Латын әліпбиіне көшу- заман талабы

Пікірсайыс жоспары

Пікірсайыстың тақырыбы: Латын әліпбиіне көшу- заман талабы

Мерзімі: 27. 11. 2017 ж.

Сынып: 10 «А», 9 «А»

Мұғалім: Темірхан Жанбота

Латын әліпбиіне көшу- заман талабы

(пікірсайыс)

Мақсаты:

Латын әліпбиіне көшудің маңыздылығы туралы терең мағлұмат беру, қоғамдық пікір қалыптастыру.

Қоғамда өздерін көрсете және өз еліне пайдалы бола алатын, Жаңа Қазақстандық Патриотизмнің құндылықтары мен мұраттары жүйесін иеленетін патриот ұрпақ тәрбиелеу.

Дерек көздер: ҚР Президенті Н.Ә. Назарбаевтың «Болашаққа бағдар: рухани жаңғыру» атты мақаласы (2017 жылғы 12 сәуір), бейнежазба, ғаламтор материалдары.

Барысы

І Мұғалімнің кіріспесөзі. «Ой шақыру»

Мемлекет басшысы «Болашаққа бағдар: рухани жаңғыру» атты бағдарламалық мақаласында 2025 жыл­ға дейін латын әліпбиіне көшуге кірісуіміз керектігін және болашақта барлық саладағы іс-қағаздар мен оқулықтар да осы қаріппен жазылуы тиіс екенін қадап айтты. Сондай-ақ, Үкіметке қазақ тілін латын әліпбиіне көші­ру­дің нақты кестесін жасауды тапсырып, уақыт ұттырмай бұл жұмысты қазірден бастан қолға алу қажеттігін атап өтті.

Демек, көп кешікпей егемен еліміздің латын әліпбиіне көшетіні айқындалды. Ал осы межелі мақсатқа кедергісіз қол жеткізу үшін не істеу керек? Бұл мәселені жан-жақты талқылау мақсатында республика көлемінде әрбір мекеме, ұйымдарда іс-шаралар ұйымдастырылуда.

Бүгін біздің сыныпта да бүгінгі күннің өзекті мәселесіне айналған «Латын әліпбиіне көшу» туралы өз ой-пікірімізді ортаға салуға жиналып отырмыз. Ғалымдар, әдебиетшілер, жалпы қауым арасында бұл мәселеге қатысты пікір екі жақты. Бірі қажет дейді, бірі қажет емес дейді. Пайдасы мен зияны жөнінде де пікірлер айтылып жатыр.

Ендеше, «Латын әліпбиіне көшу – заман талабы» тақырыбында өткізілгелі отырған пікірсайыс алаңын бастаймыз.

ІІ Негізгі бөлім.

Парасат тобы 10 сынып, Болашақ тобы 9 сынып

Үкімет- Парасат тобы жақтаушы,

Оппазитция – Болашақ тобы

І айналым- Үкімет тобының бірінші спикері- 7 мин

- Латын әліпбиіне көшудің тиімді де пайдалы тұстары:

-.Латын әліпбиіне көшудің себептері неде?

-.Латын әліпбиіне көшудің қандай тиімді жақтары бар?

Болашақ тобының бірінші спикері-7 мин

- Латын әліпбиіне көшудің тиімсіз тұстары:

-Латын әліпбиіне көшу қандай қиындықтар туғызуы мүмкін?

-.Латын әліпбиіне көшсек, неден ұтыламыз

ІІ айналым Үкімет тобының бірінші спикері- 7 мин

Болашақ тобының бірінші спикері-7 мин

ІІІ айналым қорытынды кезең.

Үкімет тобының бірінші спикері- 4 мин

Болашақ тобының бірінші спикері-4 мин

ІІІ Қорытынды бөлім. «Тоқсан ауыз сөздің тобықтай түйіні»

Көрермен не дейді?..

ІҮ Рефлексия. Әділқазылар шешімі