Латын әліпбиі - өркениет бастауы

Латын әліпбиі - өркениет бастауы

"Болашаққа бағдар:рухани жаңғыру" мақала шеңберіндегі үштілді оқыту - жас ұрпақтың білім кеңістігінде еркін самғауына жол ашатын, әлемнің ғылым құпияларына үңіліп, өз қабілетін танытуына мүмкіншілік беретін бүгінгі күнгі ең басты қажеттілік.

Қазіргі таңда заман талабы - үштілділік. Адам баласының рухани байлығы, тәрбиесі, білімі бәрі де тіл арқылы жетіледі. Яғни, жақсылық та - тілден, жамандық та - тілден. «Тілмен түйілген, тіспенен шешілмес» демекші, әр адамның сөздік қоры бай болуы үшін тілін, ой - өрісін жан-жақты дамытуы керек. Сол себепті, болашақ ұрпағымызға үштілділікті қажетті деп ұғындыру ұстаз ретінде менің мерейлі мақсатым. Ең бастысы бастауыш сынып мұғалімі болғандықтан ең бастысы өз оқушыларымның көкірек сарайын кәусар әдебиетімізбен сусындатып, Мағжанның жауһар жырларын, Абайдың дана ойларын паш еткім келеді. Үш тілде оқыту – заман талабы десек, оның негізгі мақсаты: бірнеше тілді меңгерген, әлеуметтік және кәсіптік бағдарға қабілетті, мәдениетті тұлғаны дамыту және қалыптастыру. Сондықтан қазіргі қоғамда үш тілді болу әрқандай адамды кең өріске, тың өмірге бастайтын жол есептелмек. Үш тілді білім беру ісінде атқарылып жатқан жұмыстардан шығатын қорытынды менің ойымша мынадай: үш тілді меңгерген оқушылар өзгермелі кезеңде еркін әрекеттер жасауға бейім болады, үш тілді меңгеру еңбек нарығында да жоғары бағаланады. Өз тәжірибемде осы мақсатты іске асу үшін әр сабағымда үш тілді еркін қолданамын. Мақал - мәтелді үш тілде айту, өлең шумақтарын, шағын мәтінді үш тілде айта білуге төселіп те қалды. Ендеше, жас ұрпақтың қазақ тіліне деген сүйіспеншілігін, өзге тілдерді оқып білуге деген қызығулары мен ұмтылыстарын арттыру арқылы олардың Отанға деген махаббаттарын оятып, өз тағдырын ел тағдырымен мәңгілікке байланыстыратын ұрпақ болып қалыптасуына қол жеткізу мақсатына өз үлесімнің бар екендігін мақтан тұтамын!

Акмарал АБЕНОВА

Қостанай ауданы

Октябрьск ауылы

Совхоз ОМ бастауыш сынып мұғалімі