"Мәңгілік ел-мәңгілік тарих"

10-20 желтоқсан аралығында Кемелұлы жалпы орта мектебінде өткізілген «Мәңгілік Ел-мәңгілік тарих» атты тарих апталығының мәліметі

Оқу жылының басында құрылған жоспарға сәйкес тарих он күндігі 10—20 желтоқсан аралығында өтті.Оған 5-11 сынып оқушылары мен сынып жетекшілері алдын ала құлағдар болып,іс-шараның өтуіне өз үлестерін қосты.Аталған он күндікке төмендегіше жоспар құрылып, жұмыстар атқарылды

10.12.18 күні апталықтың алғашқы күні барлық оқушыларға іс-шара жоспары тарихи қойылым қойылу арқылы таныстырылып, ашылу рәсімі салтанатты түрде өткізілді.10 сынып оқушылары қазақ хандарының бейнесін бейнелеп, өткен ғасырларға шолу жасады.

11.12.18 күні «Мәңгілік Ел-мәңгілік тарих» тақырыбына сай қабырға газеттерін,лэпбук,бүктеме,сөзжұмбақ, ребус сияқты тапсырмалармен жұмыс жасады.Оқушы шығармышылықтарын тарих пәні мұғалімдері саралап бағалады.

12.12.18 күні М. Маманов «Ұлы даланың жеті қыры» атты Елбасы мақаласымен 8-11 сынып оқушылары арасында талқылау жұмысын жүгізіді. Оқушы ой пікірімен бөлісті. Осы күні сабақтан тыс «Тарихыммен шыңдалам» тақырыбында Ордабаева Еңлік 5-6 сыныптар аралығында танымдық сайыс өткізді.Бұл топтық сайыста алғашқы түркі кезеңдерінен бірнеше турға бөлінген тақырыптық тапсырмаларды оқушылар жарыса орындады.Нәтижесінде 6 а сыныбынан құралған «Алтын адам» тобы жеңіске жетіп мақтау қағазымен марапатталды.

13.12.18 күні «Жанымыз желтоқсаншылармен бірге» атты Р.Аймағанбетова және Л. Тәшкеева апайлармен кездесу кеші ұйымдастырылды.Алдын ала желтоқсан оқиғасына қатысты видео роликтер дайындалып көрсетілді. Л. Тәшкеева сол кездегі оқиғаның көз алдында қалай өткені, бұл қасіреттің тарихта алатын орны жайында тебірене еске түсріп, оқушыларға тәуелсіздіктің, еркіндіктің қадірін білу қажеттілігін айтып өтті.

14.12.18 күні «Өткен тарих бүгінгінің көзімен» атты тақырыпта әр сынып тарих пәні мұғалімдері берген тақырыптар бойынша кесенелердің кішірейтілген үлгісін жасап, сол кесене тарихымен таныстырды.Үздік деп танылған 7 а сынып оқушыларының жұмысы (Айша бибі кесенесі) марапаталды.

19.12.18 күні М. Ахметова «Қазіргі заманның құндылықтары неде?» тақырыбында 10 сынып оқушылары мен дөңгелек үстел өткізді.Оқушылар өз пікірлерімен бөлісті.10 сынып оқушысы Қ. Тәңірбереген ұшқыр ойымен, сөз саптауымен көзге түсіп үздік сарапшы атауымен мараппаталды.

20.12.18 күні «Өткен тарих-шежіре» атты 7а, ә сыныптары арасында орта ғасырларға шолу жасалынған интеллектуалды сайыс өткізді. Интелектуалды ойынның мақсаты:Оқушылардың шығармашылығын арттыру, өз бетімен іздене білуге, сабақта алған білімдерін өмірде қолдана білуге тәрбиелеу.Ойын 5 кезеңнен тұрды.Оқушылар 2 топқа бөлінді.Сайыс тартысты түрде өтіп, оқушылардың қызығушылығын арттырды. 7ә сынып оқушылары жеңіске жетіп марапатталды.

21.12.18 күні думан залда 7-10 сыныптармен қорытынды кеш өткізілді.Патриоттық ән, би, күй, тарихи көріністер қойылған бұл кеш жоғары деңгейде өтті. Оқушылар арасында актерлық шеберліктерімен, ерекше әсер қалдырған 7а сынып оқушылары І орынға ие болып мақтау қағаздарымен марапатталды

Қорыта келе тарих он күндігі оқушылардың қызығушылығын арттыруда, тарихи сананы жағңыртуда өткізілген тартысты қызықты күндерге толы болды.Кезекті лездемеде белсенді қатысқан сыныптар, оқушылар мектеп директорынан мақтау қағаздарға ие болды