Эссе

Мамандығым – мақтанышым

Тамаша күн! Бүгін мен тағы өз жұмысыма келемін. Соңғы кездері мен таңертең жақсы көңіл күймен оянамын, өзімді бақытты сезінемін. Себебі мен күндегі жұмыс орныма көтеріңкі көңіл-күймен баруға тырысамын… Күнім өте жақсы өтетініне сенемін. Міне, мен өзімнің сүйікті жұмысыма келдім… Мен өз тағдырыма ризамын, өзімнің сүйікті жұмысым үшін, психолог мамандығын таңдағаным үшін қуанамын. Ең бастысы – балабақшаны тек оқу – тәрбие ошағы деп санамай, баланы түсінетін, әрдайым көмек қолын созатын әлем деп сезіну. Осындай мейірім мен сүйіспеншіліктің аймағы – біздің «Балапан» балабақшасы.

Таңғы ұйқыдан тұрам да

Асығамын өзіңе.

Мені күтіп тұрасың

Балабақша «Балапан»

Ақ жүрегің езіле.

Сапалы да саналы

Қайтсем тәлім берем деп

Балабақшама ертемен

Асыға мен жетемін.

Балбөбек болу қиын ба?!

Түсінген мұны балғынға

Көмек беру парызым

Сүрінбеу үшін бұл жолда.

Ойшыл, ұтқыр, білімді

Болсыншы деп балалар

Ізденумен жүретін

Мамандардың бірімін.

Кел, балалар, бақшаға

Естимісің үнімді?

Ойын ойнап, кітап оқып

Үйретейін білімді!

Білуге бәрін құмар тым

Сұрақтары көп болатын

Ойландырып мені әркез

Қинап – қинап қоятын

Әр сұраққа мән беріп

Жауап берем ізденіп

Дайындаймын мектепке

Бүлдіршін ұл мен қыздары

Қисынды ойлап білуге

Доспен тату ойнауды

Үйретемін келешекте

Тәрбиелі болуды

Бүлдішендер кешегі

Сурет салып, әңгімелетіп

Жаттықтырдым қолдарын.

Қажет менің көмегім

Тәрбиешіге әрдайым.

Бірге болып баламен

Ойын, ойнап шаттана

Қызық күндер өткізем.

Бала бақша бағында

Бағбаны мен баланың

Жан дүниесін түсінген

Тәй – тәй басқан өмірге

Қадамын оң түзеген.

Ата – аналар көңілді,

Олар – жомарт, еңселі

Әрдайымда қасымда

Қызметімнің үлкен бір бөлшегі

Ата – анаға кеңестер

Жасақтаймын топтарға

Дөңгелек үстел өткізіп

Сауалнама жүргізем.

Оларға арнап семинар

Кеңестеріне шақырамын.

«Адам жанын түсіне білу, оны зерттей білу – үлкен өнер» дейді психолог З.Фрейд. «Мен бір жұмбақ адаммын, оны да ойла»- деп ұлы Абай атамыз айтқандай әрбір тұлға – жұмбақ. Сол жұмбақтың шешуін тауып, жүрек кілтін аша білу, әрбір жүректің құпия сырын оқи білу мен қалаған мамандықтың ғажайып тылсым сыры. Психолог маман аса сезімтал, ерекше жанашыр, мықты, шыдамды болу арқылы өз зерттеушісінің сырына бойлай алады. Жантанушы ретінде толық адамға айналар тұлғаға жол көрсетер жан болғаныма қуанамын. Сондықтан мен өз мамандығымның қоғамға қажеттілігін сезіне отырып, ерекше жақсы көремін және осы жолда барлық ерік – жігерімді сарп етуге әзіірмін.