Бала ата-ана айнасы

(ата-аналарға арналған тренинг)

Тренинг мақсаты: ата-ана мен бала қарым-қатынасын жақсарту.Баланың қабілеті мен қызығушылығына,бейімділігіне көңіл бөлу,қолдау көрсету.Сенімділіктерін арттыру

Тренинг ережесі:

1.Сөзді бөлмеу

2.Бір-біріне кедергі жасамау

3.Бірігіп жұмыс жасау

4.Күлімсіреу

Барысы:

Кіріспе сөз: Құрметті ата-аналар,бүгінгі тренинг сабағымызға қатысып пікірлесіп,бала мен ата-ананың арасындағы қарым-қатынасты нығайтайық деген оймен бүгінгі тренингті өткізіп отырмыз.Қош келдіңіздер!

1.«Танысу» жаттығуы

Қатысушыларға әртүрлі түсті конфеттер беріледі.Қатысушылар ұнаған түстерін алып,өз есімдерін атап,конфет ішіндегі түстер мағынасына байланысты өзін қысқаша сипаттайды. Талдау: жаттығу ұнады ма? Бір-бірлеріңіздің есімдеріңізді жаттап үлгердіңіз бе? Көңіл-күйлеріңіз қалай?

2.«Кедергілер» жаттығуы

Нұсқау: Ата-аналар ортаға шеңбер жасап,қолдарын ұстап,дөңгелене тұрады.Шығыршықты (дөңгелекті) бүкіл денесінен айналдырып,кезектесіп өткізіп шығады.Бір,екі рет қайталайды. Өмірде де ата-ана жүріп өткен жолмен балалар да жүріп өтеді.Қаншалықты біз балаларымыздың кедергілер мен қиындықтарға жолықпауын қаласақ та,баланың әр кезеңінде өз қиындықтары болады.Балалар осы уақытқа дейін ата-анасына айтпаған қиындықтарды өтірік-шыны аралстырып айтады.Ата-ана қайсысы жалған,қайсысы шын екенін танып білу керек.Бұл жағдайда балаға бірден ұрыспай,ол неден туындады,шешімін табу үшін мақал-мәтел,нақыл сөздерді еске түсіріп айту керек.

Талдау:Жаттығуда өзіңізді қалай сезіндіңіз?Қай айналым Сізге қиын соқты? Қандай ой түйдіңіз?

3. «Саусақтағы санды тез айт»

Нұсқау: ата-аналар арқаларын сүйеп,теріс қарап тұрады.Бір,екі,үш деп белгі берген кезде, тез бұрылып,саусақтарымен санды көрсету керек.Қолда көрсеткен саусақтағы санды тез айту,санды ажырату. Баланы талпындырып,жігерлендіреді.Өкпе мен ренішті босатады.

Талдау:Кім бірінші болып айтты,санды таныдыңыз ба? Көріп тез айту ма,ойға келген санды айту ма? Қиындық болды ма?

4. «Мен саған сенемін!»

Нұсқау:үстел үстіне ыдыс қойылады,бірінші ата-аналар бастайды.Шариктерді қолдағы таяқшаның көмегімен,бірлесіп,екі қолға ұстап ыдысқа түсіру керек.Екінші айналымда,тек бір таяқшаның көмегімен қайталау керек.

Талдау: Осы жерде балалармен жасағанда қандай күйде болар едіңіздер?

Өз эмоцияларыңызбен бөлісесіз бе?

Қорытынды: Бала тәрбиесінде Басты тұлға екеніміз,әр қашан бала өз ата-анасына қарап бой түзеп,отбасындағы үлгі-өнегені бойына сіңіретінін осы жаттығулар арқылы да байқап,өз бойымыздан өткізіп көріп жатырмыз.Бүгінгі тренингтен не алдыңыз? Алда осындай тренингтерге қатысар ма едіңіздер?

Әр дайым бала жүрегінен орын тауып,қолдап,сенімін,сезімін бағалай білейік!