Л дыбысын машықтандыру

Сыныбы: 1

Логопед аты – жөні:Ержігіт Нұрай

Оқушының аты – жөні:

Сабақтың тақырыбы:

«Л» дыбысын машықтандыру

Сабақты оқыту мақсаттары:

1. «Л» дыбысын сөздің арасында, басында, аяғында дұрыс айтуға машықтандыру.

2. Артикуляциялық жаттығулар арқылы тіл қимылын арттыру. Сөз бен сөзді байланыстырып сөйлеуге дағдыландыру. Фонематикалық қабылдауын дамыту.

3.Логопедті мұқият тыңдап, тапсырмаларды дұрыс, тыңғылықты орындай білуге тәрбиелеу.

Ресурстар:

Айна, тыныс алу жаттығуына қажетті материалдар, суреттер, артикуляциялық кескіндер, карточкалар.

Жоспар:

Тыныс шығару жаттығуларын және артикуляциялық жаттығуларды дұрыс орындау.

Сабақтың басы:

І.Ұйымдастыру кезеңі: Оқушының назарын сабаққа аудару.

Психологиялық дайындық. «Сәлемдесу» тренингі.

Қуанамын менде,

Қуанасың сенде.

Қуанамыз достарым,

Арайлап атқан күнге.

• Сабағымызды бастамас бұрын, тыныс алу жаттығуларын және ауыз-қуысына арналған жаттығуларды жасап алайық.

Тыныс алу жаттығулары:

«Жел диірменін үрлеу», «футбол(қақпаға доп кіргізу)», «аэробол» .

Мұрынмен терең дем алып, ауыздан дем шығару.

Артикуляциялық жаттығулар (тапсырманың бағалануы, интерактивті тақтадан видеоролик)

Айна алдында мимикалық, ерінге, тілге арналған жатығулар жасау. «Ат шауып келеді», «тіс тазалау», «футбол», «тәтті тосап», «бақа», «піл».

Өткен сабақта Л дыбысын өттік.

- Дауысты дыбыс па? Дауыссыз дыбыс па?

- Неге (Созылып айтылмайды)

Біз дыбысты ауызбен айтамыз, құлақпен естиміз. Л дыбысы дұрыс, анық шығуы үшін тістердің арасы ашық тұруы керек, ал тіл ұшы үстіңгі тістің түбіне немесе қызыл иегіне барып тіреледі. Осы кезде дауыс желбезегі жұмыс істейді, тамақ дірілдеп содан келіп дыбыс пайда болады.

Лого формула. (А,О,У,И,Ы)

- Біздің сабағымызға кішкентай піл өзінің сүйікті әнін алып келіпті. Қәне, бірге айтып көрейік.

-ла-ла-ла                      

-ло-ло-ло                     

-лу-лу-лу                     

Сабақтың ортасы:

Біз бүгін Л дыбысын машықтандыруға арналған тапсырмаларды орындаймыз. Ұксасын тап.

Ла-ла-ла- Лашын ақылды бала.

Ал-ал-ал- Арада бар бал.

Іл-іл-іл- Сөз сөйлейді тіл.

Ол-ол-ол- Көлік жүретін жол.

Ұл-ұл-ұл- Жәй жүреді ұлу.

Тапсырма. Суретпен жұмыс(интерактивті тақтадан суреттер көрсету).

Л дыбысы бар суреттерді атауын атап көрсет.

Сабақтың соңы:

Саусаққа арналған жаттығулар кешені. Тілге арналған жаттығулар.

Кішкентай үйшіктер,

Терезе бар кішкентай.

Күн шыққанда жарқырап,

Әтеш тұрып шақырады.

Мысықтарда мяулайды.

Күшік үйді сыпырады.

Тапсырма. Л дыбысын естісең қолыңды шапалақта.

Бала, тас, доп, қала, лақ, асық, тасбақа, тал, балапан, балық, кітап, қалам, айна, елік, ел.

Қорытынды.

- Бүгін біз қандай дыбыспен жұмыс жасадық?

- Л дыбысы кездесетін сөздерді айтып бер?

- Саған сабақ ұнады ма?

- Жарайсың, сабаққа өте белсенді қатыстың. Рақмет!

Бағалау: Смайликтер арқылы бағалау.