"Мамандық таңдау – маңызды іс"

Мақсаты:

Оқушыларға әртүрлі мамандықтар туралы түсінік беру.

Мамандық таңдауда бағыт-бағдар беру.

Қонақ мамандардың тәжірибелерімен бөлісу.

І. Кіріспе бөлім

Жүргізуші:

– Құрметті қонақтар, ұстаздар және оқушылар! Бүгін біз сіздермен "Мамандық таңдау – болашаққа қадам" атты кездесуде бас қосып отырмыз. Бұл шараның мақсаты – сіздерге болашақ мамандықты дұрыс таңдап, өзіңізге лайықты бағыт-бағдар алу жолында көмектесу.

Ендігі сөз кезегін мектебіміздің директоры Мусаханова Ұлбала Ермаханқызына береміз.

– Қадірлі оқушылар, өмірдегі ең маңызды таңдау – болашақ мамандық. Біз бүгінгі кездесуде сіздерге пайдалы ақпарат ұсынуға тырысамыз.

(Қонақтарды таныстыру)

– Бүгінгі кездесуге түрлі саладағы мамандар қатысып отыр:

1. Рысбеков Қаныбек Құрманбекұлы

2. Асанова Дидар Нурдинқызы

3. Сталинбеков Ислам Сабырбекұлы

4. Әбдреим Сұлтанғали Темірұлы

ІІ. Негізгі бөлім

1. "Мамандық әлеміне саяхат"

Қонақтар өз мамандықтары туралы қысқаша баяндама жасайды.

1. Мамандықтың ерекшеліктері.

2. Білім алу жолдары.

3. Кәсіби дағдылар.

4. Қызықты оқиғалар мен тәжірибе.

2. "Сұрақ-жауап сессиясы"

Оқушылар қонақтарға сұрақ қояды (мамандықтың табысы, қиындықтары, болашағы туралы).

1. Осы салада жұмыс істеудің ең үлкен артықшылықтары қандай?

2. Мансап жолында қандай қиындықтарға тап болдыңыз?

3. Қазіргі таңда сұранысқа ие дағдылар қандай?

4. Жаңадан жұмысқа орналасқан маманға қандай кеңес берер едіңіз?

5. Осы салада табысты болу үшін қандай білім қажет?

6. Университетте алған білім жұмыс барысында қаншалықты көмектесті?

7. Тәжірибеңізді қалай жетілдіресіз? (курстар, тренингтер, өздік оқу)

8. Болашақта қандай мамандықтар сұранысқа ие болады деп ойлайсыз?

9. Сіздің салаңызда цифрландыру қандай рөл атқарады?

10. Жұмыс пен жеке өмірдің тепе-теңдігін қалай ұстайсыз?

11. Егер қайтадан таңдауға мүмкіндік болса, осы мамандықты қайтадан таңдар ма едіңіз?

12. Сіздің жетістіктеріңізге не әсер етті деп ойлайсыз?

ІІІ. Қорытынды бөлім

Жүргізуші:

– Құрметті қонақтар, сіздерге алғысымызды білдіреміз! Бүгінгі шара оқушыларға болашақ мамандықтарын таңдау жолында көмектеседі деп сенеміз. Әл-Фарабидің сөзімен аяқтағым кеп отыр:

" Ісім оңсын десеңіз,

Сол істің маманы болыңыз.

Даңқым шықсын десеңіз,

Көпшіліктің адамы болыңыз". Әрдайым ұлттық құндылықты дәріптеп, асқақтата беріңіздер деп қорытындылады.