Анадан артық дос бар ма?
Қазақстан Республикасының Президенті Нұрсұлтан Назарбаевтың Қазақстан халқына жолдауында айтқандай, өскелең ұрпақ - біздің ертеңіміз болғандықтан, оларға мектепте тек білім беріп қана қоймай, осындай іс-шараларды көптеп ұйымдастыру елімізде саналы, жан-жақты балаларды тәрбиелеуде өз септігін тигізері сөзсіз. Соған орай,қараша айында Құрық ауылы,№ 6 орта мектебінде 1 «А» сынып оқушылары мен ата-аналарының қатысуымен, сынып жетекшісі Капарова Жанар Төреқызының ұйымдастыруымен балаларды мейірімділікке, аналардың өлшеусіз еңбегін бағалай білуге үйрету және ата-аналардың мектеппен байланысын күшейтіп, жауапкершілігін насихаттау мақсатында «Саған сенемін...» атты отбасылық сайысы болып өтті. Байқау 1«А» сыныбының оқушылары мен аналары арасында ұйымдастырылды. Отбасылық байқау бағдарламасы 5 кезеңнен құрылды. Кезеңдер «Менің анам- әлемдегі ең керемет жан», «Өнерлі отбасы », «Егер де...» , «Отбасы хроникасы» және «Сән үлгісі» сайыстарынан тұрады. Осындай тәлімді шараға қатысқан отбасылар өздерінің жан-жақты екенін көрсете білді. Байқау барысында қатысушы отбасылар бағдарламаның барлық кезеңдеріне жақсы дайындықтарын көрсетіп, өздерінің өнерлі, сөзге шешен, жан-жақты шеберліктерін танытты. Тартысты өткен жанұялар жарысының нәтижесінде барлық кезеңге шығармашылығымен көзге түскен 1 «А» сынып оқушысы Қыдырша Айкөркем мен оның анасы Кушбаева Айдана «Шығармашыл отбасы», ал байқауда «Жақсылық пен жамандық» атты көрініс қойып, көпшілікке терең ой салған Абуталуб Инабат пен анасы Ебосинова Ақтоты «Өнерлі отбасы» номинациясына ие болды. Сонымен қатар, жағдаятты талдап, сахналау кезінде ақыл –өнегесімен, тәлімімен, тапқырлығымен көзге түскен Есенбай Қадір мен анасы Бекенова Анаргүл «Ақылды отбасы» атанса, сән үлгісі кезінде ерекше образымен көзге түсіп, ана мен баланың арасындағы мейірімділік пен махаббатты көрсете білген Исламғали Айзере мен анасы Ермаханова Гүлнар «Мейірімді отбасы» номинацияларына ие болды. Байқауға қатысушы мектеп директорының тәрбие жөніндегі орынбасары Берішбаева Жанар Татайқызы «Кез келген сабақты, тәрбие сағатын немесе сыныптас тыс шараларды тартымды, қызықты етіп өткізу - мұғалімнің шеберлігі, білімділігі, таланты»екендігін атап көрсетіп, ұйымдастырушы бастауыш сынып мұғалімі, жоғары санатты ұстаз - Жанар Төреқызына алғысын білдірді.
ҚР Білім және Ғылым министірлігінің стандартымен жасалған
20 Қараша 2018
386
0 рет жүктелген
