"Мамандық таңдау" студенттермен кездесу сценарийі

Күні:

Сыныбы: 11

Тақырыбы: «Мамандықты дұрыс таңдау – табысты өмірдің кілті»

Мақсаты: оқушыларға мамандық таңдау, олардың әдістері туралы білімдерін, түсініктерін кеңейте отырып, мамандықтарға деген ынта-ықыласын, қызығушылықтарын арттыру.

Өткізу формасы: кездесу

Қатысушылар: 10,11-сынып оқушылары

Жүргізуші: Келманова Гүлназ (11 «Б» сынып оқушысы)

Барысы:

І. Кіріспе (қонақтар таныстырылады)

ІІ. Мамандықтар классификациясы (мамандық таңдауға байланысты кеңестер)

ІІІ. Қазіргі заманның тапшы мамандықтары (қонақтарға сөз)

ІҮ. «Болашаққа - Серпінмен» («Серпін – 2050 бағдарламасымен таныстыру»)

Ү. «Мен және фигура» психогеометриялық жаттығу

ҮІ. Қорытынды.

Кіріспе.

Әлемде 40000-ға жуық әртүрлі мамандықтар бар. Статисттердің зерттеуі бойынша жыл сайын 20 млн адам өзінің жұмыс орнын ауыстырып, оның 12% қайтадан өз орнына қайтып оралады екен. Бұдан мамандықты таңдауда әр маман қателесіпті деуге бола ма?

«Мамандық дегеніміз не?» Қоғамға адамдардың пайдасын тигізетін мамандықтарды қалай таңдауға болады? Осы және басқа да мәселелер туралы ой бөліссек.

Мамандық – қарапайым өмір сүру көзі болып табылатын және де қандай да бір дайындықты, жауапкершілікті қажет ететін еңбек қызметінің маңызды бөлігі.