Логикалық көпір

Түркістан обылысы, Қазығұрт ауданы

«Зат» бөбекжай балабақшасы

«Логиколық көпір»

Тәрбиеші: Оразбай Салтанат

Сарапхана елді мекені

2026ж

Бекітемін::

«Зат» бөбекжай балабақшасының меңгерушісі:

А.Аргынбаева

Тәрбиеші: Оразбай Салтанат

Тақырыбы: «Логикалық көпір»

Мерзімі: 05.05.2026ж

Мақсаты: Балалардың логикалық ойлау қабілетін дамыту, математикалық түсініктерін қалыптастыру, суреттерді сәйкестендіру және геометриялық пішіндерден бейне құрастыру арқылы талдау, салыстыру, қорытынды жасау дағдыларын жетілдіру.

Міндеттері:

- Заттарды ортақ белгілеріне қарай сәйкестендіруге үйрету;

- Геометриялық пішіндерді ажырата білу дағдыларын қалыптастыру;

- Зейінін, есте сақтау қабілетін және шығармашылық ойлауын дамыту;

- Ұқыптылыққа, тапқырлыққа және бірлесіп жұмыс жасауға тәрбиелеу.

Қажетті құралдар: Геометриялық пішіндер жиынтығы, суретті карточкалар, сандар, логикалық тапсырмалар салынған конверттер.

Іс-әрекет барысы

І. Ұйымдастыру кезеңі

Шаттық шеңбері:

Армысың, алтын күн,

Армысың, асыл жер.

Армысың, достарым,

Жылу беріп қарсы ал!

Тәрбиеші:

– Балалар, бүгін біз ерекше саяхатқа шығамыз. Алдымызда «Логикалық көпір» тұр. Көпірден өту үшін түрлі тапсырмаларды орындауымыз керек.

ІІ. Негізгі бөлім

1-тапсырма: «Сәйкесін тап»

Балаларға әртүрлі суреттер таратылады.

Мысалы:

- Жануар – төлі;

- Мамандық – құралы;

- Жыл мезгілі – белгісі.

Балалар суреттерді сәйкестендіріп, не себепті таңдағандарын түсіндіреді.

2-тапсырма: «Артығын тап»

Карточкада төрт сурет беріледі.

Мысалы:

Алма, алмұрт, банан, машина.

Балалар артық суретті тауып, себебін айтады.

3-тапсырма: «Пішіндерден құрастыр»

Балаларға шаршы, үшбұрыш, дөңгелек және тіктөртбұрыштар ұсынылады.

Тапсырма:

- Үй құрастыру;

- Көлік құрастыру;

- Ағаш немесе гүл бейнесін жасау.

Балалар пішіндердің атауын айтып, қандай бөліктерден құралғанын түсіндіреді.

Сергіту сәті

Биік болып өсеміз,

Қолды көкке созамыз.

Оңға, солға бұрылып,

Шынығамыз, толамыз.

4-тапсырма: «Логикалық көпірден өт»

Балалар сандарды өсу ретімен орналастырады және қарапайым сұрақтарға жауап береді:

- 5-тен кейін қай сан келеді?

- Қайсысы үлкен: 7 ме, әлде 4 пе?

- Үшбұрыштың неше бұрышы бар?

Дұрыс жауап берген сайын балалар көпірдің келесі бөлігіне өтеді.

ІІІ. Қорытынды

Тәрбиеші:

– Балалар, бүгін қандай тапсырмалар орындадық?

– Қай тапсырма ұнады?

– Геометриялық пішіндерден не құрастырдық?

Балалар өз пікірлерін білдіреді.

Күтілетін нәтиже:

Біледі: геометриялық пішіндерді және олардың ерекшеліктерін.

Игереді: суреттерді сәйкестендіруді, салыстыруды және қарапайым логикалық тапсырмаларды орындауды.

Меңгереді: логикалық ойлауды, математикалық түсініктерді қолдануды және өз ойын еркін жеткізуді.