Жұмбақтар шешу. Шешулері: қоян, піл.

ғ) «Адасқан көжекті хайуанаттар бағына жеткіз» дидактикалық ойыны. Шытырман жолдардың ішінен баққа апаратын жолды сызып көрсетеді.

4. Сабақты қорытындылау.

а) Сұрақ - жауап әдісі арқылы сабақта алған білімін пысықтау.

ә) Сабақ баланың жануарлар туралы білетін өлең - тақпақтар айтуымен аяқталады

Пәні: Түзету- дамыту №13

Мерзімі: Сыныбы:

Пән мұғалімі:

Сабақтың тақырыбы: Менің ақылды қөмекшілерім.

Мақсаты:1.Оқушымен саусақпен ойын жаттығуларын орындату, үйрету;

2. Оқушының сөздік қорын, ойлау қабілетін дамыту;

3. Оқушыны адамгершілікке, ұқыптылыққа тәрбиелеу.

Сабақтың барысы:

1.Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2.Жаңа сабақ Сабақтын мақсатын айту. Саусақпен ойындар

«Бүлдірген жинаймыз»

Сол қолының ұшы ( саусақтары төмен түсірілген) бұтақта тұрған бүлдіргенді келтіреді. Оң қолымыздың саусақтарымен бұтақта тұрған бүлдіргенді түсіріп аламыз.

«Саусақтар амандасады» Саусақтарының ұштары бір-бірімен жұғысады: шынашақ саусақ шынашақпен, бас бармақ бас бармақпен.

«Саусақтар жуынады»Бір қолдың қайырылған саусақтары екінші қолдың саусақтарымен түйісіп жыбырлайды.

«Саусақтар адымдайды»Оң қол оң жаққа адымдайды, сол қол – сол жаққа.

«Сақина»Оң қолдың үлкен саусағы әрбір саусақпен қосылып сақина жасайды да сол қолдың әрбір саусағына кигізіледі: үлкен басқармақпен – басбармаққа, үлкен ортаншымен-ортаншыға т.б.с.с «Айна»Үлкен адамның істегенің оның артынан әрбір саусақтың қимылын әртүрлі қайталайды.

«Гармон»Саусақтар ашылған алақандарымен бірде ашылады, бірде жабылады.

3.Сабақты қортындылау.

-Бүгінгі сабақта не үйрендік?

-Бүгінгі ойын сабағымыз ұнады ма?

-Қандай ойындар ұнады.?

Пәні: Түзету- дамыту №14

Мерзімі: Сыныбы:

Пән мұғалімі:

Сабақтың тақырыбы: Бөлме ішіне бағдарлау .

Мақсаты: Кеңістік ұғымын қалыптастыруға арналған ойын-сабақ.

Ойын: «Қуыршақ бөлмесіне жиқаздарды орналастыр» деген ойынды ұйымдастыр немесе ауылда серуенде жүрген кезде Тәрбиешінің ұсынысы бойынша мына тапсырмаларды орында. 10 қадам алға оңға бұрылып, 5 қадам жүр, сонан соң 3 қадам артқа сияқты. Тағы басқа тапсырмаларды орындауға болады. «Ойыншықты тап», «Бала қайда тығылып жүр» т.б ойындарды ойнауға болады.

-Бұдан соң баланың өзінің дене мүшелерін (Оң қол, сол аяқ т.б) кеңістікке қатыстыру немесе затты затқа қатыстыру арқылы алдында, оң-сол жағында, жоғары-төменде не бар деген сияқты сұрақ қойып тапсырмалар орындатуға болады.

-Өз маңындағы кеңістікті бағдарлай білуге үйрен: ілгері қарай ілгеріде, алда-алдыңғы жақта, артында-арт жақта, оңға оң –жағында, солға жол жағында. Серуен кезінде де ағаштарды өзара қатыстыру арқылы кеңістікте орналасуын ажырату керек.

Баланың заттарды салыстыра білуін тексеру.

-Кеңістікте орналасқан ұзын-қысқа, биік –аласа, жалпақ-жіңішке, тар-кең деген сияқты заттардың маңызды белгілерін салыстыру кезінде көпшілік бала қиналады.

-Біріншіден ьала жалпылама үлкен –кіші деп жалпылама айта салады.

Зерттеуші ерекше көңіл бөліп тыңдап ұзын лентаның орнына улкен лента, қысқа лентаның орнына кіші лента деп айтпауын қадағалап, қателессе түзету керек.

-Аласа –биік бағана дегеннің орнына үлкен –кіші бағана деп айтуымүмкін. Баланың белсенділік сөздік қорының ішінде биікті,-аласа, қысқаны ұзын, кең-орын тар.

Пәні: Түзету- дамыту №15

Мерзімі: Сыныбы:

Пән мұғалімі:

Сабақтың тақырыбы: «Кім қалай дауыстайды?»

Мақсаты:

4. Оқушыға жануардың қалай дауыстайтының үйрету.

5. Оқушының сөздік қорын, ойлау қабілетін дамыту.

6. Адамгершілікке, үлкенді сыйлауға тәрбиелеу.

Сабақтың барысы:

1.Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2.Жаңа сабақ Сабақтын мақсатын айту.

- Қандай жануарлардың дауыстарын білесің?

-Ерекше дауыстайтын жануарды ата.(түйе, сиыр, жылқы, қой, ешкі ,есек.т.б)

3.Дидактикалық ойын: «Төлін тап».

Ойын шарты: Үй жануарлары суреті көрсетіледі.. Бала әрбір үй жануарларының қасына өз төлін тауып ілуі тиіс. Ойын осылай жалғаса береді.

«Төлдер айтысы» ертегісімен баланы таныстыру.

- Төлдер бір-бірімен не үшін айтысты?

- Лақ не айтты?

- Құлын ше?

- Бұзау не деді?

- Қошақан, бота не деді?

- Адам не деп жауап берді?

4Сергіту сәті: Айналайын торпақ,

бола берме қорқақ

, Айналайын қозым,

малда жуас бозым.

Айналайын ботам,

қандай күлте жотаң

, Жалт-жұлт етіп лаң,

жағалайсың бұл аң.

(Қимылмен көрсетеді).

5.Дәптермен жұмыс: Жұмбақтың шешуін тап.

Жарысуға дайын, менің қасқа ... (тайым)

Тастан тасқа секірген ұзын салпаң құлақты,

Қойдан маза кетірген, кім біледі ... (лақты)

Моп-момақан өзі, сүп-сүйкімді... ( қозы)

Қорытынды:

- Үй жануарларының адамдарға қандай пайдасы бар?

- Ешкі, қой, сиыр, түйе, жылқының төлдерін ата.

- Малдарды қалай шақырады?

Пәні: Түзету- дамыту №16

Мерзімі: Сыныбы:

Пән мұғалімі:

Сабақтың тақырыбы: Орнын тап

Мақсаты:

1.Оқушыға сөздерге сөйлем құрай білуге үйреті

2.Оқушының сөздік қорын, ойлау қабілетін дамыту.

3.Ұқыптылыққа, ізденпаздылыққа, ізеттілікке тәрбиелеу

Сабақтың барысы:

1.Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

Жаңа сабақ . сабақтың мақсатын ашу.

Оқушы мен мұғалім шеңбер бойына отырады. Мұғалім балаға допты лақтырып, сөйлемнің басын айтады. Бала сөзді аяқтап, допты кері лақтырыды. Егер бала екі рет сөйлемді аяқтай алмаса , өз өнерін көрсетеді. Сөздердің нұсқауы:

Компазитор музика құрастырады, ал әнші ....

Қазақстанда қазақша сөйлейді ,ал Англияда....

Балерина билейді, ал пианист....

Германияда немісше сөйлейді, ал Полшада ....

Лимон ащы, ал қант ...

Шөп жасыл,ал аспан...

Ағашты аралайды, ал шегені ...

Құстар ұяда тұрады, ал адамдар ...

Құс ұшады ал жылан...

Кеме жүзеді,ал машина...

Шиені жейді, ал шәйді ....

Әнші өлең айтады, ал құрылысшы....

Түнде қараңғы, ал күндіз...

Пәні: Түзету- дамыту №17

Мерзімі: Сыныбы:

Пән мұғалімі:

Сабақтың тақырыбы: Ойыншықтарды сипатта.

Мақсаты:1. Баланың ойыншық туралы түсініктерін кеңейту, ұқыптылыққа, тазалыққа тәрбиелеу. ойыншығын сипаттай білуге, сөздерге сөйлем құрай білуге үйрету.

2.Ойыншықтарды күтіп, ұқыпты, таза ойнауға үйрету. сөздік қорын,ойлау қабілетін дамыту.

3Адамгершілікке, іздемпаздыққа тәрбиелеу .

Сабақтың барысы:

1.Ұйымдастыру кезеңі:

а) Оқушының зейінін сабаққа аудару.

ә) Психологиялық дайындық. (баланы көңілдендіріп алу.)

2.Жаңа сабақ .Сабақтың мақсатын айту.

-Балақай ,сенде қандай ойыншықтар бар?

. Қанекей, екеуміз бірге қосылып айтайық:

Біз ұқыпты баламыз,

Айтқан тілді аламыз.

Ойыншықты жинаймыз,

Үлкендерді сыйлаймыз.

Мұғалім:

- Сенің сүйікті ойыншықтарың бар ма?

- Қандай ойыншықты жақсы көресіңдер?

- Ойыншықтарды қалай ұстау керек?

Дәптермен жұмыс: Қ.Мырза Әлидің «Ойыншықтар» өлеңін сызба арқылы жаттату.

Іші тола бөлменің (бөлменің суреті).

Ойыншығым (ойыншықтар суреті) мол менің.

Босқа тізіп қоймайық, келе ғой, дос, ойнайық.

Мына тұрған арғымақ (арғымақтың суреті),

Мінем оған қарғып-ақ.

Мына тұрған қояным (қоянның суреті),

Алдына жем (сәбіздің суреті) қоямын.

Сөздік жұмысы:

- Арғымақ деп жүйрік әрі әдемі атты айтамыз.

- Қарғып деп атқа секіріп мінуді айтады.

Дидактикалық ойын: «Жалғасын тап».

Ойын шарты: Мұғалім сөйлемді бастап береді, бала аяқтайды.

- Менің ойыншығым ... /әдемі/.

- Мен қуыршақпен ... /ойнаймын/.

- Допты жоғары ... /лақтырдым/.

Сергіту сәті: Саусаққа арналған жаттығу.

Добым, добым, домалақ,

Тоқтамайсың домалап.

Үстел үстін бұл дірдің,

Тәрелкені сындырдың.

Тентек болып кеттің деп,

Тұрмын сені тепкім кеп.

(Саусақпен, аяқпен көрсетеді).

Дәптермен жұмыс:

- Өзіңе ұнайтын ойыншықтың суретін сал. Ол туралы білетініңді айт.

- Жұмбақтың шешуін тап.

Бір құлағы сөйлесе,

Бір құлағы тыңдайды,

Білсең айтшы ендеше,

Жұрт не дейді мұндайды? (Телефон).

Қорытынды:

- Ойыншықтарды қалай ұстау керек?

- Қандай ойыншық түрлерін білесің?

- Ойыншықты кімдер жасайды?

- Ойыншық туралы қандай тақпақ білесің?

Пәні: Түзету- дамыту №19-23-36

Мерзімі: Сыныбы:

Пән мұғалімі:

Сабақтың тақырыбы: Әуенді терапия .Астана—Бәйтерек.

Мақсатым: Тәуелсіз Қазақстан, Астана, Бәйтерек туралы мағлұмат беру, түсініктерін дамыту, бекіту. Әнді мұқият тыңдау, оның көз тартарлық жерлеріне деген қызығушылық, мақтаныш, құрмет сезімдерін тәрбиелеу.

Пайдаланылатын құралдар: Астана қаласының, «Бәйтерек» құрылысының көріністері.үнтаспа

Алдын ала ұйымдастырылатын жұмыс: Астана қаласының тарихы туралы, көрнекті жерлері, өсем ғимараттары туралы түсінік беру.

Іс-әрекет кезеңі.

Астана қаласы бойынша саяхат (аудио, видео).

Ән тыңдау. «Қызылқұмда ауылым», «Астана». Үнтаспа.

- Астана туралы не білесің?

- Астана қаласы бұрын қалай аталды?

- Астананың қандай көрікті орындарын білесің?

- «Бәйтерек» туралы не білесің?

- «Бәйтеректің» төбесінде не бар?

Әнде Астананың керемет келбетіне деген сүйіспеншілік бар. Астана - жас болса да бас қаламыз, мақтанышымыз. Есіл өзені бойында орналасқан әсем қалаға қарасаң көз тоймайды.

«Бәйтерек». Музыкасын жазған Б. Әлімжан.

Бәйтерек - өмір ағашы. Салмағы 300 тонна болатын шар хамелеон шыныдан жасалған. Күн сәулесінің түсуіне қарай түсін өзгертіп тұрады.

- Ән қандай көңіл күйде жазылған?

- Ән ұнады?

Ән айтар алдында денені тік ұстап, қолды екі тізеге қойып, дауысты жаттықтырамыз. Әнді айтқанда иықты көтермей, терең дем алып, демді біртіндеп жіберу керек.

Әуенді қимыл-қозғалыс. «Шарлармен би».

Би қимылдарын жасағанда әркез денені тік ұстап, жеңіл қимыл жасауға дағдылану қажет. Музыка әуенімен шарды жоғары көтеріп, оңға, солға иілу және шарды жоғары ұстау. Баланы би қимылдары арқылы әсемдікке, әдемілікке тәрбиелеу.

Психологиялық жаттығу: «Қандай қалып?»

Қорытынды: Мен сенмен Астана, оның көрікті орындары, Бәйтерек туралы әңгімелесіп, ол туралы ән айтып, музыка тыңдадық. Бүгінгі іс - әрекетіміздің қай кезеңі саған ұнады?

.

Пәні: Түзету- дамыту №24

Мерзімі: Сыныбы:

Пән мұғалімі:

Сабақтың тақырыбы: Кемпірқосақ.

Сабақтың мақсаты: Негізгі түстерді араластыру арқылы қосымша түстерді алу дағдыларын қалыптастыру Қызыл + сары = қызғылт сары көк + сары = жасыл, қызыл + көк = сияқөк.

Қажетті құралдар: палитра, бояулар, қылқалам, қағаздар, су, сүлгі әліппе - дәптер.

Сабақтың барысы:

- Бүгін бізге "Бояушылар" елінен қылқалам қонаққа келіпті. Сені өзінің әсем де сәнді еліне қонаққа шақырады. Ол жаққа бару үшін бізге үлкен түрлі түсті көпірден өтуге тура келеді. Осындай түрлі түсті көпірдің суретін өзің салып көр. Ол үшін алдымен дәптеріңді ашып қараңдар, кемпірқосақтың жеті түсін естеріне түсіріңдер (дәптермен жұмыс).

Балаға негізгі түстерді түсіндіру және оларды бір-біріне араластыру арқылы қосымша түстерді алуға болатынын көрсету. Палитрада бояуларды араластырып көреді.

Oйын "Түстерді таңда".

Балақай екі түсті араластырып, үшінші түсті алуды үйренген соң, 4-5 бояуды басқа жаққа алып қойып, өзінің алған түсі қандай бояу түстерінің қосындысы екенін айтып береді.

- Аспанда нағыз кемпірқосақ жаңбыр жауғаңнан кейін пайда болады. Сендердің алдыларың дағы ақ қағаз аспан әлемінің бір бөлшегі деп есептеңдер.

Тәрбиеші қағазды қалай сулау керектігін көрсетеді (жалпақ қылқаламмен қағаз бетін таза сумен жуып алу).

- Қағазға су сіңіп болған соң сурет салуды бастаймыз. Кемпірқосақтың суретін салу үшін қандай түсті бірінші пайдаланамыз, ұмытып кетпеңдер, жоғарыдан және қызыл түстен бастаймыз.

Баланың өз бетінше жұмыстары.

Баланың түстерді қалай таңдайтынына және қағазға қалай сызып салатынына назар аударып, бағыт беру. Балалар жұмыстарын талдау. Талдау барысында тәрбиеші өлең оқиды.

Кемпірқосақ.

Жаңбыр жауып басылды, Аспан шайдай ашылды. Көкте қызыл-жасылды, Кемпірқосақ ашылды.

М.Әлімбаев.

Пәні: Түзету- дамыту №22

Мерзімі: Сыныбы:

Пән мұғалімі:

Сабақтың тақырыбы: «Жаңа жылға сыйлығым» Шыршаны безендіреміз.

Сабақтың мақсаты. Баланың өз ойынан қиып жапсыру дағдысын қалыптастыру. Ой-қиялын шығармашылық қабілетін дамыту.

Қажетті құралдар. Түрлі түсті қағаздар, шырша қиып жапсырылған қағаздар.

Сабақтың барысы. Шырша жайында өлең оқылады. "Жаңа жыл келді". Сөзі. Д. Қанатаев. И. Нүсіпбаев.

Бізге жаңа жыл келді, Ойыншықты мұншама,

Аяз ата бізге енді. Кім ілді екен шыршаға?!

Алақай, айнала түрленді, Алақай, айнала түрленді?!

Балақай би биле, тұрма енді! Балақай, би биле тұрма енді!

Шыршаның ойыншықтарын көрсетіп, осындай шыршаны безендіретіндерін айтады. Шыршаға ілінген ойыншықтарды қарап көреді. Әр балаға өзіне берілген шыршаны безендіру ұсынылады. Балалар шыршаны өз ойларынан, кергендерінен еске түсіріп, түрлі түсті қағаздарды пайдалана отырып жасайды. Балаларға ойыншықтарды қиюға және онымен шыршаны безендіруде дұрыс орналастыра білуге бағыт береді. Ұқыпты жұмыс істей білулері қадағаланады.

Балалардың өз бетінше жұмыстары.

Балалар жұмыстарын талдау

Жаттығу. «Заттың қолдануы»

Қандайда бір таныс заттың аты аталады, мысалы «Кітап». Қолданудың түрлі тәсілдерін тізіп шығу қажет: «кітап үстелдің үстіндегі түрлі қағаздарды өзгелерден жасырып қоюға, заттың астына тірек ретінде пайдалануға»т.б

Заттың атқаратын функциясын кім қолданса да сол жеңіске жетеді. Тапсырма затқа шоғырлануға, оның кездейсоқ құбылысын ашуға қабілеттілікті дамытады.

Пәні: Түзету- дамыту №22

Мерзімі: Сыныбы:

Пән мұғалімі:

Сабақтың тақырыбы:Жаңа жылға сыйлығым.Қар ханшайымының әдемі өрнектері.

Сабақтың мақсаты: Бейнелі өрнекті көре білу іскерліктерін дамыту. Жіптердің көмегімен белгілі бір бейнені бере білу дағдыларын қалыптастыру. Түстердің үйлесімділігін сезіну, көркемдік талғамын, ой-қиялын дамыту.

Қажетті құралдар: жіптер, көк түсті гуашь бояу ақ қағаз, әліппе - дәптер.

Сабақтың барысы: Тәрбиеші балаларға өлең оқиды. "Суретші қыс". К.Нүсіпов.

Қонақтайды бақтарға,

Ақ көбелек, ақ мамық

Аунап таза ақ қарға.

Балалар жүр мақтанып.

Тазартып бар кір шаңын,

Қыс өнерін бастады.

Терезеге қыраудан;

Сурет салып тастады.

Балалардың көңілін терезедегі аяз өрнектеріне аудару, шығарманың мазмұнымен байланыстыра отырып түсіндіру Осындай суреттерді Қар ханшайымы да салғанын айтады. Бүгін біз сиқыршыға айналамыз да осындай әдемі өрнектерді сиқырлы жіптердің көмегімен өзіміз де саламыз. Тәрбиеші жұмыстың орындалу ретін түсіндіреді:

- алдымен жіпті бояуға тұтас батырып алу шүберекпен артық бояуды сүрту;

- жіптің бір ұшын ұстап, екінші ұшын қағаздың бетіне түсіру қағазды жабу;

- қолмен қағаздың үстінен сипап шығу үстіндегі қағазды алу; Аязды өрнектерге ұқсайтын Қар ханшасының суреттері пайда болады.

Балалардың оз беттерінше жұмыстары.

Жұмыстарының ішінен ең сәтті шыққан жұмыстарды таңдап алады. Балалар жұмыстарын талдау

Түзету- дамыту №25

Мерзімі: Сыныбы:

Пән мұғалімі:

Сабақтың тақырыбы: «Алдар көсе» ертегісі. Алдар Көсе мен бай баласы.

Мақсаты: 1.Оқушыларды халық ауыз әдебиеті үлгісі-аңызбен таныстыру. Мәтінді

түсіне,мәнерлеп оқуды үйрету.

2.Өздігінен жұмыс жасай білуге машықтандыру.

3.Оқушыларды әділ болуға тәрбиелеу.

Сабақ типі:аралас

Әдісі: түсіндіру,сұрақ-жауап

Көрнекілігі:Алдар Көсе суреті

Сабақтың барысы.

1.Ұйымдастыру кезеңі:

Cабаққа дайындықтарын тексеру.

2.Мақсатын қою кезеңі:

Тақырыбын,мақсатын хабарлау.”Алдар Көсе мен бай баласы”

3.Жаңа материалды түсіндіру кезеңі:

Аңыз-белгілі бір адамның атына,іс-әрекетіне байланысты туады.

Аңыздағы әңгіме тарихта болған адам төңірегінде құралады.

Мәтінді мәнерлеп оқу,талдау.Әңгімені рөлге бөліп оқыңдар.

-Алдар Көсе кімге жолығады ?

-Ол салт аттыны қалай алдайды?

-Бай баласы алданғанын біліп,не істейді?

-Алдар көсе туралы тағы қандай әңгіме білесіңдер?

3.Сергіту сәті

4.Жаңа материалды меңгергенін тексеру кезеңі:

1.Оқушыларға рөлге бөліп оқыту.іштей,дауыстап-тізбектей.

2.Сұрақтарға жауап алу.

3. Теріп оқыту.

5.Бекіту кезеңі:Дәптермен жұмыс

Көркем жазу минуты.Гг \сөздер жазу\.

Тапсырма: Сөздерді буынға бөліп жаз.Сөйлем құра.

Кітап,алма,балапан.

Түзету- дамыту №27

Мерзімі: Сыныбы:

Пән мұғалімі:

Сабақтың тақырыбы: Есту қабілетін дамыту

Мақсаты: 1Есту қабілетін және ойлау қабілетін дамыту.

Суреттерді көрсету және атау арқылы, көру, есту қабілеттерін тексеру.

Сабақтың көрнекілігі:слайд.сурет

Жаттығу;дыбыстарды ажырата білу, төрт түліктін дыбысын қалданамыз

Мазмұны: Төрт түлектін дыбысын естейміз, қалай естілсе солай дыбыстаймыз.

Езу тартамыз, аузымызды ашамыз.

Тілді жоғарғы тістерге көтереміз де, “З”дыбысын айтамыз.(егер бала дыбысты дұрыс айта алса)

Бала жаттығуды орындау барысында аузын жауып алатын болса,

“Барабан” жаттығуындағы сияқты қосымша механикалық көмекпен пайдаланамыз.

“Ат”

Мазмұны:

Езу тартып, күлеміз.

Тілдің ұшымен аттар секілді тақылдатамыз.

Ауыз ашық болады, тілдің ұшын үшкірлейміз, созбаймыз. Тілдің ұшы ішке бұралмау керек, астыңғы иектің қимылдамауын қатты бақылау керек.

Мазмұны:Жаттығудың шарты бойынша біз сызықша жүргізу арқылы “өзіңнен әрі”(ұзын-қысқа), “өзіңе қарай” сонан соң жарты дөңгелек жасаймыз. “Бұл не?” яғни осы сұрақты ашу арқылы қандай заттар екенін тануымыз керек

Білімді тексеру кезеңі:Бүгінгі сабақ та өткен тақырыптарды есте сақтадық па?

Бекіту кезеңі: Қортындылау

«Мүйізді ешкі»

Көрсеткіш пен шынашақ саусақ тік ұсталған, басбармақ– ортаншы мен шынашаққа

Пәні: Түзету- дамыту

Мерзімі: Сыныбы:

Пән мұғалімі:

Сабақтың тақырыбы: : Бағдаршам және көлік түрлері

Мақсаты: 1. Бағдаршамның атқаратын қызметімен таныстыру.

2. Көше жағдайындағы кеңістікті бағдарлай білу дағдыларын, зейіндерін дамыту.

3. Жолда жүру ережелерін меңгерту.

Балаларды шеңбер құрғызып тұрғызу.

Кел балалар, күлейік,

Күлкіменен түлейік!

Күлкі көңіл ашады,

Күліп өмір сүрейік

Бағдаршамы бар көше мен бұрылыстарға саяхат жасату. Ауыл педагогтері бағдаршамы бар үлкен даңғыл бейнеленген плакатты пайдаланады. Балалардың назарлары бағдаршамның жұмысына, машиналардың арлы – берлі жүруіне, жаяу жүргіншілердің іс-әрекеттеріне назар аударылады. Жол жүру ережелерімен таныстырады. Жол белгілерінің суреттерін көрсетеді, олардың көлік қозғалысын реттеп, көлік жүргізуші мен жаяу жүргіншінің маңайдағы жол жағдайы жөнінде ақпарат беру мақсатында көше жол бойына қойылатын арнайы белгілер екенін айтып түсіндіреді.