Махаббатқа толы жүрек

«Махаббатқа толы жүрек»

Махаббат — адам жанының асыл қасиеті, асқақ мұраты, риясыз, ынтық, нәзік сезімі. Махаббат деген екі қос ғашықтың, ана мен бала, отбасы, табиғатқа, арасындағы ұлы қасиет пен күштің бір бөлігі. Бұл қасиеттің адам өмірінде алатын орны бір бөлек десек те болады. Ал махаббатқа толы жүрек деген-сол бір адамның жүрегі тек қана махаббаттан жаралған деседі. Ол адамның жүрегі таза, ибалы, ойында (сана-сезімі) таза, жамандық ойламайтын адамды айтады. Яғни ол адам әрқашанда жақсылық жасауға тырысып, қол ұшын созып, тек қана жақсы нәрселерді істеп, өзінің ішкі сезімін білдіргісі келеді. Бұл жерде көмек көрсету ғана емес, екі қос ғашықтың арасындағы ұлы сезім мен қатар сол адамға деген риясыз сезімі.

Ал отбасы мен бала арасындағы сезімде махаббатқа толы болады. Ешқандай ата-ана өз баласын жек көрмейді бірақ, кейбір жағдайда ата-ана өз балаларын тастап кетіп жатқанда кейбір ата-ананың балаға деген сезімі сөніп жатады, ал бала керсінше өз ата-анасын сағынып, оны іздеумен өтеді.

Махаббатқа толы жүрек-барлық адамда бола бермейді. Себебі, ондай адамдардың бұл өмірде алатын орны үлкен болғандықтан 1/3 ғана махаббатқа толы болады. Мұндай адамдар барлық нәрсені кешіріп жүреді. Мейлі ол адал досың болсын не болмаса дұшпаның болсын кешіре салады. Себебі, оның жүрегі таза, барлығына деген сезімі бірдей және барлығын досындай көреді. Бірақ мұндай жақсылықты түсінбейтін адамдар да бар. Ал соны түсініп, қайтадан махабатпен қайтаратын, оған да сондай жылу көрсете білген адам ғана сондай ұлы күшті түсінеді және сезінеді.

Сонымен махаббат деген-ұлы сезім, күш, қасиет болғандықтан оның орны да,сана-сезімі де бөлек болады. Жүрегі махаббатқа толы адам әрқашан адал болады, ой таза және қорғап-қолпаштап, жаныңнан әрқашанда табылса міне осыны айтады. Бірақ мұндай ғасырда осындай адам мен дос болған адамдар біршама. Сол үшін оның қадірін біліп, саған деген көзқарасын түсіну қажет!

Ұлдана НУРАДИН

Алматы облысы

Қарасай ауданы

Шалқар орта мектебі

10 сынып оқушысы