“Маңғыстау-қазақ руханиятының алтын бесігі”

Маңғыстау – Қазақ елінің батысындағы тарихи, мәдени және рухани құндылықтарға бай өлке. Бұл мекен ежелден бері қасиетті орындарымен, дарынды ақын-жазушыларымен және сан ғасырлық тарихымен танымал. “Киелі Маңғыстау” деп аталуы бекер емес, өйткені бұл жерді қазақ халқының рухани орталықтарының бірі санайды.

Маңғыстау – Ұлы Жібек жолының бойында орналасқан, ежелгі замандардан бері талай халықтың жүріп өткен жері.

Бұл аймақта сақтар, массагеттер, оғыз-қыпшақ тайпалары өмір сүрген. Кейіннен Алтын Орда мен Қазақ хандығының құрамына кірген. XIX ғасырда Маңғыстау Ресей империясының құрамына өтсе, ХХ ғасырда Кеңес Одағының бір бөлігі болды.

Тәуелсіздік алғаннан кейін, бұл өңір Қазақстанның мұнайлы астанасына айналып, еліміздің экономикасында ерекше орын алды.

Ал сіз 362 әулие туралы білдіңізбе?

Иә,кезінде манғыстауда 362 әулиесімен танымал болған ал ол әулиелердің басым бөлігі ислам дінін таратушы халыққа рухани жол сілтеген тұлғалар болған.

Соның ішінде Шопан ата, Бекет ата, Масат ата, Қараман ата сынды әулиелердің есімдері ерекше құрметке ие.

Әсіресе, Бекет ата жер асты мешіті – бұл өлкенің ең қасиетті орындарының бірі болып саналады. Жыл сайын мыңдаған зияратшылар осы орындарға келіп, дұға етеді, рухани тазаруға ұмтылады.

Манғыстау тек көркем табиғатымен,жылы шырайлы адамдарымен ғана емес, ақын-жазушыларымен де ерекшелінеді!

Әбіш Кекілбаев, Сабыр Адай, Ақтан Керейұлы, Нұрмұхан Жантөрин сынды тұлғалар қазақ әдебиетінің, мәдениетінің дамуына зор үлес қосты.

Әбіш Кекілбаевтың тарихи романдары, Сабыр Адайдың отты жырлары, Ақтан Керейұлының айтыстары – барлығы қазақ руханиятының байлығы. Маңғыстаулық ақындардың шығармалары туған жердің сұлулығы мен киелілігін жырға қосады.

Маңғыстау – тарихи, мәдени және рухани қазыналарға толы өлке.

Киелі 362 әулиесі, бай тарихы, ұлы тұлғалары мен ақын-жазушылары бұл өңірдің қазақ халқы үшін ерекше мәнге ие екенін дәлелдейді.

Бүгінгі таңда да Маңғыстау дамып, өсіп, Қазақстанның маңызды аймақтарының бірі болып қала береді.

“Маңғыстау-мәңгіліктің мекені оның әрбір тасы-тарих,әрбір құмы-құпия”

Турсынгалиева Күлте

Ғұбайдолла Айдаров атындағы №1 мектеп-лицей КММ

11 сынып

Ақтау қаласы