LS -зерттеу жұмысының тақырыбы «Әрқилы әдіс-тәсілдер арқылы оқушылардың тыңдалым дағдысын қалыптастыру»

КММ №149 жалпы білім беретін мектеп

орыс тілі мен әдебиет пәні мұғалімі

Бейсембаева Г.А.

Алматы қаласы №149 жалпы білім беретін мектебінде Төрежанова Алма

Байтұяққызының ұйымдастыруымен LS-үдерісі бойынша курс өткізілді. Бұл курстың негізгі мақсаты LS-үдерісін толық түсініп, өз деңгейінде жүргізу болғандықтан, мен үшін бұл курстан ең құнды дүние құрылымдалған бақылау парағы арқылы зерттеу сыныпқа кіру. Проблеманы анықтағаннан кейін, үш құрал таңдалды.Үш құрал бойынша зерттеу жұмысын жүргізу және А,В,С деңгей деп емес топтық зерттеу,жұптық зерттеу,жеке-жеке оқушыларды т.б зерттеу. Бұл курс кәсіби дамуға мүмкіндік алуда өте тиімді болды. Педагогке қатысты мәселелер жан-жақты талқыланып, жоғары деңгейде жүргізілді. Сонымен жұмыстарымызды ары қарай дамыта отырып 8 - сыныпта LS-зерттеу сабағына қатыстым. Әріптестермен бірлесе отырып қысқа мерзімді жоспар құрып, әр сабақтан кейін талдау жүргізіп отырдық. Әр мұғалім зерттеуге 5-6 оқушыдан алып бақыладық. Пәні:орыс тілі мен әдебиеті. Тақырыбы: Абайдың Он төртінші қара сөзі. Сабақтың мақсаты: Оқушыларды әдіс-тәсілдер арқылы тыңдалым дағдысын машықтандырып, ақпаратты түсіну үшін дұрыс бағыт беру. Мен сабақ барысында 3 оқушыны зерттеуге алдым. Үй тапсырмасын сұрауда сұрақ-жауапқа С.есімді оқушы және М.есімді оқушы белсене қатысып жауап берді. Тақырыпқа байланысты мәтінді тыңдауда, мәтіннің бастапқы кезеңіне көп көңіл бөлінді, мәтіннің ортасы және соңғы кезеңдеріне толық тыңдалмаған. Оқушылар екі жақты күнделік әдісімен жұмыс жүргізу барысында байқалды. Бумеранг әдісі бойынша оқушылар тақырыпқа байланысты жабық сұрақ құрастырды. А.есімді оқушы және Ә.есімді оқушы, М.есімді оқушы бір-бірімен алмасқан сұраққа жауап берді. Қорытынды: Бұл сабаққа енгізілген екі жақты күнделік әдісі оқушылардың тыңдалым дағдысын қалыптастыра отырып, әр оқушының мұқият тыңдап, мәтінге өз ойын жазу тиімділігін көрсетті. Бумеранг әдісі әр оқушының тақырыпқа сұрақ құрастыруы сабаққа қатысу белсенділігін көрсетті. Оқушылардың сабақ барысында мұқият зер салу дағдысын өз деңгейінде қалыптастыру үшін, кез келген оқушыдан сұрақ-жауап алу керек екендігін ескере отырып, келесі сабақ жоспарлауда енгізу ұсынылды.

Екінші сабақ.Сабақтың тақырыбы: М.Әуезов. Сирота. Сабақтың мақсаты: Оқушыларды әдіс-тәсілдер арқылы тыңдалым дағдысын машықтандырып, ақпаратты түсіну үшін дұрыс бағыт беру. Сабақ екі тілде орыс және қазақ тілінде кіріктірілген сабақ жүргізілді. Тақырыпты ашуда оқушылар менменшілдік, қатыгездік, жеңілтектік т.б сөздердің екі тілдік аудармасын жалпы бірдей айтып өтті. С.есімді оқушы сұрақ-жауапқа жақсы жауап берді. 1-тапсырма мақал-мәтелдер екі тілде аралас жазылған оқушыларға берілді. Ә.С.А. есімді оқушылар мақал-мәтелдің негізгі ойын орыс тілінде жеткізе білді. 2-тапсырмада оқушылар топқа бөлініп Иса мен Қадишаның іс-әрекетінен көрініс көрсетті. Оқушылар белсене қатысты. 3-тапсырмада синквейн әдісі бойынша шығармалардан мысалдар жазу берілді. Осы тапсырма бойынша құрылған тест парақшасын белсенділік танытпаған оқушыларға берді, Ә.есімді оқушы жақсы жауап берді. Сабақты бекітуда А.есімді оқушы белсене қатысып жауап берді. Қорытынды: Кіріктірілген сабақты екі тілде жүргізу барысында оқушылардың қызығушылығы арта түсті. Зерттеуге алған оқушылар сабақтың мақсатына сай тыңдалым дағдысын қалыптастыруда, берілген тапсырмаларға мұқият қарап, бірін-бірі тыңдап жауап берді. А.есімді оқушыдан оқушы кері байланыс алдым.1.Саған сабақта бәрінен де не ұнады? дегенде, маған Әуезов әңгімелері ұнағанын айтып өтті.2.Сен нені үйрендің? деген сұраққа мысалдардан адам үнемі іс-әрекетте болу керек және жақсы қасиеттердің болу керектігін жеткізе білді.3.Оқытудың қай бөлігі сен үшін барынша тиімді болды? Сабақтың екі тілде жүргізілуі өте қызықты және тиімділігін айта алды.Үшінші сабақтың тақырыбы: Ғ.Мүсірепов шығармаларының зерттеулері. Сабақтың мақсаты: Оқушыларды әдіс-тәсілдер арқылы тыңдалым дағдысын машықтандырып, ақпаратты түсіну үшін дұрыс бағыт беру. Сабақты жағымды ахуал қалыптастырумен бастады. Оқушыларға сұрақ-жауап арқылы сабақ түсіндірмесі жүргізілді. Мәтінге зерттеулер, талдау жүргізілді. Оқушылар белсене қатысты. Қорытынды: сабақ мақсатына сай оқушыларға дұрыс бағыт-бағдар беру арқылы тыңдалым дағдысын қалыптастыру жүйелі жүргізілді. Әр сабақта тыңдалым дағдысына көп көңіл бөлу керектігін анықтадық.