мангулик эл келажагимиз

Эссе

Мангулик эл - келажагимиз.

Келажак нима? Мен халқим келажагини қандай тасаввур қиламан? Келажак - инсонни эртанги куни ҳақида ташвишли ёки ширин хаёлларга берилиб , орзулар масканига элтувчи йўл. Йўл нотекис , пасту баландликлардан иборат бўлади , одатда.Қадимдан адолатли ҳукмдорлар юртининг нурли келажаги устида қайғурганлар, режалар тузганлар. Шу ўринда фахр ва шукроналик хиссини туйган ҳолда айтамизки , қозоғистонликлар тақдир елкасини силаган халқ.

Хон Тангридек осмонўпар тоғлари бор, Иртиш , Аякўз , Едил, Илидек тошқин дарёлари сўлим боғларини суғорган Ватаним . Саҳроларида , чексиз кегликларида чўпон боласини ўзини султонлардек ҳис қилган юртим . Сенинг бағрингда истиқомат қилаётган 130 дан ортиқ турли миллат фарзандлари ўзини бехавотир ҳис этадими? Фазандларинг келажаги ташвишга солмайдими ?

Шу саволни ёши ва миллатидан қатъий назар, кимга бермай, ҳамма бир овоздан эртаси учун кўнгли тўқлигини айтади. Юқорида айтилганидай бизнинг президентимиз халқлар дўстлиги масаласига алоҳида урғу бериб келмоқда. “ Миллат афзаллиги масаласини кўтарган ҳар қандай инсонни мен шахсий душманим деб ҳисоблайман”, шиори остида ишлаб келмоқда. Боғча, мактаб ва ўқув даргоҳларида барча миллат фарзандлари байналмилал руҳда тарбияланиб, бир оила фарзандидек таҳсил олиб келмоқда

Элбошимз Нурсултон Назарбаев келажакка етакловчи йўлимизни мунаввар бўлиши учун қатор дастурлар ишлаб чиқди . Шу дастур туфайли биз эллик эмас, эндиликда ўттиз рақобатбардош давлатлар қаторига изчил яқинлашдик.

“ Биз , қозоғистонликлар , ягона халқмиз ! Ҳаммамиз учун бир тақдир -бу бизнинг Мангулик эл, қудратли ва шарафли Қозоғистонимиз! “,дейди элга мурожаатида элбошимиз.

Шу ўринда “ Мангулик нима? “деган савол туғилади . Назаримда , асрлар оша қадр- қимматини йўқотмайдиган ҳар қандай обида мангуликка дахлдор, Амир Темурнинг Яссавий бобомиз учун қурдирган мақбараси, Сарёмийу Байзовийлар, Абайу Қурмонғози , Диналар яратган бетакрор мисралар , куйлар мангулик эшигини аллақачон очиб берган.