Ашық тәрбие сағаты

«Мамандық таңдау - менің болашағымның таңдауы»

Күні

09.12.2024ж

Сынып жетекші:

Саудабаева Нурила Акжолкызы

Сынып: 11

Қатысушылар саны:

Қатыспағандар саны:

Сабақтың тақырыбы: Эпиграфтар

«Мамандық таңдау - менің болашағымның таңдауы»

Мамандықтың жаманы жоқ, бірақ оның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе. (Ж.Аймауытов)

Қауіпсіздік сабағы (10 минут)

«Қауіпсіз еңбек жағдайларын қалай қамтамасыз ету керек?»

Сабақтың мақсаты:

Оқушыларға болашақ мамандық және оқу бағдарын таңдауда көмектесу; таңдаған мамандығының өз бейімділігі мен қабілетіне сәйкес келуін нақтылау; өз - өзін танудың жалпы әзірлігін қалыптастыру.

Міндеті:Мамандық таңдаудың негізгі шарттарын таныту.

Мамандық таңдауда оң шешім қабылдауға, еңбек қуанышын сезінуге, өзінің бойындағы қасиетін тануға жетелеу.

Еңбекқорлыққа, еңбекті қадірлей білуге, табысты болуға тәрбиелеу.

Қауіпсіздік мақсаты

Қауіпсіз еңбек туралы ақпарат беру, оны қамтамасыз ету жолдарымен таныстыру.

Қауіпсіздік міндеті

Жұмыскер мен жұмыс беруші арасындағы еңбек шартын талқылау;

Жұмыскердің құқы мен міндеттері туралы Еңбек кодексіне тоқталу;

Еңбек қауіпсіздігі тұрғысында жұмыскерге жүктелген талаппен таныстыру.

Құндылықтарды дарыту

Еңбекқорлық және кәсіби біліктілік

Музыкалық және бейне көркемдеу

интерактивті тақта, слайд, презентация

Дайындыққа арналған әдебиет

Интернет материалдары

мақал – мәтелдер жазылған плакаттар

Апта дәйек сөзі

Ынтымақ жүрген жерде ырыс бірге жүреді

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Ұйымдастыру кезеңі

(5 мин)

Ұйымдастыру кезеңі. Мұғалім сәлемдеседі,оқушыларды түгендейді.

Кіріспе.

Эпиграф: Мамандықтың жаманы жоқ, бірақ оның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе.

(Ж.Аймауытов)

Мамандық таңдау- бұл әр адамның өміріндегі маңызды кезең. Бұл шешім болашақтағы кәсіби жетістіктер мен жеке даму үшін негіз қалайды.

Сондықтан, дұрыс таңдау жасау үшін зерттеу жәнеталдау қажет.Әлемде 40 мыңға жуық әр түрлі мамандықтар бар. Статисттердің зерттеуі бойынша жыл сайын 25 млн. адам өзінің жұмыс орнын ауыстырып, оның 12℅ -ы қайтадан өз орнына қайтып оралады екен.

«Мамандық - дегеніміз не?» Қоғамға, адамдарға пайдасын тигізетін мамандықтарды қалай таңдауға болады? Осы және тағы басқа мәселелер туралы бүгін ой бөлісеміз. Мамандық - қарапайым өмір сүру көзі болып табылатын және қандайда бір дайындықты, жауапкершілікті талап ететін еңбек қызметінің маңызды бөлігі.

Оқушылар мұғаліммен амандасады,

түгенделеді, мектеп партасындағы қатарлары бойынша  орындарына отырады.

Компьютер

Сабақтың басы (5 мин)

Қауіпсіздік сабағы (10 минут)

Ойланайық, пікірлесейік.

Мамандық дегеніміз не? Оқушылардың пікірлері сұралады.

- Біздің болашағымыз – біздің мамандығымызда; адамның болашаққа апаратын жолы; адамның алдағы уақытқа қойған мақсатының бірі; мамандық бойынша адам жұмыс істейді; оқуды бітіргеннен кейін таңдайтын мамандық;ол белгілі бір кәсіпке ие болу бейіндігі, ұнату, таңдау, арманыңды іске асыру; мамандық сөзі ол жұмыспен сипатталады;келешекке қойған жоспары, мамандығын ойдағыдай бітірсе, игерсе сол адам жаны қалаған қабілеті бар кәсіпкерлік жұмыспен айналысады.

Мамандықтың қауіпсіздігі және еңбекті қорғау талаптары қандай?

Сабақтың барысы.

1. Кіріспе (2 мин): Қауіпсіз еңбек жағдайлары – адамның негізгі құқықтарының бірі және «Қауіпсіз еңбек» ұғымының ажырамас бөлігі. Халықаралық еңбек ұйымы еңбекті қорғауды, еңбек стандарттарын, әлеуметтік диалогты, қызметкерлердің осал санаттарын әлеуметтік қорғауды дамыта отырып, лайықты еңбек қағидаттарын қалыптастырады. Еңбек қауіпсіздігі және еңбекті қорғау талаптарын орындамау кәсіпорындардың экономикалық әл-ауқатына нұқсан келтіреді, оның тұрақты даму стратегиясына және жалпы алғанда ел экономикасына кері әсер етеді.

2.Негізгі бөлім (6 мин):

Еңбек қауіпсіздігі – еңбек қызметі процесінде жұмыскерлерге зиянды және (немесе) қауіпті өндірістік факторлардың әсерін болғызбайтын іс-шаралар кешенімен қамтамасыз етілген, жұмыскерлердің қорғалуының жай-күйі. Кәсіпорындағы еңбек қауіпсіздігі және еңбекті қорғау жағдайлары ҚР Еңбек Кодексімен реттеледі.

Еңбек қауіпсіздігін қамтамасыз етудің негізгі принциптері:

• қауіп көздерін жою немесе шектеу, жабдықты жаңарту;

• технологиялық процестерді, жеке және ұжымдық қорғаныс құралдарын жетілдіру.

Еңбекті қорғау – құқықтық, әлеуметтік-экономикалық, ұйымдастырушылық-техникалық, санитариялық-эпидемиологиялық, емдеу-профилактикалық, оңалту және өзге де іс-шаралар мен құралдарды қамтитын, еңбек қызметі процесінде жұмыскерлердің өмірі мен денсаулығының қауіпсіздігін қамтамасыз ету жүйесі.

Еңбек шартын жасасқан кезде жұмыскер өз еңбек функциясын қандай еңбек жағдайында атқаратыны және бұл жұмыс оның денсаулығына, өміріне қандай зиян тигізетіні туралы толық мәлімет алып, жұмыс орнында қауіпсіздік талаптарына қатысты жүргізілген аттестация қорытындысымен толық танысуға құқылы.

Жұмыскер мен жұмыс беруші еңбек шартын жасасқан кезде екі тарап та өзара келісу негізіндегі әдісті қолдана алады. Жұмыс беруші нақты өз талаптарына сәйкес келетін жұмыскерді қабылдауға құқылы, ал жұмыскер көрсеткен қызметі үшін өзіне тиімді еңбекақы төлеуді талап етуге құқылы. Жұмыскердің құқықтары мен міндеттері Еңбек кодесінің 22 бабында ескерілген. Еңбек қатынастарына түскен әр адам осы заңды мұқият оқып шықса, өзіне жақсы.

3.Қорытынды. Сабақты қорытындылау, еңбек тақырыбына мақал- мәтелдер айту.

Оқушылар ойын анық жеткізеді

Оқушылар сұрақтарға жауап береді

Оқушылар өз ойларын айтады

презентация

Тірек сөздер:

Кәсіп, Сүйікті іс, Шығармашылық, Қызығушылық, Еңбек көзі

Ортасы (20 мин)

Мамандықтың маңызы неде? Мамандық таңдауда қателеспеу үшін не істейміз? Ең маңызды мамандық таңдауын дұрыс жасағаныңызға сенімдісіз бе? Мүмкін жан дүниеңізге жат жұмыс істеп жүрген боларсыз? Мұндай болмас үшін өзіңізді жақсылап танып алғаныңыз абзал. 1978 жылы америкалық психолог Сьюзен Деллинджер жасаған мына психологиялық тестке назар салыңыз. Бұл бес геометриялық фигураның негізінде жасалған, сіз тек өз болмысыңызды ашатын біреуін таңдауыңыз керек.  «Сізге қай мамандық лайық?» тестін жүргізейік

Оқушылардың пікірі тыңдалады

Оқушылар тестке жауап береді

Презентация

Слайд

Сурет

Соңы 5 мин

Әңгімелесу - Адам өз мамандығын таңдаған кезде, нені басшылыққа алу керек деп ойлайсыңдар? - жақсы маман болуы үшін адам нені білуі және нені үйренуі қажет? - Сен қандай маман болуды армандайсың? Неліктен? - Адам өзін белгілі бір мамандыққа қашан, қалай дайындауы керек деп ойлайсыңдар? - Адам бірнеше мамандықты меңгерсе, оның өмірі қандай болады деп ойлайсыңдар? - Қай уақытта адам өз еңбегінің жемісін көре алады?

Оқушылар топпен жауап береді

презентация