Мәңгілік ел-мәртебелі тіл

Боранбаева Ақмарал

Батыс Қазақстан облысы

Жаңақала ауданы

Ақбалшық бастауыш білім беретін мектебі жанындағы

Мектепалды даярлық тәрбиешісі

Ертеңгілік

Мәңгілік ел – Мәртебелі тіл!

Жүргізуші: Қайырлы күн! Ана тілін ардақ тұтар тіл жанашырлары! Армысыздар, өрлі де, асқақ рухты тәуелсіз елдің жас ұландары! Қазақстан Республикасы халықтарының тілдер күніне арналған ертеңгілігімізді ашық деп жариялаймыз!

Сап тік тұрыңдар!

(Қазақстан Республикасының Гимні орындалады)

Жүргізуші: Ана тілі - әр адамның өз ұлтының жан дүниесі мен мәдениетінен ғасырлар бойы жиған рухани азығынан нәр алатын кіндік тамыры.

Біздің ана тіліміз – қазақ тілі. Ол тек отбасы , ошақ қасының ғана тілі емес, мемлекеттік тіл! 22 – қыркүйек – Қазақстан Республикасы халықтарының тілдер мерекесі. Бұл – барша елге ортақ, жалпы халықтық мереке, барлық ұлт өкілдеріне көрсетілген құрмет.

Ерлік, елдік, бірлік, қайрат, бақ - ардың,

Жауыз тағдыр жойды бәрін не бардың.

Алтын күннен бағасыз бір белгі боп,

Нұрлы жұлдыз, бабам тілі , сен қалдың, деп жырлағандай қазақ халқы бар тарихын көшіп жүріп өткізсе де, батпаққа батырмай, құмға шашпай, жұртына қалдырмай, шабындыға алдырмай, барлық жинаған сөз байлығын, күйі мен жырын бізге жеткізді.

Олай болса «Ана тілім» әніне кезек береміз!

Ақыл-ойын дананың,

Ана тілден аламын.

Ана тілім ардақты,

Ақ сүтіндей анамның-дей отырып, бүлдіршіндеріміздің дайындаған өлеңдеріне кезек береміз!

Тіл – тарихым,

Тіл ардағым.

Ана тілім - өз тілім

Ана тілім үйретеді,

Неше түрлі сөз түрін.

Тілім барда мақтанам,

Тілім менің аппақ ән.

Бірлігімді бүгінгі

Ана тілім сақтаған.

Ән «Ана тілім – туған тілім» Меруерт Нұртасқызы

Ақындардың өлеңін,

Жүрегіне түнетіп,

Көтеріпті ұлы елім

Ана тілін ту етіп.

«Бейбітшілік» биімен биші қыздарымызды ортаға шақырайық

Ән «Әрқашан күн сөнбесін»

Өсірген ой-білімді,

Сүйемін туған тілімді.

Мақсат етем әр сөздің,

Мәнін терең білуді.

Бүгінгі тіл мерекесіне арналған «Мәңгілік ел – Мәртебелі тіл!» атты ертеңгілігіміз аяқталды. Ана тіліміздің мәртебесі асқақтай берсін!Ана тіліміз тек биіктерден көрініп, өркендей берсін!