Латын әліпбиінің тиімділігі

Латын әліпбиінің тиімділігі

Елбасы Н.Ә.Назарбаевтың «Қазақстан -2050» Стратегиялық Жолдауы барша қазақстандықтардың болашаққа деген сенімін нығайтып,жігерін жанып, ел үмітін қанаттандырды.

Сарыарқаның арқа төсінде әсем қала Астананы орнатып,Абылайдың арманың асқақтатқан көшбасшы тұлғамыздың кеменгерлік саясатының арқасында дүниежүзі елдерімен тереземіз теңесті. «ЭКСПО-2017» көрмесінің Астанада өту –ұзақ мерзімді қажыр- қайратпен тер төккен табанды еңбектің жемісі,Елбасы және ел жеңісі!

Мемлекет басшысы «Қазақстан 2050» Стратегиясы –қалыптасқан мемлекеттің жаңа саяси бағыты атты Жолдауында тіл мәселесіне айрықша тоқталып,»Қазақстанның болашағы –қазақ тілінде» деген болатын.Президентіміздің алдағы 2025 жылға қарай қазақстандықтардың 95 пайызы қазақ тілін меңгеруі керек деген сөзін ескерсек,әр қазақстандық азамат қазақ тілінің мәртебесін биіктеуге атсалысуы керек.Осы Жолдауда Елбасының : «Біз 2025 жылдан бастап әліпбиімізді латын қаріпіне, латын әліпбиіне көшіруге кірісуіміз керек» деген тапсырмасы- ұшқыр ой,терең философия,ұтымды саясат негізінде тұжырымдалған міндеттер деп білемін. Өйткені ғылым мен техника күннен –күнге қарыштап дамыған кезеңде ағылшын тілін үйренуге латын тілі бір табан жақын болса, екіншіден, интернет тілін жетік игеруге оң тәсіл болары сөзсіз.Үшіншіден, әрі ең бастысы, қазақ тілін жаңғыртуға даңғыл жол ашады.Бұл да алар асуымыздың, бағындырар белесіміздің , шығар шыңымыздың айбынды жетістігіне жетелейтін жеңістер деп білемін.

Елбасы меңзеген мерзімде латын әліпбиіне көшу арқылы қазақ тілінің мәртебесіне биіктей түсері хақ.

Алматы облысы Жамбыл ауданы Ұзынағаш ауылы

С.Бердіқұлов атындағы орта мектептің

оқу ісі жөніндегі орынбасары

Бақтыбаева Мақпал Сериковна