Мақала "Бастауыш сынып оқушыларына адамгершілік-рухани тәрбиенің маңыздылығы"

Бастауыш сынып оқушыларына адамгершілік –рухани тәрбиенің маңыздылығы.

Балаларды тәрбиелеп және оқытуда рухани адамгершілік туралы түсініктерін қалыптастыра отырып, адамгершіліктің ең құнды қасиеттерін бойына сіңдіру өте маңызды.Қазіргі таңда балаларға білім беруде болып жатқан жаңартулар мен өзгерістер тәрбие жұмысын қайта қарауды қажет етеді. Егеменді елдің берік тірегі болып шығатын ұрпақ тәрбиелеу үшін рухани- адамгершілік тәрбиесінің маңызы зор.

Адамгершілікке тәрбиелеу ісі тек білім берумен ғана шектеліп қалмауы тиіс. Адамгершілік тәрбиесі баланың сезіміне әсер ету арқылы оның ішкі жан дүниесін және дүниетанымын оятуға болады. Адамның ішкі жандүниесіне әсер ететін нәрсе ол ортаның әрекеттері, естіген сөздері, көргені және үйренгені. Осы тұрғыда баланың жақсы қасиеттерді бойына сіңдіруіне ықпал ететін ол ата –анамен ұстаздар қауымы. Жақсыдан үйреніп, жаманнан жиренетін кездерінде дер кезінде тура жолға салуға ата-ананың және ұстаздардың тигізер ықпалы зор орасан. Яғни баланың жақсы мен жаманды ажырата білуі. Адамгершілік тәрбиесі-әдептілік, сыпайылық, ізіттілік деген ұғымды білдіреді. Бала тәрбиесінде ата-бабаларымыз халықтық ойындар арқылы сана сезімдегі ұлттық қасиетті қалыптастырған. Ұлттық ойындардың рухани –адамгершілік қасиетінің қалыптасуына тигізетін ықпалы зор. Демек бала тәрбиесінің бастауы ата-ана яғни отбасынан басталады. Отбасында ата-анасы және өзге де отбасы мүшелері баланың тәлімді де тәрбиелі болып өсуіне ерекше назар аударатыны анық. Осы тұрғыдан алғанда баланың бойына жас кезінен ұлттық сана-сезім мен рухани-адамгершілік құндылықтардың негізін орнықтырудың маңызы өте зор. Адамда тәрбиелеу процесі өте күрделі және ұзақ процесс. Жас ұрпақты рухани-адамгершілікке тәрбиелеу мәселесі қазіргі таңда өзекті мәселе болып отыр.

Адамгершілік –адам бойындағы ізгілік, сыйластық, инабаттылық, кісілік сөздерімен мәндес.Тәрбиенің негізгі міндеті – баланың бойында борыш, намыс ар –ождан сынды қадір қасиеттерді қалыптастыру. Қорыта келгенде тәрбиенің негізгі мақсаты –дені сау, ұлттық сан сезімі оянған , рухани ойлау дәрежесі биік, парасатты, ар-ожданы мол, еңбекқор тұлғаны тәрбиелеу және олардың бойына ізгі қасиеттерді сіңіру.