М дыбысы мен әрпі

Күні:

Сынып: 1

Қатысқандар саны:

Қатыспағандар саны:

Сабақтың тақырыбы

Менің отбасым. М дыбысы мен әрпі.

Осы сабақта қол жеткізілетін оқу мақсаттары (оқу бағдарламасына сілтеме)

1.7 Тыңдалған материал бойынша өз пікірін айту

1.8 Берілген тақырыпқа әңгіме құрап айту

1.9 Сөздерді, дыбыстарды орфоэпиялық нормаларға сәйкес дұрыс айту

Сабақтың мақсаттары

Барлығы: Жаңа білімді меңгереді.

Көбі: Тақырыпты түсініп, тыңдап, жетекші сұрақтар арқылы талқылайды.

Кейбірі: Алған білімді өмірде қолдана алады.

Жетістік критерийлері

Айтылған сөздер мен сөйлемдердің көпшілігін дұрыс қайталай алады.

Нақты сөйлеу арқылы, мәселені түсінгенін көрсете алады.

Құндылықтарды дарыту

Оқушыларды бір-біріне деген құрмет көрсетуіне тәрбиелеу.

Пәнаралық байланыс

Өнер, ана тілі сабағы

АКТ қолдану дағдылары

Аудиожазба , таныстырылым.

Тілдік құзыреттілік

М дыбысы мен әрпі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

5 минут

Ертеңгілік шеңбері

Қол алысып, қәне, біз,

Достасайық бәріміз.

Айтарым бар сендерге,

Тез тұрыңдар шеңберге.

Қандай жақсы бір тұру,

Достарменен бір жүру!

Қандай жақсы дос болу!

– Балалар, бір-біріміздің қолымыздан ұстап, алақан арқылы жүректің жылуын сезініп үйренген қандай тамаша, қандай қуаныш!

- Балалар, біз өткен оқу іс - әрекетінде қандай дыбыспен таныстық?
-Ы дыбысымен

-Ол қандай дыбыс?

-Дауысты дыбысы

-Дысты дыбысты қандай белгімен белгілейді?

-Қызыл белгімен.

-Қандай сөздермен таныстық?

-Ыдыс, ырыс, сыр.

-Жарайсыңдар балалар, мен сендерге бір жұмбақ жасырғым келіп тұр

Жұмбақтың шешуін табамыз ба?
- иә
- Олай болса мұқият тыңдаңдар.
Мұртын сипап тілімен
Бетін сусыз жуады
Тышқанды аңдып түнімен
Көзі оттай жанады. (Мысық)
- Балалар, жұмбақтың шешуі не?
- Балалар ойланып жұмбақтың шешуін табады.
- Мысық
- Дұрыс балалар, мысық сөзі М дыбысынан басталып тұр.
Олай болса, бүгін біз «М» дыбысымен танысамыз.

- Мысықтың дауысын салайық?
- Мияу, мияу
-«Мияу» деген сөзде «М» дыбысы сөздің қай жағында келіп тұр?
- Басында
- «М» дыбысы қандай дыбыс?
- «М» дыбысын атайықшы, қалай айтылып тұр?
- М..., М..., М...
- Дұрыс балалар, созылмайды, кедергіге ұшырап барып айтылады.
- «М» дыбысынан келетін қандай сөздер бар екен?
- Мысық, маймыл, маса, мейіз, майлық, машина, маска, медаль
- Жарайсыңдар балалар, «мысық» сөзін буынға бөлейік. Мы - сық
- Неше буын бар?
- Екі буын бар.

Шаттық шебері

Сабақтың ортасы

8 минут

Жұмбақ шешу.
- Қане, балалар, кім жұмбақ біледі?
1.Түйе өркешін қарайық,
Ұқсайды оған қай әріп. (м)
2. «Майда» бар да, «шайда» жоқ,
«Менде» бар да, «сенде» жоқ. (м)

№1 Тыңдалым.

№2 Тыңдалым.

Таныстырылым, оқулықпен жұмыс

Сергіту сәті

1 минут

Оңға түзу тұр,

Солға түзу тұр.

Алға бір адым

Артқа бір адым.

Оңға бұрылып,

Солға үңіліп

Жоғары, төмен қарайық,

Орнымызды табайық.

Сергіту сәтіне арналған жинақ

Қызықты тапсырма

8 минут

Аяқталуы

16 минут

М әріпін жазуды үйренейік

«Сөз ойла, тез ойла» дидактикалық ойын

Ойын шарты; Допты лақтыру арқылы бүгінгі танысқан Мдыбысына байланысты сөздер тауып айту керек.

Оқулық, дәптерлер.

Сабақтың соңы

2 минут

Рефлексия

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Пәнаралық байланыс

Денсаулық және қауіпсіздік техникасының сақталуы
АКТ
Құндылықтармен байланыс (тәрбие)

Қолдау көрсету.

Қабілеті жоғары оқушылар айтылған сөздер мен сөйлемдердің көпшілігін дұрыс қайталай алады.

Оқушылар өздері жасаған бет-бейнелеріне қарап бір-біріне көңіл- күйлерін айтады. (қуанышты, көңілді, көңілсіз, ашулы)

Өнер, ана тілі сабағы

Оқушыларды бір-біріне деген құрмет көрсетуіне тәрбиелеу.