ТУКТИБАЕВА АКЕРКЕ САГИНГАЛИЕВНА

Түркістан облысы Төлеби ауданы Аққұм ауылы «Қалампыр ана» бөбекжай-балабақшасының тәрбиешісі санаты педагог-модератор Тақырыбы: «Мамандықтар әлемі»

_________________________________________________________

«МАМАНДЫҚТАР ӘЛЕМІ»

Мақсаты: Әр түрлі мамандық түрлері туралы түсінік беру. Мамандық иелерінің қызметі және олардың еңбегімен таныстыра отырып, олардың маңыздылығы туралы білім беру. Әр түрлі мамандық түрлеріне қызығушылығын тудыру және еңбек адамдарына құрмет сезіммен қарауға тәрбиелеу.

Қажетті құрал–жабдықтар мен көрнекіліктер: Мамандық иелерінің суреттері, құрал–жабдықтары.

Іс-әрекет барысы:

Тәрбиеші: Семинарға келген қонақтармен сәлемдесті.

Тақырыпты атап өтті.

Шаттық шеңбері:

Тәрбиеші: Балалар сендер балабақшаға қай уақытта келесіңдер?

Балалар: Таңда

Тәрбиеші: Дұрыс айтасыңдар! Міне тағыда таң атып күн шықты.

 -  Қайырлы таң көздерім! Қайырлы таң құлақтарым! Қайырлы таң қолдарым! Қайырлы таң аяқтарым!  Сендер ояндыңдар ма? Иә біз ояндық!

-  Көздерім көріп тұр

-  Құлақтарым естіп тұр

-  Қолдарым қол соғып

-  Аяқтарым топылдатты. Біз ояндық!  Жарайсыңдар балалар!

 Ендеше бүгінгі бізге келген қонақтармен амандасайық.

 Мейірімді жүрекпен

Ақ ниетті пейілмен

Амандасып алайық

Бір жадырап қалайық

Көк аспандан күн тұрсын

Бірге тұрсын бір күлсін

Құтты қонақ келіпті

Төрімізге еніпті

Амандасу үлкенге

Тәрбиенің басы ғой

Ал қанекей әріміз

Сәлем дейік үлкенге

Сәлеметсізбе апайлар!

Ақ жол болсын

Ақ мол болсын

Деніміз сау болсын

Ата-анамыз аман болсын!

Туымыз биік болсын – деп бүгінгі іс-әрекетімізді бастаймыз.

Ұйымдастыру кезеңі:Өткен іс-әрекетін қайталаймыз.

 Суретпен жұмыс. Сурет бойынша әңгімелесу.

Тәрбиеші: Балалар бір жылда неше мезезгіл бар?

Омар: қыс,көктем, жаз, күз

Тәрбиеші: қазір бізде қандай мезгіл?

Нұғман: Қыс мезгілі

Тәрбиеші: Қыс мезгілінде неше ай бар?

Алихан: Желтоқсан, Қаңтар, Ақпан

Тәрбиеші: Қыс мезгілінде ауа-райы қандай болады?

Балалар: жалпы іс әрекетпен жауап береді.

Ал енді балалар өткен іс-әрекет бойынша өткен әріптермен

ребусті шешеміз. Әріпке ай сөзін қосып сөз құрайды

С с-ай

Л л-ай

Т т-ай

Б б-ай

Ш ш-ай

М м-ай

Тәрбиеші:

Тәуелсіз мына заманда,
Сұраныс көп маманға.
Нағыз маман пайдалы,
Мемлекет, қоғам, адамға – деп бүгінгі

Бұл аспаз. Аспаз – ең басты мамандықтың бірі.

Безендіріп үстелді,

Тәтті тамақ пісірер.

Аспаз дәмді тамақтың қаншама түрін пісіреді.

Бұл құрлысшы. Зәулім үйлерді, біздің балабақшамызды салған кісілерді құрылысшылар дейміз.

Бұл дәрігер. Дәрігер адамдарды емдейді, дәрі беріп, укол салып жазады.

Бұл тігінші. Тігінші адамдарға әдімі етіп киім тігіп береді сондықтан біз үнемі әдемі болып жүреміз.

Бұл мұғалім. Мұғалім бізге білім береді. Ол үлкен маман иесі болуымызға көмектеседі.

Бұл адамдардың барлығын бір сөзбен айтқанда «мамандық иелері» дейміз. Бұл мамандықты меңгеру үщін көп оқуды, көп ізденуді, қажымас қайратты, көп еңбекті талап етеді. Мамандық иесі болып шығу үшін арнайы оқу орындарында дайындалып оқытады. Сонда ғана өзің қалаған мамандық иесі болып шыға аласыңдар.

Дидактикалық ойын: «Кім жылдам»

Жерде жатқан кірпіштер үстіне сандар жапыстырылған . Сол кірпіштермен есеп арқылы жауабын айтып үй соғады.

Үстел үстіне түрлі мамандық иелеріне қажетті құралдарды қойып, төрт баланы шығарамын, төрт баланы төрт түрлі мамандық иесіне бөлемін, ойын шартын түсіндіремін. Төрт бала өзіне қажетті құралдарды тез – тез бөліп алады. Алған құралдарымен не істеуге болтындығын айтады және өскенде сол маман иесі болғысы келетіндігін айтады. (шаштараз, дәрігер, мұғалім,  аспаз)

Сергіту сәті: 

Видео арқылы орындайды.

Балалар қалаған мамандықты таңдап үстел үстіненде тұрған материялдармен шығармашылық жұмыс жасады.

Қорытынды: Дидактикалық ойын: «Ойлан тап»

АКТ арқылы маман иелерінің керекті заттары көрсетілді.

Ойын шарты әр мамандықтың қызметіне сай анықтау.

Сұрақ – жауап:

- Сонымен балалар қандай маман иесі болсын ол адамның еңбегін балай білу керек екен. Ол мейлі бастық болсын, мейлі қарапайым шаруа иесі болсын ол адамның еңбегін бағалай білу керек. Осыны еш ұмытпаңдар.  

Балалар сендерге бүгінгі оқу іс-әрекетіміз ұнады ма?

- Не білдік, не үйрендік?

Бүгін бәрің жақсы қатыстыңдар, рахмет сендерге.

Ал енді біз қонақтарымызды шығарып салайық.

Күтілетін нәтиже:

Нені білуі керек:  Балалар мамандық түрлерін білуі, қажетті құралдарын атай білуі керек.

Нені игереді: Суретке қарап әңгіме құруды меңгереді.

Нені білді: Үлкендердің, мамандық иелерінің еңбегін бағалай біледі.