Мамандық таңдау -маңызды мәселе

Мамандық таңдау – маңызды мәселе

Адам баласы өмірде екі нәрсені таңдауда қателеспеуі керек болса, соның бірі мамандық екені көпке аян. Мамандық таңдау – мына жаһандану заманында қоғамда қызу талқыға түсіп жүрген өте өзекті тақырыптардың бірі.

Мамандық таңдау үлкен жауапкершілік. Мамандық таңдауда үш нәрсеге баса назар аударғанымыз дұрыс. Олар: қызығушылық, қалау, қабілет. Егер таңдау барысында осы үш дүние бір жерде тоғысқан болса – бағыңыздың жанғаны.

Мамандық таңдау.Ұстаздыққа қатты қызығатынмын,мектепте өлең жазып ,орыс тілі мен әдебиет пәндерін жақсы көретінмін.

Алайда ата-анамның қалауымен орта мектепті аяқтап ,медициналық білім алып басқа бағытқа бет алдым.

Жылдар өте есейіп ,отбасын құрып ,осы мектепке дейінгі білім беру және тәрбиелеу саласына келіп,еңбек етудемін.

Өз мамандығына деген сүйіспеншілік қана адамды абырой биігіне жетелесе керек. Жалпы, ұстаздық ең қадірлі де қасиетті мамандық. Себебі, ұстаз – қоғамды алға сүйрейтін озық ойлы адамның тәрбиешісі. Жаңалықты жатсынбай қабылдайтын, тәрбиелунішісінің жанына нұр құйып, өмірге өзі де бақытты болып, өзгелерді де бақытқа жеткізсем деп жүретін ұстаздардың жөні де,  жолы да бөлек. Менің ұстаздық жолда ұстанатын ұстанымым: «Ақыл - адамды аздырмайтын ем,   білім - таусылмайтын кен,   Адамның басшысы - ақыл, жетекшісі -талап, шолғыншысы - ой, жолдасы - кәсіп,  қорғаны - сабыр,   қорғаушысы - мінез». «Тәрбиесіз берілген білім -адамзаттың хас жауы»

Жыл сайын тобыма жанарлары мөлдіреп ,бейкүнә жеткіншіктер келеді ,олар әлжуаз,пысық,ұшқыр,жалқау т.б

Ұлттық сапаның өсіп, мәдени және рухани дәстүрлердің, тілдің қайта жаңғырған кезінде тәрбиенушілерімнің өз халқының рухани құндылықтарымен, ұлттық мәдениетімен, салт-дәстүрімен түбегейлі, неғұрлым терең таныстыру қажеттілігі туралы, яғни өткен мен бүгіннің және келешектің арасындағы рухани байланыс біріктіруші элемент болуы тиіс, бұларды жеткізуші-білім беру, тәрбиешілер , дәстүрлер.

“Тәрбиесіз берілген білім адамзаттың қас жауы, келешекте оның өміріне опат әкеледі, адамға ең бірінші керегі тәрбие”-деп әл-Фараби айтқандай, тәрбие-жеке тұлғаның қалыптасуының ең басты факторы. Тәрбие мәселесі тұлғаның қалыптасу барысын сипаттайтын педагогика ғылымдарының көкейкесті мәселесінің бірі.

Мен педагог ретінде оларды тәрбиелеп,мәпелеп,қателіктерін байқап ,еңбектеніп ,ұзақ қызықты да -күрделі жұмыс жасаймын.

Нәтижесінде балапандарымыздың қанаттары қатайып ,есейіп,ой өрістері кеңейіп ,жаңа үлкен -білім алу жолына бет алады,мектеп алды тобына өтеді.

        Қорыта айтқанда, тәрбиенің үш бұлағы бір арнаға құйылса, онда оның суы да мөлдір, тұнық болмақ. Сондықтан «өз бақытың - өз қолыңда» - демекші жарқын болашаққа жол табу  өз еншіңде,баланың өз «Мен» тұлғасын қалыптастырып ,мектепке дайындап, қабілеттерін ашу -менің міндетім.

Абай атамыздың тамаша сөзімен мысал келтіріп аяқтасам «Сен де бір кірпіш дүниеге тетігін тапта бар қалаң» -дер едім тәрбиенушілеріме.