МАМАНДЫҒЫМ - БОЛАШАҒЫМ

Арыстандай айбатты,

Жолбарыстай қайратты-

Қырандай күшті қанатты

Мен жастарға сенемін!

М. Жұмабаев

Жетісай ауданының білім бөліміне қарасты «Я.Есенбеков атындағы №59 жалпы білім беретін мектеп» коммуналдық мемлекеттік мекемесінде Біртұтас тәрбие бағдарламасы аясында, кәсіби бағдар беру маманы С.Тулегенованың ұйымдастыруымен «Қоғамға қызмет ету» айдарымен кездесу болып өтті.

Кездесудің мақсаты: мемлекеттік қызметтің маңыздылығын насихаттау, қоғамға адал қызмет етудің құндылығын түсіндіру және жастардың азаматтық ұстанымын нығайту мақсатында ұйымдастырылды. Мектебіміздің түлегі болған ҚР Мәдениет және ақпарат министрлігі, Жастар және отбасы істері комитетінің басқарма басшысы, ҚР Президенті Жанындағы Мемлекеттік Басқару Академиясының «Бизнес және Басқару» мамандығының магистрі Тастемір Ақұлан Өсерұлы қонаққа келді. Тастемір Ақұлан – өз тәжірибесімен бөлісіп, мемлекеттік қызметтің міндеттері мен қоғамға тигізер пайдасы туралы терең түсінік береді. 9, 10, 11 сынып оқушыларына тәлім тәрбиемен қоса, кәсіби бағдар алуға кеңес беріп, өз мамандықтарының қыр - сыры жайлы ақпаратпен бөлісті. Оқушылардың көкейінде жүрген сұрақтарын қойып, өздерін қызықтырған тақырыптар төңірегінде сұхбат жүргізілді. Сұхбат барысында адамдардың жеңіске жетіп, шыңға шығуы өзінің қолында! Тек дұрыс бағыт, бағдар алуы қажет екендігін айтып өтті. Оқушыларға бірнеше кеңестер айтты. Олар:

 сапалы білім алу:

 тағылымды тәрбие алу

 мамандық таңдаудан жаңылмау керектігін айтты.

Сондай ақ өмірде дұрыс мамандық таңдау үшін оның арғы жағында үлкен еңбек пен ізденіс керек екеніндігін айта кетті. Кездесу барысында жастарға білім мен тәрбиенің барлық деңгейінде құқықтық сауаттандыруды арттыру, өскелең жас ұрпақтың бойында адалдық, парасаттылық, әділдік, сенім құндылықтарын сіңіруге жас буынның рухани болмысын бекітудегі маңызды құндылықтар айтылды. Сонымен қатар,ө әлеуметтің әлеуетін көтеру, жастарды жұмыспен қамту бағытында да бірқатар бағыт бағдар түсіндірілді. Кез-келген саналы баланы «Мен өскенде кім боламын?» - деген сұрақ әрдайым мазалауы қажет. Әрине таңдау жасау оңай емес екенін білемін. Абай атамыз айтқандай, «Сен де- бір кірпіш дүниеге,тетігін тапта бар қалан!». Сондықтан мамандық таңдаудан жаңылмай, өмірдің бір кірпіші болып қалану әрбір жастың негізгі мақсаты болу керек. Біз жастарға жан жақты қолдау көрсетіп, жігері мен құлшынысын дұрыс арнаға бағыттай білсек, Қазақстан әлемінің алдыңғы қатарлы еліне айналып, әділетті қоғам орнайтыны сөзсіз. Ол үшін бүгінгі жастарымыз Мемлекет басшысы айтқандай, ең жақсы қасиеттерді бойына сіңіру қажет. Яғни, отаншыл, білімпаз, еңбекқор, әділ әрі жанашыр болуы тиіс деп өз сөзін аяқтады.